WARA'AMI 109:14 - Biblía Axweesantá Hhohho' ar Mungú 2004

¹⁴ AAKOÓ MUNGÚ tlakweemaá taati'iiwós ngi inslay, tlakweemaá aayírós mikiwa baloó gurtláy!

Ya/abtór hho' 1977

¹⁴ AAKOÓ MUNGÚ tlakweemaá taati'iiwós ngi inslay, tlakweemaá aayírós mikiwa baloó gurtláy!

WARA'AMI 109:14 Iomraidhean Croise

2 SAMUELI 21:1

Qoomár Daudi tawa waawutmo, giyér ur nina tleér baraá yaamuwo. Giyeérí ina kumaamít baraá yaamuwo ay kureeri tám. Daudi AAKOÓ MUNGÚ guri firín gawaá daanduú kaangwihe. AAKOÓ MUNGÚ Daudi guri báy, «Saulo nee múk do'ose a tlakuuse, asma inooín tseerdaá muu ngaa ku'umaamisiyé', inós múk Gibeoni guna tsuú/.»

2 SAMUELI 3:29

Lo'ór gaasár Abneri Yoabu ngu /aa/ak, nee múk do'ós sleémeero! Tiqtír slaangeetamo baraá múk doó Yoabuwo miwa hee dakús, laqaá tiqtír tsatmit ngu sleer, laqaá heé tiqti aa hhitiín oo qadiisár hi'iimiít ngu slay, laqaá baraá do'ose oo taa gaasi ar paánga miwa kahhuút, laqaá oo muruú /ayma gu dakuús miwa kahhuút.»

2 WAAWITÁ 11:1

Atalia aayór waawutmo Ahasia kaangwí nguwa axás adór na/aywós kura gaás, inós iri tleér na/aá doó waawutmo sleémeero giri hhaamis.

2 WAAWITÁ 8:27

Ahasia harér aa duúx ar tlahhoó hhay Ahabu, gawaá adoorihe, Ahasia tlehhma'aá hhay Ahabu gina eehár. Tlehhma'aá tlakw gina tleéhh dír AAKOÓ MUNGUHE ar adoodár kilá' hhay Ahabu aa tléhh.

2 WAAWITÁ 9:27

Waawutmo Ahasia oo Yuda ngiwa ár, tidá' aa tleehharut iri goów amór gixsár Bet-hagan, amooqae kungu alkón nee Yehu. Yehu mukós guri báy, «Inós sleeme tsaxaaraak.» Inooín nguri gaárirós i tsaxaariyé', qoomár iwa dír waatsarár loohír Gurír kaw, nee iisaapoó gixsár Ibleamu. Iri kumiít ti'iingo iri Megido i gwa'arár áy.

NEHEMIA 4:5

Tlakweemaín mi baloó lu/aar tam tlakweemaaín mi fiitsaar, asma kuúng ugwa buhhtisiyé' dír geeraá múk doó tleéhh wa alé.»

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

TI'INAANGW 34:7

Aníng sla'aarir'eé' ar warqawaaká an komkaakoóm ay nángw sagaáwa kumér kúm, aníng múk iringér koóm nee tlakweema nee dakumisuuwo un gurtlatláw. Ala heé tlakusmo u harafaaraaká tawa adór heé gana'amuú koóm, aníng li/oó tlakweemaá xwayliité un buú' dír na/ii'ín, nee na/aá nangw'ín tam ay nángw sagaáwa tám laqaá tsiyáhh.»

ISAYA 43:25

Anínguú kilá' an kudá' tlakweemaahúng gi hamtliít as aníng kilooeé'. Aníng tlakweemaahúng i baloó inslawaaká.

YEREMIA 18:23

Ala AAKOÓ MUNGÚ, kuúng adoodá' ta qoomeemesi as iwa gaasár wa slaya' a xú'. Tlakweemaaín mi gurtlawaar, laqaá tlakweemaaín mi hingeesaar dír geeraawoge, inooín ki arba/i dír geeraawoge. Qoomár bara búhh inooín haraganaaeek.»

TLAHHOÓ LAÁWI 26:39

Barnaxes bartaka aa mét baraá yaamaá wakuuserhúng, nin naduumitiyá' nee niri faakiyá' as tlakweemaaín nee as tlakweemaá baabi'ii'ín.