WARA'AMI 119:124 - Biblía Axweesantá Hhohho' ar Mungú 2004

¹²⁴ Anuú lawaalmoowók hhooeemaá i tleehháng, ar adór sla'aarirók ar warqawaaká i diri'. Kaahiroge intsaahhatisáng.

Ya/abtór hho' 1977

¹²⁴ Anuú lawaalmoowók hhooeemá i tleehháng, ar adór sla'aarirók ar warqawaaká i diri'. Kaahiroge intsaahhatisáng.

WARA'AMI 119:124 Iomraidhean Croise

NEHEMIA 9:20

Ina qeeruuwók kudá' hhoóí hanís as ngiwa hara'ayin, maána ana hanís tawa muruú /aymar'ín nee ma'aá wahaangw as waxer'ín ngiwa tse'eesiya'.

WARA'AMI 103:10

Taa muuxiiká ar adoodá' tlakweemaarén wa hariim, taa buiiká ar qoomoó dakumisuurén.

WARA'AMI 119:12

AAKOÓ MUNGÚ, kuúng xirfuút! Intsaahhatisáng loohiroge!

WARA'AMI 119:132

Amor'eé' i warqawang nee gurtlawáng, adoodá' ki /imamis mukdaádá' u slaá'.

WARA'AMI 119:26

Qoomár kangw'eé' nguwa dirók i oó', án iri mu/aywáts, gím daxta intsaahhatisáng kaahiroge.

WARA'AMI 119:41

AAKOÓ MUNGÚ sla'aarirók ar warqawaaká laqaamang, ba/amisáng adoodá' kara ó'.

WARA'AMI 119:88

/Iisáng ar sla'aarirók tidá' warqawaakahe, masók aníng ar kuúng ta kat an óh.

WARA'AMI 130:7

Israeli, kuúng AAKOÓ MUNGÚ na harahhifeek. Asma AAKOÓ MUNGÚ sla'aarír warqawaaká ga kón, nee deelo sleémeero muu gu ba/amisár wa slaa'.

WARA'AMI 31:20

Kuúng inooín in lú/ dír folú muko, didá' kuúng tawa deér, nee in lú/ baraá heémarók í alé, as axweesanoó múk tlákw.

WARA'AMI 51:1

Mungú na'ás, án gurtlawáng, ar afi qoomoó sla'aarirók ar warqawaaká, ar yaareemaá gurtleemuwók, tlakweemaaeé' na fiitseek.

WARA'AMI 69:13

AAKOÓ MUNGÚ, aníng un fiririím, Mungú, qoomaadá' u sla'atimisa, án mu/aywatsáng ar sla'aarirók tidá' warqawaaká, ar inkihhimuwoge aníng tu/áng.

WARA'AMI 69:16

AAKOÓ MUNGÚ, án mu/aywatsáng, asma sla'aarirók ar warqawaaká a gár hhoo', ar gurtleemuwók kudá' yaariire án i qaytáng.

WARA'AMI 79:8

Miti sakwasleemuutaar as dakuusár xwayliiteérén. Gurtleemuwoge ti alee'eer ar gaanslaay, asma atén taa kángw kilá' wa hara/uuntsín.

DANIELI 9:18

Aá Munguúeé', iia qaaseek, qaytsiít slahh'amuú ta koomaan, nee adór gixsarí taa umuuwók ar ateét ir slahhaahha'. Gár atén kuúng us firirimaan a gan'amuureneeká, ala a as gurtleemuuwók oo yaariír.

Luka 18:13

«Ala ohomusmooduú koódi amorqá' saaw gana i sihhiít. Sleeme tam iwa gáwtí qayti gaa qiitliiká, aqo har da/ewawós gina pupuxuumiís, iri oó', ‹Mungú, án gurtlawáng! Aníng a heé tlakweemaá koóm.›