WARA'AMI 119:37 - Biblía Axweesantá Hhohho' ar Mungú 2004

³⁷ Aníng ilaa/áng muruú dakti'iima muwa eehár. Hotaaeé' gan'aaseek ar adoodá' axweesantók i kat.

Ya/abtór hho' 1977

³⁷ Aníng ilaa/áng muruú dakti'iima muwa eehaár. Hotaaeé' gan'aaseek ar adoodá' axweesantók i kat.

WARA'AMI 119:37 Iomraidhean Croise

2 SAMUELI 11:2

Loarka wake, qoomár tsiindowo, Daudi ina qatuú wá tláy, iri tsa/án gawaá daanduú doó waawutmo. Qoomár iwa gawaá geehhoudá' wa hi'iimiti, /ameenír wák gana ár i hamtliín /ameenír tsataari hho', hhohh'ariro ila' gin hayót.

YOBU 31:1

«Aníng aga tsabiím, a baloó qaytaaká amór dasi as ngiwa ilaatleeruus.

WARA'AMI 119:25

Aníng aga qaatuút, a afkú bohóngw i dirií', un fiririím hungu/uusáng ar adoodá' kara ó'.

WARA'AMI 119:40

Hara'ayarók ngiwa oh a ló'wa slaá'. Kuúngudá' gan'amuú koóm slafíngw /abén aníng i haniisang.

WARA'AMI 71:20

Kuúng iga slahh'amuú yaariír i hanís ala i malé slafís iri /uurií dók, iri afkú bohóngw wa ki/ís.

AXWEESANOÓ SAGALOOA 23:5

Asma tawa qaytsita daqaari'iima aa fák, Ila nee tí gár ta aan kwaáo ina tleér ar hhampe'eeri papáh gan ó', adór gwareesír gawaá doori.

AXWEESANOÓ SAGALOOA 4:25

Ilaawók geera ngi ga/aye', nee hhamhhamaá ilaawók geera ngi ló'wa ga/aye'.

ISAYA 33:15

An heé hota ganaá' nee oo axweesani hhó' kudá' slaasláwár /ayta ga waaqaqaá', an kudá' slukma ga baloó i qaytaaká. Kudá' kángw tseerdaá muu kiwa ku'umiisi axamisuuwo gu sla'aaká, nee kudá' ilaawós gaa gumamaa' as gár tlaakw mingiwa ár.

FAARO 15:39

Afuuntluraywí qoomár bura aandé', kuungá' nu inslawtamisi, hara'ayár AAKOÓ MUNGÚ sleémeero, nee nee adoodá' i kat ka tlehhá' as kuungá' ilaatleerír munerhúng ma eeharaharaara', nee muruú ilaahunge ta ara'aandá'.

Matayo 5:28

Ala án a kah, umuúqo heewo oo /ameeni gaa alqaytsiit ar ilatleeri aa fuquús nee /ameenidá' baraá muunaáwose.

YOSHUA 7:21

Tlawuuko wák oo hhoohhoó', oo Shinárír daáhh una ár baraá tla/ángw haasaáng wa ale, nee muqslír /awaak ar ta tlehhahhiti ar peésa ar har afiqoomoó kílo tsár, nee hhartá niina ar taa tleéhh ar sahaábu, iilooeemaawós a har afiqoomár tlaqtá kílo, muruuwí nguri waatlakweés, nguri ar tláw, nguri luú/ baraá guruú xaftaeé', nguri yaamií foól, slám peésa i baraá guruudií dirí'.»

1 Yohana 2:16

Asma umuúqo gár baraá yaamuwo, adór ilatleerír slaqwa, nee ar ila', nee daqaari'iimár muu gwa daara/ángwár eer, muruuwí i amór Mungú dahhiiká, ala a muruú baraá yaamuuká'.