WARA'AMI 116:13 - Biblía Axweesantá Hhohho' ar Mungú 2004

¹³ U ilahhooár difaáír i haniís asma iga ba/amís, nee AAKOÓ MUNGÚ un fiririím.

Ya/abtór hho' 1977

¹³ U sluufoó difaáír i haniís asma iga ba/amís, nee AAKO MUNGÚ un fiririím.

WARA'AMI 116:13 Iomraidhean Croise

WARA'AMI 105:1

AAKOÓ MUNGÚ sluufmisaak, inós firiirimaak, adoodá' aa /imiís alki/iitaak dír xoordu sleémeero!

WARA'AMI 116:17

Aníng kuúng un sluufiís ar ilahhooár muruú ta tsu/i, nee AAKOÓ MUNGÚ un fiririím.

WARA'AMI 116:2

Inós aníng iga iiárií qamín, gawaá adoorihe un fiririím baraá hotangw'eé' sleémeero.

WARA'AMI 16:5

AAKOÓ MUNGÚ, kuúng an aalir'eé', kuúng muruú aníng ni slaa' ngun hanmís sleémeero. Slafingw'eé' i baraá dabaawók.

WARA'AMI 80:18

Ala u baloó geexawaanaaká as tawa alií ki/aan, ti slafíngwí hanis, daqaní atén umuuwók u ateetaán.

ISAYA 12:4

Baalaadae kuungá' an oa', «AAKOÓ MUNGÚ sluufmisaak, firimaak ar umuuwós. Xoordu tlehhmi'iiwós ti xu'utise', adór umuuwós ira xirfuút na alki/iitaak.

Luka 22:20

Alaá /aymaaro xooslmoó wahaangw guri adoodár óh sleeme, iri oó', «Gár baraá xooslmoowí a alqadór /aben tidá' Mungú aa tleéhh ar tseerer'eé', ar taa ku'uús as kuungá'].

1 Korinto 10:16

Xooslmooduú tsuuqa, kudá' atén ta tsuuqumaan bur ar wahaamaán, gár i huwahuwi a dinku'uumár tseerér Kristowookáhe? Mukatmoodá' ta qasmiisaan bur /ayaán, gár i huwahuwi a dinku'uumár slaqwtá Kristowookáhe?

1 Korinto 10:21

I ya/aandaaká kuungá' xooslmoó Aako kuwa ar wahaanda', nee xooslmoó neetlaame sleeme kuri malé ar wahaandá'. I ya/aandaaká kuungá' tawa dinku'uumisa' dír meésár Aakoowo, nee tari malé dinku'uumisá' dír meésár neetlaame sleeme.