WARA'AMI 119:32 - Biblía Axweesantá Hhohho' ar Mungú 2004

³² Hara'ayarók an eehár, asma fuqurangw'eé' ngu dogít.

Ya/abtór hho' 1977

³² Hara'ayarók an eehaár, asma fuqurangw'eé' ngu dogít.

WARA'AMI 119:32 Iomraidhean Croise

IIMU/UUNGW 26:22

Naagáy Isaka iri tláy amór hatlá', hhalángw hatlá' guri foól. Ala kwí kwaa gilá wa slayká, Isaka hhalaangwí guri báy Rehoboti, iri oó', «Daxta AAKOÓ MUNGÚ taa pa/ángw i haniís, atén an doogimaán baraá yaamukae.»

1 WAAWITÁ 4:29

Mungú Solomon guna sagalooárí haniís nee tsaahha nee xu'utír yaariir adór hhasángw afaá tlawi.

WARA'AMI 119:45

Baraá hotaaeene ti baloó dinqisiiká, asma aga ilakahareés hara'ayarók ooharo.

WARA'AMI 18:36

Loohir'eé' ana intlaaxwés dír geeraaeene, tam ya'aaeé' iga tunqalaa/iiká nikiitsaawo.

DAA'AANGW 1:4

Aníng ar tlawáng, góh ar gaanslaay, Waawutmo aníng iga dahaás baraá do'ós, Atén kuúng uri saqwalaala/aán nee uri sa bara/aán, sla'aarirók kari alki/itaán tam difaái ba/a. /Ameena kuúng uwa sla' i hariín.

ISAYA 40:31

Ala kudá' sleémeero AAKOÓ MUNGÚ harahhifá', inooín /uuruú /abén ngu slaslayá', inooín tari adór gwaresuú wa gáwtí tláy ar hhampe'eeri. Inooín nin ti'ii'iná' ta baloó slaaqatiiká, tan hi'iimiit ta baloó nusqumiitiiká.

ISAYA 60:5

Adoorí an aán nee tari qwalá/, muunaáwók iri qwalaa/ tari bará/. Asma daqaari'iimár baraá tlawi kingi amoorók i huuw, nee daqaari'iimár xoordu kingi kiíngí haniis.

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

Yohana 8:32

Slám looeema i tsahhá', nee looeemaaká' nuri gweeriyá'.»

Yohana 8:36

Gawaá adoorihe Garma burna gweér baraá lawaali'iimaro, tunda kángw kilá' wa gweér.

2 korinto 3:17

Gawaá adoorihe Aako inós an Qeeru, nee didá' Qeeruú Aako i dirii'i, an didá' muu kuwa gwediiti baraá lawaali'iimaro.

2 korinto 6:11

Kuungá' múk Korinto, atén kuungá' nun i axweesaán ar axweesanoó /awák. Atén muneerén ka /awak dirhunge.

Ebrania 12:1

Asma atén taa harweér nee lamabu'uuseerí yaariir adór huunkár alé. Gawaá adoorihe atén sleeme gár tiwa hariím a muruudá' sleémeero atén ti iilooeemiís un kwahhaán, nee tin paraatlaán nee tlakweemaadá' sleémeero atén taa oohiye', nee slám atén tawa geerií ta'aimaan ar qitla baraá qwaatloodá' taa dír geeraarén i qaasi.

1 Petro 2:16

Kuungá' a múk taa gweér baraá lawaali'iimár wa ale. Gawaá adoorihe gweermoosíng tunduwa gweér masók a Mungú un sagadiyuusá', ala ma tlakweemár lu/u/umaara'.