WARA'AMI 107:14 - Biblía Axweesantá Hhohho' ar Mungú 2004

¹⁴ Giri duúx baraá deewa'ameero nee baraá giwtiro, nee muqsladá' kira tsegiít gari giqáy.

Ya/abtór hho' 1977

¹⁴ Giri duúx baraá deewa'ameero nee baraá giwtiro, nee muqsladá' kira tsegiít gari giqáy.

WARA'AMI 107:14 Iomraidhean Croise

YOBU 15:22

Tlakusmo harahhifór ti'inángw baraá giwti ga konká, alhhe'eesaywo aqo kun gaas ar paánga.

YOBU 15:30

Adór iwa pa/i gwa'araro i káhh, inós a adór xa'anoó harma/oorós tsángw asla aa kahaás, nee /ayoorós fur'a ganar tlatleér.

YOBU 19:8

Loohir'eé' kaa tseék ar baqa, as kahhó' niwa waarahhaaká, lohduueé' gaa giwísh.

YOBU 3:5

Masók baalaadá' ma/ami nee giwtír aa qipit gan ót, huunkoó iló' ngi tuuntuuki. Ma/ami tlaatla/angwdá' ngu de'e tsat.

YOBU 33:30

As kahhó' hhiintluú hee nguwa afkú bohóngw wa way'aasi, as kahhó' heedaádá' gwa/aateemaá slafiingw ngiwa ari.

YOBU 36:8

Ala barnaxes muu kwa tsegiít ar minyoróro kiri ohín nee him'ér slahh'eemiis,

WARA'AMI 102:20

Wa/aa/ír mukdá' taa tsegiít gan iiárií qaas, mukdá' geera taa sakwasleemuút kiwa tsu/i gin gweer.

WARA'AMI 107:10

Bahh'alé tana hoót ar deewa'ame nee baraá wa/ángw giíw, kina slahh'eemiís ar tsegmuú muqsla.

WARA'AMI 116:16

AAKOÓ MUNGÚ, aníng a lawaalmoowók, án kuúng iga gwét baraá tseegmooro.

WARA'AMI 146:7

Mukdá' taa barqantuús guri sakwasleemár ganaá' i tleehh, kudá' qwariitá' giri muruú /aymár i haniis. Kudá' taa tsegiít AAKOÓ MUNGÚ gay gweer.

WARA'AMI 68:6

Mungú kudá' dewawa'á' gin dír hotáy sláy, awa taa tsegiít gin gweer tawa iwiiwiti ar amohhooa. Ala awa naa dee/aanutiye' tan iwiwiit baraá yaamaá kaahaár wa ale.

ISAYA 42:16

Aníng múk taampu un geerahaár ar loohír i baloó xuiaaká. Inooín in geerahaár baraá loohír ni xuiaaká, Giwtír geeraaín an warqeés tawa gwa/aateema, yaamaá wa/eeraá koomá' in tlapu tleéhh. Adoorí an adór ni tleehh. Nee án inooín i geexawaaká.

ISAYA 49:9

Kudaá baraá tseegamo kiwa bay, «Ti'iitaré' baraá doó tseegamooro.» Awa baraá giwti kiwa bay, «Qwalaas amór gwa/aateema.» Umuú diiro muruú /ayma i deer, tam gawaá sagér tlom'aá kaaharene muruú /ayma i deer.

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

Luka 13:16

Ala /ameenirír xwaylár Abrahamu, inós Neetlaangw gana slahh'eemiís kureeri mibaá nee dakaát, ala inós i hariíndaáke kawa hungu/uusi baraá slahh'amuuwihe bál deelór Sabaátoro.»

Tlehhema'aá ya/Abuuse 5:19

Ala malaykamoó Aako xweeraawo afér doó tseegamo gari gweér, giri tsee/ií duúx, giri báy,

Tlehhema'aá ya/Abuuse 5:25

Siiwadár kilá' heeko wák nay hardáh, iri oó', «Mukdaádá' /isá' taa baraá doó tseegamór i dahasé', haandá' baraá Doó Mungú, ta múk intsaahhatimis.»

Efeso 5:8

Asma aáng kuungá' a giwti, ala hamí a gwa/aateema asma kuungá' tawa múk Aako. Hooté' adór múk baraá gwa/aateema kuwa hariím hotaango.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.