WARA'AMI 118:6 - Biblía Axweesantá Hhohho' ar Mungú 2004

⁶ AAKOÓ MUNGÚ i bartaeé', heé ni da'ayuumiit a heemá? Hee aníng mi /iis?

Ya/abtór hho' 1977

⁶ AAKOÓ MUNGÚ i bartaeé', heé ni da'ayumiit a heemá? Hee aníng mi /iis?

WARA'AMI 118:6 Iomraidhean Croise

WARA'AMI 112:8

Baraawose i kwislmiitiiká, slám i da'ayuumiitiiká. Ga xuu' kángw kilá' wa ale adór wakuuseerós ngir ba/i.

WARA'AMI 146:5

Heé amohhoó' a kudá' alee/isaay gu harahhiíf dír Munguú Yakobo, nee harahhifoorós i dír AAKOÓ Munguúwós.

WARA'AMI 23:4

Aníng tam waaraahha ar baraá giwtír tsaxwaá gwa'ara, muruú tlákw u daimiitaaká, asma kuúng a dinkwa nee aníng. Qadisaywók nee hhartók in gurkwa/amisiyá'.

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

WARA'AMI 56:10

Ar alee/isoó Munguhe axweesantós an xirfayeés. Ar alee/isoó AAKOÓ MUNGÚ axweesantós an xirfayeés.

WARA'AMI 56:11

Mungú ugwa harahhiíf, a da'ayuutaaká, hee gár i /iisi a milá?

WARA'AMI 56:12

Mungú, al'axweesante'eé' gár kawa hariím aqo ngin boo/eés. Ilahhooár sluufaay ngi haniís.

WARA'AMI 56:4

Ar alee/isoó Munguhe axweesantós an xirfayeés. Mungú ugwa harahhiíf, a da'ayuutaaká, hee gár i /iisi a milá?

WARA'AMI 56:5

Wakuuser'eé' qooma sleémeero aníng in slahh'eemisiyá', qooma sleémeero gár ta aldakuuti a adór án tir slahh'eemisi.

WARA'AMI 56:9

Daqaní wakuuser'eé' i alií kí/, bál án kuúng bura ateét. Tí a xuú', adór AAKOÓ MUNGÚ i bartaeé' i dirii'i,

WARA'AMI 94:16

Xáy, heé bartaeé' ngi áw a heemá qoomár múk tlákw bura siaán? A heemá heé gayuueé' dír múk tlakweemaá tlehhiita?

ISAYA 51:12

AAKOÓ MUNGÚ i kaahi, «Aníng a kudá' kuúng u gurkwa/ás. Ahaá waáy gár heé gwaá' kus da'ayuumit Heé qo ilaá wa qwaár adór gitso?

YEREMIA 20:11

Ala kuúng AAKOÓ MUNGÚ a dinkwa nee aníng. Dir'eene kuúng a adór migusmoó dae tlaáq. Gawaá adoorihe kuká' aníng i baramaanuusá' i dukuutsiyá', baaliro i aleeslay'aaká. Ki ló'wa mureekees, asma i baalina'aaká. Murér alhhe'eesay wasle ngin slayá', ar taqo baloó gunqareesiiká.

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

Ebrania 13:6

Gawaá adoorihe atén adoorí a aleeslawaán ar haratlintaao ooaro, «Aako an alee/iisusmooeé', a da'ayumiitaaká. Hee gár i aníng i tleehhi a umós?»

1 SAMUELI 17:11

Naagáy Saulo nee slawtós tidár slaqwara ar múk Israeli axweesanoó heedaáduú Filisti kuwa axmiís tari ló'wa da'ayuút, tari amoqwaár kángw kilá' wa ale.

1 SAMUELI 17:37

Daudi iri oó', «AAKOÓ MUNGÚ kudá' aníng iga ba/amis gawaá afér direerí wa ale, nee afér makaydá' ta bay duúbuuwo, inós aníng i tuu/ gawaá dabaá heequú Filistiro.» Saulo guri báy, «Tláw, AAKOÓ MUNGÚ masók a dinkwa nee kuúng.»