WARA'AMI 119:173 - Biblía Axweesantá Hhohho' ar Mungú 2004

¹⁷³ Umuú daqto masók taa amohhe'és aníng iwa alee/is, asma hara'ayarók aga tsawaár.

Ya/abtór hho' 1977

¹⁷³ Umuú daqto masók ta amohhe'és aníng iwa alee/is, asma hara'ayarók aga tsawaár.

WARA'AMI 119:173 Iomraidhean Croise

1 QOM'I 4:10

Yabesi Munguú xoorór Israeli guri firín, iri oó', «Aníng na tsuuqáng, Munguú, nee yaamaá iintlaaxwá' aníng i haniisang. Kuúng masók a dinkwa nee aníng, nee muruú tlákw pa/asek dir'eene, kudá' slahh'amu ngu huúw.» Munguú tidá' inós aa firín gari haniís.

WARA'AMI 119:111

Adoodá' i babeer aalir'eé', dir'eene ka afhhamít, eeít, a qwal/amaayér muunaáeé'.

WARA'AMI 119:117

Aníng alee/iisáng, daqaní amohhooa a sláw, umuú daqto masók ti iialoó' axweesantoge.

WARA'AMI 119:30

Aníng inkihhimu ugwa tsawaár, nee tidá' kuúng ta kat an aldakuút.

WARA'AMI 119:35

Geeraharáng hara'ayarók ngi óh, asma baraawose qwala/ un slasláw.

WARA'AMI 119:40

Hara'ayarók ngiwa oh a ló'wa slaá'. Kuúngudá' gan'amuú koóm slafíngw /abén aníng i haniisang.

WARA'AMI 119:94

Aníng a kók, ba/amiisáng, asma aga ilakaahareés hara'aya eeharto.

WARA'AMI 37:24

Heé adoorí tim nikiitsi i huuiiká yaamií ale, asma AAKOÓ MUNGÚ inós gun oh ar dabaawós awa kilá'.

AXWEESANOÓ SAGALOOA 1:29

Asma kuungá' xu'uti ana ahhé', slám AAKOÓ MUNGÚ kuwa ilaiwawa/a' aga tsawdi'iiká.

Marko 9:24

Baabuú garmaadá' iri gáwtí tseé', iri oó', «Aga haratlintií', dír haratlintaaor'eé' kawa /aár alee/iisáng.»

Luka 10:42

Ala gár slahhaa' a wak kilós. Maria gár hhoo' gana tsawát, tidá' ta baloó hingeesiiká dirose.»

2 korinto 12:9

Ala Aako iri báy, «Gurtleemuueé' i bu'uut diroge. Asma /uuruueé' ku ak úr, kuúng burtu daqaatlaákw.» Gawaá adoorihe aníng tin xirfayeemiís ar qwal/uú yaariír as daqaatlakwer'eé', as /uuruú Kristo iwa baraaeé' wa hooti.

DABE 30:19

Aníng laarí doori nee yaamu i ateét tawa lamabu'uuse adór aníng slafiingw nee gwa'araro, nee tsuuqa nee lo'ooro ngira dír geeraahúng i qaás tawa tsawdiinda'. Gimsé' slafiingw tsawaraak, kuungá' nee na/iihunge, as tawa hota'.

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»

YOSHUA 24:22

Yoshua mukdá' guri báy, «Kuungá' a lamabu'uuse daandemoohunge adór tara tsawdiindé' AAKOÓ MUNGÚ kuwa sagadiyusa'.» Inooín nguri bayé', «Kahhoo', atén a lamabu'uuse daandemoorene.»