WARA'AMI 11:4 - Biblía Axweesantá Hhohho' ar Mungú 2004

⁴ AAKOÓ MUNGÚ i baraá Do'ós kudá' hhoohhoó'. Kitángw AAKOÓ MUNGÚ i gawaá doori. Muu gu ga/áy ilaawose. Umuúqo gár muu i tlehhiiti ga xuu'.

Ya/abtór hho' 1977

⁴ AAKOÓ MUNGÚ i baraá Do'ós kudá' hhoohhoó'. Kitángw AAKOÓ MUNGÚ i gawaá doori. Muu gu ga/áy ilaawose. Umuúqo gár muu i tlehhiiti ga xuu'.

WARA'AMI 11:4 Iomraidhean Croise

1 QOM'I 17:5

Asma iimír aníng xoorór Israeli ngiwa duúx baraá yaamaá Misrír wa ale ay laarí, aníng aga baloó hootiiká baraá dó' wa alé. Aníng ana baraá heémár wa hoót, nee tina ar lolohín umuú dír tawa hooti.

2 QOM'I 16:9

Asma AAKOÓ MUNGÚ daanduú yaamu sleémeero gu tsee/aarín as kudá' inkihhimuú koomá' dirose ngiwa /uurií doogi. Ala kuúng daktu'uma aga tléhh, gawaá adoorihe slaqwara i lakitká baraá ayaawoge.»

YOBU 24:23

Inós gina amohhooárí haniís nari ak diihhe'eesiyá'. Ala inós lohduuín gi ga/áy.

WARA'AMI 103:19

AAKOÓ MUNGÚ kitaangós oo waawuti'iima gwaa qaás gawaá doori, nee in waawuti'ín baraá yaamu sleémeero.

WARA'AMI 113:5

AAKOÓ Munguúrén heé kur qoomeesi a heemá? Inós aa iwiít gawaá kitángw saáw gawaá doori,

WARA'AMI 139:23

Mungú, aníng tsee/ariimáng, muunaáeé' xueek! Iiaaráng, iinslaway'eé' xueek!

WARA'AMI 14:2

AAKOÓ MUNGÚ muu gun i qaytsimiit gawaá doorií wa ale as ngiwa ari, axáy, i deéro heé sagalooár koóm, oo Munguú leelehhiít?

WARA'AMI 18:6

Baraá slahh'amueene AAKOÓ MUNGÚ una ateét, una ateét Munguúeé' as iwa alee/iisi. Afor'eé' gari axaás amór do'ós wa ale. /Aa/ee'eé' nay baraá iaawós i hardihiyé'.

WARA'AMI 2:4

AAKOÓ MUNGÚ kudá' gawaá doorií wa baaliliím gi waqaseesén, nee tidá' i tlehhiitiya' gan niqimis.

WARA'AMI 33:13

AAKOÓ MUNGÚ i xumiis gawaá doorií wa ale, muu sleémeero gu ga/áy.

WARA'AMI 44:21

ahaá geeraawo Mungú gaa tsaáhhiíke? Asma inós sufuú baraá mune gun xuu'.

WARA'AMI 66:7

In waawuti'ín ar aleesleemuuwós ay alhhe'eesaay wasle, inósuudá' xoordaá amohhe'eemiís, dee/aanuuse mitiwa kilooín xirfayeemís.

WARA'AMI 9:11

AAKOÓ MUNGÚ gawaá Siyoni sa daa'aak, tlehhmi'iiwós alki/iitaak baraá tla/ángw muko.

AXWEESANOÓ SAGALOOA 15:3

Ilaá AAKOÓ MUNGÚ umuú diiro i xumiisiyá', Heé tlaákw nee heé hhooe ngu ga/ayá'.

ISAYA 66:1

AAKOÓ MUNGÚ i kaahi, «Doori an kitangw'eé' oo waawuti'iima, nee yaamu an kitángw ya'aaeé' ngi qamiim. Xáy aníng doó kuungá' i tlehha' a doó adoomá? Xáy dír ni hungu/uus a dír adoomá?»

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

YEREMIA 23:24

Xáy, hee nahhaata gaqo aleesláya ngway qo tsuwa araaká? Ahaá, anuú AAKOÓ MUNGÚ a kudá' dawaakáhe umuú diiro, gawaá doori nee baraá yaamuwo? Anuú AAKOÓ MUNGÚ tí ngina oó'.

MIKA 1:2

Kuungá' múk xoordu sleémeero, iia qaasaak, kuungá' baraá yaamu sleeme iia qaasaak nee umuúqo gár baraá yaamií diriia. Aakoó MUNGÚ nusa kwasleemuut iimír amór Do'ós kudá' hhoohhoó' wa ale.

HABAKUKI 2:20

«Ala AAKOÓ MUNGÚ i baraá do'ós kudá' hhoohhoó' i dirii', yaamu sleémeero i xasliitiye' geeraawós i ale.»

SEKARIA 2:13

Kuungaásingaá muu sleémeero, dír geeraá AAKOÓ MUNGÚ i xaslitaak, asma inós naa dirós tidá' hhoohhoó' wa tláy.

Matayo 23:21

Nee heé lo'ór huwahuúw ar Doó Mungú aqo lo'o gana huúw ar do'dá', nee ar kudá' baraadá' wá hoót sleeme.

Matayo 5:34

Ala án nu baw, lo'o ma baloó huwaara', laqaá tam ar doori, asma doori a kitángw aleesleemu oo Mungú.

Tlehhema'aá ya/Abuuse 7:49

‹Aako i kaahi, Doori a dír kitangw'eé' kuduú aleesleemu, nee yaamu a dír ya'aaeé' ngi qaas. Ala doó kuungá' ni aníng i tlehha' a doó adoomá? Laqaá dír án ni hungu/uus a dír adoomá?

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

Geehhoeemaá 4:2

Qoomaadár kilae Qeeru aníng iri i hardáh. Nee gawaá dooriiwo Kitángw aleesleemu kwaa qaás, heé wák naxés aa iwiít gawaá kitangwdií aleeró.