WARA'AMI 119:130 - Biblía Axweesantá Hhohho' ar Mungú 2004

¹³⁰ Alki/ituú muruudá' kuúng ta sla', gwa/aateema ngin huwahuuw, múk gár xuaaká gu xu'utimis.

Ya/abtór hho' 1977

¹³⁰ Alki/ituú muruudá' kuúng ta sla', gwa/ateema ngin huwahuuw, múk gár xuaaká gu xu'utimis.

WARA'AMI 119:130 Iomraidhean Croise

WARA'AMI 119:105

Axweesantók a adór tsaa'asi ar aníng i geerahaar, nee gwa/aateemá baraá loohir'eé'.

WARA'AMI 119:34

Intsaahhatisang dabeerók ngi aleesláw ooharo, ngi eehár ar muunaáeé' sleémeero.

WARA'AMI 19:7

Dabér AAKOÓ MUNGÚ i qoón, hee gu /uurií hanís. Axweesantá AAKOÓ MUNGÚ a ló', sagalooa ga hanmís dír kudá' ngi kooma'aaká.

WARA'AMI 19:8

Dabér AAKOÓ MUNGÚ i ganá', muuná gu qwal/atimís, hara'ayár AAKOÓ MUNGÚ i ganá', hee gu daharés.

AXWEESANOÓ SAGALOOA 1:4

As múk xu'uti wásl fuquraangw nguwa slay, nee masoomo iwa magaahhi nee xu'uti ngiwa slay.

AXWEESANOÓ SAGALOOA 6:23

Asma hara'ayaarí a tsaa'asi, nee dabeerí a gwa/aateema, an gurbu'úngw hee gu gan'aás, an loohír slafiingw.

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

2 korinto 4:4

Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.

2 Petro 1:19

Gawaá adoorihe atén axweesantadá' aaruuse aa alki/ít an ló'wa haratlintiaán. Kuungá' adór hho' aga tlehhé' barnaxes axweesantadá' aga alqaytsité'. Asma axweesantadá' a adór tsaa'astá baraá giwtír wa oh, ay dír iimi i /awaakuur, nee ay dír tsatsee/ír Haymú i geehhouur baraá munerhunge.