WARA'AMI 119:31 - Biblía Axweesantá Hhohho' ar Mungú 2004

³¹ AAKOÓ MUNGÚ, án adoodá' taa ó' aga ooha hhe'eés, kuúng ma ya/aamaar aníng tiwa mureekeesi!

Ya/abtór hho' 1977

³¹ AAKOÓ MUNGÚ, án adoodá' taa ó' aga ooha hhe'eés, kuúng ma ya/aamaar aníng tiwa murekeesi!

WARA'AMI 119:31 Iomraidhean Croise

WARA'AMI 119:115

Quutlé' dir'eene kuungaásingá' tlakuúse, asma hara'ayár Munguúeé' ngiwa oh.

WARA'AMI 119:48

Hara'ayarók an ilaiwawaá/ nee an slaá', án kaahirók an aldakuút.

WARA'AMI 119:6

Barnaxes hara'ayarók sleémeero aga iialooeés, daqaní ti mureekeesiiká.

WARA'AMI 119:80

Masók kaahirók an óh ar inkihhimu, as aníng mitiwa mureekeés.

WARA'AMI 25:2

Aá Munguúeé', án kuúng una harahhiíf, mitiwa mureekeés. Wakuuser'eé' miwa arbá/.

WARA'AMI 25:20

Án de'eemáng nee ba/amiisáng. Mitiwa mureekeés asma aníng nina dirók i goów.

AXWEESANOÓ SAGALOOA 23:23

Looeema leeleehheek, mi baloó waaqaa'aar, sagalooa leeleehheek nee intsaahhatisaro nee tsaahharo.

ISAYA 45:17

Ala AAKOÓ MUNGÚ xoorór Israeli ga ba/amis ar ba/amár alhhe'eesay wasl. Kuungá' tundu murekesiiká nee tundu amoqwaaresiiká ay kureeraá kureér.

ISAYA 49:23

Waawitá uri sagadiyuus, waawitaáín oo /ameena kuúng uri /aymiis. Kuúng tu i tumbarara'aat turi ilaiwawaa/, teerír baraá ya'aawók kari naats. Daqaní kuúng kari xú' adór aníng tar AAKOÓ MUNGÚ. Kudá' aníng iga harahhifiye' ki mureekeesiiká.

YEREMIA 17:18

Kudá' aníng i slahh'eemisá' ki mureekeesi, ala aníng mi mawaar tiwa mureekeesi. Kuká' ki alsi'imúy, ala aníng mi mawaar tiwa alsi'imuy. Amotlakwe ti hup. Hhaamiseek ni sagaawa tsár wa qororo'ootiye'.

Yohana 8:31

Aluuwo Yesu múk Yahudi kudá' gwa haratlintii' guri báy, «Kuungá' bara kumité' axweesante'eé' iialooeemisuuwo, aga eeharuuser'eé' ar ló' tleehhité'.

Tlehhema'aá ya/Abuuse 11:23

Qoomár inós iwa hardáh, tsuuqaá Mungú ngiwa ár, ina qwalaá/, giri báy, «Aako ooha hhe'eesaak baraá munerhunge.»

Rumi 5:5

Nee haraxu'uti atén ti dae tlaqká. Asma sla'aarír Mungú kinga qaroó ku'uús baraá muneerén i aleeró nee Qeeruú hhoohhoó' oo Mungú, kudá' tinda aténií haniís.

DABE 10:20

AAKOÓ MUNGÚ, Munguúhúng ilaiwaa/aak, inós sagadiyusaak, ti alkoomakonde' nee inós, nee lo'o ka /agá' ar umuuwós.

DABE 11:22

«Kuungá' ti harmagahhe', hara'ayar'eé' sleémeero ar naa kuungií hara'ayiím kawa ota' ar ilakaahara. AAKOÓ MUNGÚ, Munguúhúng sla'aak, nee adoodá' inós i kaahi sleémeero kawa ota', nee tawa alhota' nee inós.

DABE 4:4

Ala kuungá' inkihhimu una tlehhé' dír AAKOÓ MUNGÚ, Munguúhunge, an gár tas slafa' ay laarí.

1 Yohana 2:28

Kuungá' laqwalór ninakw, baraawós wa hootaak, as qoomár Kristo birna hardáh, burkwa geehhooeés, atén mitiwa mureekeés dír geeraawós wa ale.