WARA'AMI 116:1 - Biblía Axweesantá Hhohho' ar Mungú 2004

¹ Aníng AAKOÓ MUNGÚ un slaá' asma afor'eé' ga iiárií qamín, inós firor'eé' gaa axaás.

Ya/abtór hho' 1977

¹ Aníng AAKOÓ MUNGÚ un slaá' asma afor'eé' ga iiárií qamín, inós firor'eé' gaa axaás.

WARA'AMI 116:1 Iomraidhean Croise

IIMU/UUNGW 35:2

Yakobo múk do'ós sleémeero nee kudá' nee inós alhootá' giri báy, «Munguiidá' ta koonda' hingeesaak, ti hheehhe'ese', nee tlabaahúng warqesaagáy.

1 WAAWITÁ 9:3

AAKOÓ MUNGÚ guri báy, «Aníng firoorók nee saaliingók kudá' iwa firiín iga axaás. Do'owí kuúng taa tléhh aníng ugwa hhoohhooeés as niwa baraaká' wa hoot daqisleém, slám malé alé, aníng un slaá' nee un xuúm qooma sleémeero.

WARA'AMI 119:132

Amor'eé' i warqawang nee gurtlawáng, adoodá' ki /imamis mukdaádá' u slaá'.

WARA'AMI 28:6

AAKOÓ MUNGÚ i xirfuuti! Asma firor'eé' gaa ya/án.

WARA'AMI 40:1

Aníng AAKOÓ MUNGÚ una daám ar qitla, /aa/ee'eé' giri iiárií qaás, niri amor'eé' i warqáy.

WARA'AMI 69:33

Asma AAKOÓ MUNGÚ kudá' liitlakwen gi iiárií qamín, mukós kudá' taa tseék gu gunqaresiiká.

ISAYA 38:15

Ala gár ni oo' a milá daxta, asma inós ina i axweés, inósuú kilá' gari tleéhh, gu'uter'eé' ina daandií /akút, asma slahh'amuú na sláw baraá muunaáeene.

WA/AA/I 3:56

Kuúng firor'eé' kari iiárií qás, niwa kah, «Iaawók mi oohaar bur alee/isáy fiririím!»

YONA 2:3

Asma ina kwáhh baraá iltá tláwtí alé ay baraá alhhe'eesoó tlawi, ma'aá yaariir iri harweeriyé' bihhe sleémeero. Gwaanduú ma'aay nee ma'aá yaariir nina gawaaér wa/iyé'.

FAARO 21:3

AAKOÓ MUNGÚ firor'ín gari axaás, múk Kana'ani nguri baaliyé'. Múk Israeli múk Kana'ani guri hhaamiís dinkwa nee gixsaduuine. Gawaá adoorihe didaadá' kari bay Horma.

Marko 12:33

Nee hee inós nguwa slai ar muunaáwós sleémeero, nee ar fuquraangós sleémeero, nee ar /uuruuwós sleémeero, nee inslaawmoowós nguwa slai adoodá' inós tir kilós slai, adoorí in ganá' ta hikwaá adoodá' koomá' kiwa ilahhooár wa da/i nee ilahhooár muruú ta tsu/i.»

Yohana 16:24

Ay hamí gár taa firiindé' i káhh ar umuueé'. Fiririimé', a sleerá', as qwal/uuhúng iwa boo/i.»

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

1 Yohana 4:19

Atén Mungú un sla'aán, asma inós atén tina slaá' geerií ale.

1 SAMUELI 1:26

Hana Eli guri beér, «Aá aakooeé', adoodá' kuúng tar slafa, aníng an /ameenidá' naa dirók i tseewuur qoomár niwa sihhmiit, AAKOÓ MUNGÚ nguri firiím.