WARA'AMI 119:35 - Biblía Axweesantá Hhohho' ar Mungú 2004

³⁵ Geeraharáng hara'ayarók ngi óh, asma baraawose qwala/ un slasláw.

Ya/abtór hho' 1977

³⁵ Geeraharáng hara'ayarók ngi óh, asma baraawose qwala/ un slasláw.

WARA'AMI 119:35 Iomraidhean Croise

WARA'AMI 1:2

Ala dabér AAKOÓ MUNGÚ gu sla'atimís, nee dabeedá' gan aldakuut tlaatla/aangw nee xweeraawo.

WARA'AMI 119:16

Axweesantók a saqwalalaá/. Tidá' kuúng ta kat a gunqareesaaká.

WARA'AMI 119:173

Umuú daqto masók taa amohhe'és aníng iwa alee/is, asma hara'ayarók aga tsawaár.

WARA'AMI 119:27

Aníng alee/iisáng hara'ayarók ngiwa oh, daqaní aníng tlehhmi'iiwók kudaá waa/oo/amo i aldakuút.

WARA'AMI 119:36

Sla'aarír ló' ar axweesantók baraeéní tleehhang, ta daqaari'iima ngiwa ilatleeruusa.

WARA'AMI 23:3

Aníng in /uuruú /abén i hanmiis, nee in geeraharahaar baraá loohír ganaa'a as umuuwós.

WARA'AMI 25:4

Aá AAKOÓ MUNGÚ, án xu'utisáng lohduwoge, án intsaahhatisáng tsirxadaá nir waaraahha.

AXWEESANOÓ SAGALOOA 3:17

Lohuuwós sleémeero bira aán in sla'atamiisiyá', nee umuúqo loohiro ka saxmaár.

AXWEESANOÓ SAGALOOA 4:11

Ugwa intsaahhatís loohír sagalooaro, nee ugwa geerahaár ar baraá loohír qoom.

AXWEESANOÓ SAGALOOA 4:18

Ala loohír heé ganaá' a adór tsiraahhór tsee/amá, tse/amangwí in kumaamiit ay /ametleemu.

AXWEESANOÓ SAGALOOA 8:20

Aníng an hoót ar gan'amu nee tlehhma'aá ganaa'á' in eeharahár.

ISAYA 2:3

Xoordaá yaariir nin daqayá' niri ooiya', «Qwalaasé', gusé', gawaá tloomár AAKOÓ MUNGÚ, amór doó Munguú Yakobo, as kahhó' inós tiwa intsaahhatisi lohduuwose, as kahhó' atén tawa baraá lohduuwós wa hootaan, asma baraá Siyoniro dabe nin ti'ít, nee baraá Yerusalemuro axweesantá AAKOÓ MUNGÚ a axaasaán.»

ISAYA 48:17

AAKOÓ MUNGÚ, kuduú ba/amusmoohúng, kudá' hhoohhoó' oo Israeli i kaahi, «Aníng a AAKOÓ MUNGÚ, Munguúhúng kudá' kuungá' nu intsaahhatamís as amohhooarhúng kawa sleera', kudá' kuungá' nu geeraharahaár ar baraá loohidá' ganaa' ooharo.

Rumi 7:22

Asma aníng baraá muunaáeene hara'ayár Mungú an sa qwalalaá/.

Filipi 2:13

Asma Mungú in baraahúng wa gadiyuus. Inós kuungá' nu alee/iis as sla'aarirós kawa tlehha' nee gadiyér hhoo' kawa tlehha'.

Ebrania 13:21

Munguúwí umuúqo gár hhoo' ngi kuungá' i haniisi, as kuungá' sla'aarirós kawa tlehha'. Inós tidá' i slai ngi tleehhi baraá muneerene ar loohír Yesu Kristo. Inós i xirfuuti ay alhhe'eesay wasle. Amin.

1 Yohana 5:3

Asma dabeerós bar iialooeemisaán, gár i laqaaqaan a atén Mungú u sla'aán. Slám bur sla'aán, dabeerós iialooeesaro ka gawdeeká.