WARA'AMI 119:10 - Biblía Axweesantá Hhohho' ar Mungú 2004

¹⁰ Aníng kuúng u leelehhiít ar muunaáeé' sleémeero. Mi tawo mawaar hara'ayarók mawa geexáw.

Ya/abtór hho' 1977

¹⁰ Aníng kuúng u leelehhiít ar muunuúeé' sleémeero. Mi tawo mawaar hara'ayarók mawa geexáw.

WARA'AMI 119:10 Iomraidhean Croise

2 QOM'I 15:15

Múk Yuda sleémeero tana ló'wa qwalaá/, asma lo'o ngiwa /ayiyé' ar muner'ín sleémeero, asma Mungú nguna leeleehhiyé' ar muner'ín sleémeero, nguri slayé'. Inooín AAKOÓ MUNGÚ gay waydií haniís badu sleémeero.

WARA'AMI 119:118

Mukdá' kaahirók gaa sii' kuúng un sí'. Inslaway'ín oo daktu'uumár tawo.

WARA'AMI 119:133

Digireerieé' gawdeesang adoodá' kara ó', ma ya/aamaar aníng tiwa baliiti nee tlakweema.

WARA'AMI 119:176

A tonganuús adór bee/ír aa qwat, leeleehháng anuú sagadiyusmoowók, asma hara'ayarók aga gunqaareesiiká.

WARA'AMI 119:2

Múk amohhoó' a kudá' axweesantá Mungú ngi iialooeemisá', kudá' ngu leelehhiitá' ar muner'ín sleémeero.

WARA'AMI 119:21

Kuúng múk daara/aám un iigahhmít, mukdá' hara'ayarók gaa sii' ku lu'us.

WARA'AMI 119:34

Intsaahhatisang dabeerók ngi aleesláw ooharo, ngi eehár ar muunaáeé' sleémeero.

WARA'AMI 119:58

Hhooeemaawók ngi ló'wa firiím ar muunaáeé' sleémeero. Aníng gurtlawáng adoodá' kara ó'.

WARA'AMI 119:69

Daara/uuse i lámtí tláq, ala aníng hara'ayarók aga óh.

WARA'AMI 125:5

Ala kudaádá' naa warqaye' baraá lohaá tlakw, AAKOÓ MUNGÚ gi qwaarees dinkwa nee múk tlakweemá tlehhahhiít. Amohhooa masók i dír Israeli!

WARA'AMI 23:3

Aníng in /uuruú /abén i hanmiis, nee in geeraharahaar baraá loohír ganaa'a as umuuwós.

WARA'AMI 78:37

Asma inooín naa bartá Mungú i gawduy'iiká, inooín ki inkihhiimeeká baraá alqadoorose.

AXWEESANOÓ SAGALOOA 2:13

nee dír múk lohaá ganaa'á' gaa sii', as iwa hootiya' baraá giwtír wa ale,

AXWEESANOÓ SAGALOOA 21:16

Heé tsaahhár koomaaká, in hungu/uus baraá tla/ángw tu'u.

ISAYA 35:8

Loohír ur baraadae i deer, inós ka bay «Loohír hhoohhoo'.» Múk daba' tlákw loohidá' ga kala/iiká, ala aqo har múk Mungú kilooín. Inooín tam ki iimi bo/e ala i qwaariiaaká baraá loohidae.

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

ESEKIELI 34:6

Bee/angw'eé' iri diya/aát iri tawo hi'iimiít gawaá tlom'i wa alé nee gawaá tlom'aá tlet, iri tsiyayaáx baraá yaamu sleémeero, nee heé gwaa gaárí xuu' gway leelehhtuú áy i kaahh.›

HOSEA 10:2

Inooín a al/aymuuse, hám daxta adór kis hariím ngi slayá'. AAKOÓ MUNGÚ kiteeri'ín kudaá ilahhooa gin yaamií daahh, uheemidá' giri fee/.

Matayo 6:24

«Heé daqaarér tsár sagadiyeede ga aleesláw i kaahh, asma kooko gun aahh, kuqá' gway slaa'. Laqaá nee kooko tin oohiyá', kuqá' gway waaqaa'. Mungú nee daqaari'iima tsaraawo kiwa sagadiyusa' i aleesleera'aaká.»

Kolosai 3:22

Kuungá' lawaále, daqaarerhúng tidá' ta sagadiyusa', ilaiwawa/aak baraá mura' sleémeerowo. Kuungá' masók a adór lawaaleedár ilaá maaqumisaaká, tidá' ti tawó sla'atimis dír múk i alé. Ala masók an gadiyusá' ar muunuú /awaák, as adoodá' kuungá' Aako kuwa ilaiwawa/a'.

1 Yohana 2:15

Yaamu mi sla'aara', tam muruú baraá yaamií dirií'. Hee bar yaamu gaa slaá', sla'aarír Baabá baraawose i káhh.

1 SAMUELI 7:3

Samueli múk Israeli sleémeero guri báy, «Barnaxes aga ki/é' ar munerhúng sleémeero amór AAKOÓ MUNGÚ, gimsé' munguaá dahaaye hingeesaak, nee slaqsi'iidá' ta babay Ashtaroti, dirhunge kwahhaak. Munerhúng amohhe'eesaak dír AAKOÓ MUNGÚ. Inós kilós ku sagadiyusá', daqaní inós kuungá' nu ba/amis baraá dabaá xoorór Filistiro.»