WARA'AMI 109:5 - Biblía Axweesantá Hhohho' ar Mungú 2004

⁵ Hhooeemaeé' kin tlakweemaaín ar bu'ún, nee sla'aarir'eé' kan aahhir'ín ar bu'ún.

Ya/abtór hho' 1977

⁵ Hhooeemaeé' kin tlakweemaín ar bu'ún, nee sla'aarir'eé' kan aahhir'ín ar bu'ún.

WARA'AMI 109:5 Iomraidhean Croise

IIMU/UUNGW 44:4

Alaá tawa ti'iít baraá gixsaro, Yosefu sagesihhtusmooduú oo do'ós guri báy, «Tláw, mukdá' eehareek, bar iga aán, ki beer, ‹Gár hhooeema kisa tlakweemár bué'? Isaangir'eé' tidár muqslír /awak gár kasa fisé'?

2 SAMUELI 15:12

Qoomár Absalomu ilahhooár muruú ta tsu/i ngiwa hanmiisi, ina ya/abín baraá gixsár Gilo, as Ahitofeli kuwa ateeti, kudaádá' waawutmo Daudi gu gurbuaaiím. Aahhír Absalomu /uuru guri sleér, múk nee inós ti alkoomakoomá' iri doogín.

2 SAMUELI 15:31

Qoomaarihe, Daudi kuri báy, «Tam Ahitofeli, heé wák oo aa dee/aanuut, inós aa haraagwaá' dír Absalomu.» Ala Daudi iri firín iri oó', «AAKOÓ MUNGÚ, án kuúng u firiím, kaahír Ahitofeli i payshut.»

WARA'AMI 38:20

Kudá' aníng i tlakweemaá i tlehhiitá' as hhooeema ngiwa tleéhh, inooín a wakuuser'eé' asma aníng gár naa gurií baá/ a hhooeema.

AXWEESANOÓ SAGALOOA 17:13

Heé tlehhmuú hhoó' gu bu'uúm ar tlakweema, Tlakweema dír do'ose i bihhaá xuiaaká.

YEREMIA 18:20

Xáy, hhooeema kin búi ar tlakweema? Ala iga bohóngwí fooliyé'. Inslaweek adoodá' aníng kuúng uwa firiím, as kiwa gár hhoó' i tlehh, mikiwa sláy nee buhhtaawók.

Luka 6:16

Nee Yuda oo Yakobo nee Yuda Iskarioti kudá' Yesu gwaa sakii/.

Yohana 13:18

«Án kaangwí naa káh oo kuungá' sleémeerowooká. Asma aníng muk'eé' kudá' naa tsawaár u xuú'. Ala tí ina tleehharút as Gooirí iwa bo/, tidá' kah, ‹Kudá' muruú /aymar'eé' gwa /aay, aa wakusmooeé' tleehhiít.›

1 SAMUELI 19:5

Asma slafiingós guna tsaxwaá /aymiís qoomár Goliati nguwa gaás, AAKOÓ MUNGÚ múk Israeli sleémeero guna arba/atír urií haniís. Kuúng gaarií aga aán, kari saqwalaalá/. Ahaá waáy miti har tlakweemár eér, as tseerér Dauduú xaslxaansli wásl kawa ku'us, asma kuwa tawo gaasár wa sla'?»