WARA'AMI 11:1 - Biblía Axweesantá Hhohho' ar Mungú 2004

¹ AAKOÓ MUNGÚ an dír guway'eé'! Adór kar qitla' aníng iwa beera', «/Akuút adór tsir/ír wa ale ay gawaá tlooma.

Ya/abtór hho' 1977

¹ AAKOÓ MUNGÚ an dír guuway'eé'! Adór kar qitla' aníng iwa beera', “/Akuút adór tsir/ír wa ale ay gawaá tlooma.

WARA'AMI 11:1 Iomraidhean Croise

2 QOM'I 14:11

Asa iri /aá/ dír AAKOÓ MUNGÚ, Munguúwós, iri oó', «Aá AAKOÓ MUNGÚ, diroge dimbé i káhh gár ta alee/iimis bar slaqwaruusér /uuruú koom laqaá ar daqatlakw. AAKOÓ MUNGÚ, Munguúrén, atén kuúng ti alee/is, asma atén kuúng ugwa harahhifaán, ar baraá umuuwoge atén naa slaqwarár awaán dír slaqwaruuseérí yaariir. Aá AAKOÓ MUNGÚ, kuúng an Munguúrén, ala kuúng ma ya/amaar nee hee tiwa tlampa'asa'.»

2 QOM'I 16:8

Xáy, múk Kushi nee oo Libyawo slaqwaruuser'ín ka ureéke? Nee gaarduuín nee múk faras ngwaa i tsa/ani ki yaariíreéke? Ala kuúng qoomaadae AAKOÓ MUNGÚ una haraahhíf, nee inós inooín ngay haniís gawaá dabaawók i alé.

NEHEMIA 6:11

Aníng niri oó', «Xáy heé adór aníng in gówi? A gár milá heé adór aníng iwa dahi baraá Doó Mungú as slafiingw nguwa /iis, aníng a dahaaká.»

WARA'AMI 16:1

Na'ás Mungú, aníng de'eemáng, asma kuúng an dír guway'eé'.

WARA'AMI 25:2

Aá Munguúeé', án kuúng una harahhiíf, mitiwa mureekeés. Wakuuser'eé' miwa arbá/.

WARA'AMI 31:14

Ala aníng kuúng un harahhiíf, AAKOÓ MUNGÚ, «Kuúng a Munguúeé'.»

WARA'AMI 56:11

Mungú ugwa harahhiíf, a da'ayuutaaká, hee gár i /iisi a milá?

WARA'AMI 7:1

AAKOÓ Munguúeé', aníng nina amoorógí goów. Ba/amisáng dír kudá' sleémeero aníng i gusisima'a, aníng alee/iisáng.

WARA'AMI 7:2

Mindiwa hardihiyé' adór dirángw wa ale, aníng iri feehhamisiyá', mitiwa uuruúx amór saáw i alé, dír heé i ba/amís iwa kahhi.

WARA'AMI 9:10

Kudá' kuúng u xuá' u harahhifiyá', asma kuúng, AAKOÓ MUNGÚ, kudá' kuúng u leelehhiitá' iga meeriiká.

AXWEESANOÓ SAGALOOA 6:5

Ti kilók tu/ baraá tsaaxweelisinge, adór saaragi ir kotsqomaamit dír slakaatusmoowo, nee adór tsir/i ir kotsqomaamit dír naqfihe.

YEREMIA 48:14

«Xáy, múk Moabu adór kuungá' tar oa', ‹Atén a miguuse nee pihhuusér slaqwarár baal›?

Luka 13:31

Siiwadár kilae Yesu kuri i daqáy nee múk Farisayo, kuri báy, «Quútl diirihe, asma Herode i kuúng gaasár wa slaa'.»

1 SAMUELI 19:11

Xweeraadaá kilae Saulo ya/abuuseerós gana ya/aáw doó Daudi nguwa xuumár eer, as kahhó' nguwa gaasi matlaatleero. Daudi hareerós Mikali guna beér, «Gám slafiingók bura /iská laarí xweeraakae, matlo tu gaas.»

1 SAMUELI 20:38

Gaansluút i diisír kilá' ma hhawahhawaar.» Garmaadá' maheeriwós gina burumbuúr iri kií/ amór aakoowós.

1 SAMUELI 22:3

Daudi iri didá' wa tláy ay gixsár Mispa ar yaamaá Moabu. Waawutmoó Moabu guri báy, «Na'ás, baabuúeé' nee aayír'eene ya/aameek niwa amoorí hotaá aya' ay dír adoodá' Mungú ni aníngí tleehhi ngi ar.»

1 SAMUELI 23:14

Daudi ina baraá xaanxáy meét, baraá koo/ír gawit, iri baraá yaamaá tlom'ií wa hoót, baraá xaanxayduú Sifu. Saulo i Daudi leelehhahhiit daqisleém, ala Mungú Daudi gwaa haniisiiká baraá dabaá Saulo.

1 SAMUELI 27:1

Daudi iri baraá muunaáwós i oó', «Ís baalarkaaro Saulo án i gaas. Gár tsiní dir'eene an goów amór yaamaá múk Filisti. Saulo bira leelehhahhiít baraá guruú yaamuukaá Israeliro iqo mune sii', adoorihe daqaní aníng a /úw Saulowo.»