WARA'AMI 119:50 - Biblía Axweesantá Hhohho' ar Mungú 2004

⁵⁰ Tam baraá slahh'ámkwí diriia a gurkwa/akwaá/, asma al'axweesantók i slafmís.

Ya/abtór hho' 1977

⁵⁰ Tam baraá slahh'ámkwí diriia a gurkwa/akwaá/, asma al'axweesantók i slafmís.

WARA'AMI 119:50 Iomraidhean Croise

WARA'AMI 119:25

Aníng aga qaatuút, a afkú bohóngw i dirií', un fiririím hungu/uusáng ar adoodá' kara ó'.

WARA'AMI 119:38

Al'axweesantók boo/eesang dir'eene, anuú sagadiyusmoowók, al'axweesantá ta hanmís dír mukdá' kuúng u ilaiwawaá/.

WARA'AMI 119:41

AAKOÓ MUNGÚ sla'aarirók ar warqawaaká laqaamang, ba/amisáng adoodá' kara ó'.

WARA'AMI 119:92

Dabeerók geera bar qwal/amaayer'eeneeká, geera slahh'amuueé' iga qaroó gaás.

WARA'AMI 138:7

Aníng bar baraá slahh'amaayér i dirií', aníng kuúng i de'eén. Dakók un gan'ás gawaá kudaá wakuuser'eé'. Nee dakók oo /iyáy aníng i ba/amis.

WARA'AMI 27:13

Aníng a haratlintatií' niwa hoot ay dír hhooeemaá AAKOÓ MUNGÚ ngay ar baraá yaamaá múk slafa.

WARA'AMI 28:7

AAKOÓ MUNGÚ a /uuruueé' nee gaambór aníng i baaq. Inós un haratlintií' ar muunaáeé' sleémeero. Aníng ina alee/iís niri qwalaá/ baraá muunaáeene, un sluufmiís ar daa'ángw qwala/.

WARA'AMI 42:11

Aníng gár nis gurhaamuut a milá? Nee mahar amoqwaqwadiím baraaeene? Mungú un harahhiíf. Asma aníng u malé xirfayeés, kuduú alee/isusmooeé' nee Munguúeé'.

WARA'AMI 42:8

AAKOÓ MUNGÚ tlaatla/aango sla'aarirós ar warqawaaká ngi laqán, nee xweeraawo aníng Munguú nir slaaf un firiím, nee un xirfayeés ar daa'aangw.

WARA'AMI 94:19

Muunaáeé' amoqwaqwadiingo bira buúhh, aníng kuúng i gurkwa/ás nee in qwal/amís.

YEREMIA 15:16

Aníng axweesantók ana sláw nee ngiri /aáy, axweesantók aníng iri qwal/atís, nee muunaáeé' guri sla'atís, asma aníng tawa kók, aá AAKOÓ MUNGÚ Aleesleemusmo.

ESEKIELI 37:10

Naagáy aníng niri aariím adoodá' taa báy, hinsla iri dáh baraá tu'uudá', inooín niri slafíngwií ki/iyé', niri sihhiitiyé' daqtá ló'wa yaariir.

Yohana 6:63

Qeeru an kudá' slafíngw hanmiís, slaqwa gár i bu' i káhh. /Aymi'iiká' naa kuungá' i oó' a qeeru, slám a slafiingw.

Rumi 15:4

Asma Gooi sleémeero tidá' taa qaroó gooín, kana gooín as atén tiwa intsaahhatimis. Atén qitla nee gurkwa/amis u slaslawaán baraá Gooiro. Gawaá adoorihe a gawduwaán baraá haraxu'utirene.

Yakobo 1:18

Gawaá sla'aarirose inós atén tina laqwaál ar axweesantá looeema. Adoorí gana tleéhh as atén tawa adór bu'uungós tleehhitaan, kudá' aa giirin, baraá muruuwós kudá' sleémeero aa tleehhi.

1 Petro 1:3

Mungú Baabuú Aakoorén Yesu Kristo i xirfuuti. Inós atén tina sagaáwa tsár wa laqwaál ar gurtleemuuwós oo yaariír, qoomár Yesu Kristo nguwa waaslee/atís baraá múk aa qaátl wa ale, as atén harahhifór slafiingw kawa slawaan,

1 Petro 2:2

Adoodár na/aá qaweero ilwa ngir ilatleeruumaamisiya', kuungá' sleeme ilwadaá ló' awa axweesantá Mungú, ilatleeruusaak, as kuungá' axweesantí nuwa ureemis ay dír ba/ama kay i hardata,