WARA'AMI 112:7 - Biblía Axweesantá Hhohho' ar Mungú 2004

⁷ Gár tlaakw binga axaás i da'ayuumiitiiká, muunaáwós i kwareeiiká, AAKOÓ MUNGÚ gwaa harahhifoorós i qaás.

Ya/abtór hho' 1977

⁷ Gár tlaakw binga axaás i da'ayumiitiiká, muunuúwós i kwareeiká, AAKOÓ MUNGÚ gwaa harahhifoorós i qaás.

WARA'AMI 112:7 Iomraidhean Croise

YOBU 11:15

Daqaní kuúng a geeraá mukwí ti'ít alkút i káhh, kuúng daqaní a sihhít ar pihhaay dír geeraá muko.

WARA'AMI 118:6

AAKOÓ MUNGÚ i bartaeé', heé ni da'ayuumiit a heemá? Hee aníng mi /iis?

WARA'AMI 34:4

AAKOÓ MUNGÚ una firiím iri mu/aywaáts, daer'eé' sleémeero gari hingeés.

WARA'AMI 49:6

Inooín a múk harahhifor'ín gaa qaas gawaá daqaari'iimar'ín, slám tan waahhamín as daqaari'iimar'ín kawa yaariír.

WARA'AMI 57:7

Aá Mungú, muunaáeé' i kwislmiitiiká, eeít, muunaáeé' i kwislmiitiiká. An daá' nee un xirfayeemiís.

WARA'AMI 62:8

Kuungaá muu, Mungú haratlintiaak daqisleém, slahh'amuuhúng alki/iitaak dirós i alé, Mungú a dír guwayrén.

WARA'AMI 64:10

Heé hotaari hhó' AAKOÓ MUNGÚ ngu saqwalaala/i, nee ngu i gowi! Múk mune ganaá' tiri xirfayeemisiyá'.

AXWEESANOÓ SAGALOOA 1:33

Ala umuúqo heé aníng i iiárií qamiima ku diihhoó', inós iri yaandahhe'ees tam gár gu dae tsaat i káhh.»

DANIELI 3:16

Shadraki nee Meshaki nee Abednego waawutmo kuri báy, «Aá waawutámo, gawaá /aymuusinge atén gár ni ooaan i káhh.

Luka 21:19

Kuungá' bara qiqtlatliindé', a ba/aandá'.»

Luka 21:9

Qoomár kuungá' kángw slaqwara nee gila bura axasé', ma da'ayuutara', asma tí niqo geerií hardát, ala alhhe'eesaay ni gaanslár hardihiiká.»

Yohana 14:1

«Ma amoqwaqwadiimara' baraá munerhunge. Kuungá' Mungú ugwa haratlintié', án na haratlintiaré' sleeme.

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Tlehhema'aá ya/Abuuse 21:13

Paulo atén tiri báy, «Gár ta tlehhita' a umós? /Aa/e nee diqay'eé' qwaareemisúwo? Mas tseegamo kilós an katá'? Án aga ya/aám tam tiwa gaasi baraá Yerusalemúr i alé as umuú Aako Yesu.»

Tlehhema'aá ya/Abuuse 27:25

Gawaá adoorihe, hhawaáte, gur'e gawdesaak, asma án Mungú ugwa haratlintií' adoodá' tinda dir'eé' oó' adór ir tleehharút.