WARA'AMI 119:111 - Biblía Axweesantá Hhohho' ar Mungú 2004

¹¹¹ Adoodá' i babeer aalir'eé', dir'eene ka afhhamít, eeít, a qwal/amaayér muunaáeé'.

Ya/abtór hho' 1977

¹¹¹ Adoodá' i babeer aalir'eé', dir'eene ka afhhamít, eeít, a qwal/amaayér muunuúeé'.

WARA'AMI 119:111 Iomraidhean Croise

WARA'AMI 119:127

Gawaá adoorihe hara'ayarók a slaá' sahaábu ba/a, tam sahaábu hhoohhoó' ba/a.

WARA'AMI 119:14

Axweesantók eeharto an saqwalalaá/, tam daqaari'iimár yaariir ba/a.

WARA'AMI 119:162

Aníng axweesantók an saqwalalaá/, adór heé haasaángú yaariír gwaa slay.

WARA'AMI 119:174

AAKOÓ MUNGÚ, aníng a ló'wa daamaraám iwa ba/amis, dabeerók an saqwalalaá/.

WARA'AMI 119:74

Mukdá' kuúng u ilaiwawaá/ bira ár tay qwalaa/, asma axweesantók aga harahhiíf.

WARA'AMI 119:92

Dabeerók geera bar qwal/amaayer'eeneeká, geera slahh'amuueé' iga qaroó gaás.

WARA'AMI 16:5

AAKOÓ MUNGÚ, kuúng an aalir'eé', kuúng muruú aníng ni slaa' ngun hanmís sleémeero. Slafingw'eé' i baraá dabaawók.

WARA'AMI 19:8

Dabér AAKOÓ MUNGÚ i ganá', muuná gu qwal/atimís, hara'ayár AAKOÓ MUNGÚ i ganá', hee gu daharés.

WARA'AMI 19:9

Ilaiwa/amér AAKOÓ MUNGÚ ka hhoohhoo', i kumít ay kureeraá kureér. Kaahír AAKOÓ MUNGÚ a looeema, sleémeero i ganá'.

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

YEREMIA 15:16

Aníng axweesantók ana sláw nee ngiri /aáy, axweesantók aníng iri qwal/atís, nee muunaáeé' guri sla'atís, asma aníng tawa kók, aá AAKOÓ MUNGÚ Aleesleemusmo.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

DABE 33:4

Mose tina ádbáy dabe kawa iialooeesaan, tawa adór aalír slahhaa' dír dinku'uumarén ar Yakobowo.

Kolosai 1:12

Daqaní kuungá' Baabá kuri sluufmisá' ar qwal/amaaye, kudá' naa aleesleemuú i haniis oo tawa al dinku'uumisa' nee múk hhohhó' oo Mungú baraá aalír waawuti'iimár gwa/aateemaawo.

Ebrania 9:15

Asma aáng Mungú al'axweesani gana dír mukií haniís ar aalír alhhe'eesay wasl kawa slay. Ala muu Mungú guna sadakuús qoomár alqadoodár geeraawo. Kristo iri gwaá' as muu nguwa gweeri baraá tlehhemi'ii'ín kudae. Gawaá adoorihe Kristo an haraki/isusmoó alqadór /aben, as mukdá' taa ateét nee Mungú al'axweesantadá' Mungú aa oó' kawa slay.

1 Petro 1:4

nee aalír hhitiruutaaká a slawaán tidá' ta meetagaasiiká, slám i /otská. Tidá' ta gawaá doorí wa amohhe'eemisi as atén.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,