WARA'AMI 119:36 - Biblía Axweesantá Hhohho' ar Mungú 2004

³⁶ Sla'aarír ló' ar axweesantók baraeéní tleehhang, ta daqaari'iima ngiwa ilatleeruusa.

Ya/abtór hho' 1977

³⁶ Sla'aarír ló' ar axweesantók baraeéní tleehhang, ta daqaari'iima ngiwa ilatleeruusa.

WARA'AMI 119:36 Iomraidhean Croise

1 WAAWITÁ 8:58

Inós muneerén ngi amoorós xu'usi, as loohirós kawa eeharaan, nee hara'ayaarós kawa oohaan, nee kaahirose, nee axweesantose tidá' aa oó' dír baabi'iirén.

WARA'AMI 10:3

Tlakusmo tin xirfayeemiis as ilatleeri tidá' tlakw ar baraá muunaáwós, nee heé qahusmo AAKOÓ MUNGÚ gun /oosliislín nee gun sii'.

WARA'AMI 141:4

Muunaáeé' mu amór tlehhmuú tlaákw xu'usar, tlehhma'aá tlakw miwa intsaáhh, nee múk tlakweemaá tlehhahhiít mawa aldinku'usaán, tam muruú /aymar'ín kuduú gi'i muwa /aáy.

WARA'AMI 51:10

Aá Mungú, muunuú hhoohhoó' i tleehháng, qeeruú /abén oo inkihhím baraaeéní qaaseek.

TI'INAANGW 18:21

Ala muruú hatlá' dír kwihe, muu na leelehheek baraá tla/angw'ín wa ale, masók a múk aleesleemuú koóm, múk Mungú ilaiwawaá/, múk inkihhimuú koóm, múk slukmár /ayaaká. Waawiti'iimárí haniseek, bahh'ale múk kumuú wák ngu geeraharahariye', bahh'ale múk tsiiru, kooko múk mibeeri kooán, kuqá' múk mibaangw.

YEREMIA 32:39

Aníng inooín in muunuú wák i haniís nee loohír wák, as kahhó' aníng iwa ilaiwawa/iya' umuú daqto, as kahhó' aníng inooín ngiwa hhooeemáy tleehh nee na/ii'ine.

ESEKIELI 33:31

Nina dír geeraawók i hardihiyé' adór múk wa ale, nee nina dír geerawók i iwiitiyé' adór muk'eé', axweesantók ngiri axaasiyé', ala naa iialooeesi'iiká. Barta axwees i sla'aarír koná', ala muner'ín i baraá slaasláw leelehhit.

HABAKUKI 2:9

«Tsaxwaawók kuúngudá' do'ók ugwa daqaari'itís ar /aytár muruú múk hatlá', nee do'ók oo tleér kuri tléhh as gár tlaakw uwa sleeraaká.

Luka 12:15

Yesu giri báy, «Qaytsité', ti harmagahhe' nee qahángw umuúqo adooro. Asma daqaari'iima tam ka yaariír dír heewo, i slafíngw hupká.»

Luka 16:14

Mukduú Farisayo tidá' Yesu aa oó' sleémeero ngiwa axaasiyé', kuna niqín, asma inooín tawa kudá' peésár sla'á' ló'wa ale.

Efeso 5:3

Ala tsaatu'uuma nee slasla/areemaá dimbadimbé, nee ilatleeri, muruuwí mukuwa baloó oó' dirhunge, as kuungá' tawa múk hhohhó' oo Mungú.

Kolosai 3:5

Gawaá adoorihe kuungá' ilatleerír slaqwa gaasaak, dinkwa nee tlehhmi'iiwós sleémeero, adór tsaatu'uuma nee slasla/aareema, nee ilatleerír tlakw nee inslawoó tlákw, nee da/i. Asma heé da/itá koóm, a heé munguaá hatlá' haratlintatií'.

1 Timoteo 6:17

Mukdá' daqaari'iimár baraakaá' yaamu ga koóm ádbaweek matawa daara/án. Daqaari'iimar'ín tí makawa harahhiíf, asma i fák. Ala masók inooín Mungú ngun harahhifiyá', kudá' mura' sleémeero oo ta sla'aan ngu hanmiís ar yaareema.

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

2 Petro 2:14

Inooín ilaaín in tawo waseeliná' ilatleerir tsaatu'uumaro, slám i hhe'eesiaaká tlakweemaawo. Nee múk tununuú/ baraá haratlintaaooro ngun qwaareemisiyá'. Inooín a múk ló'wa peésár slaá'. Gawaá adoorihe inooín kaa lu'ús nee Mungú.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.