WARA'AMI 107:12 - Biblía Axweesantá Hhohho' ar Mungú 2004

¹² Mungú giri slahh'eemiís ar gadiyér gawit as ngiwa naanaaqi, niwa diqiya' tsatiitiyé', heé gi aleeáw iri qwaár.

Ya/abtór hho' 1977

¹² Mungú giri slahh'eemiís ar gadiyér gawit as ngiwa naanaaqi, niwa diqiya tsatiitiyé', heé gi aleeáw iri qwaár.

WARA'AMI 107:12 Iomraidhean Croise

2 WAAWITÁ 14:26

Asma AAKOÓ MUNGÚ slahh'amuú úr oo mukós oo Israeli guna ár, asma heé gi alee/iís i kaahh.

2 WAAWITÁ 6:33

Tidá' ooaro gaa hhe'eesiiká, heedaádá' tinda ya/aáw nee waawutmo naa hardáh, i kaahi, «Slahh'amuuwí amór i dahhi a amór AAKOÓ MUNGÚ, án gár ni daamaraam a milá ar ni aniíngí tleehhi?»

NEHEMIA 9:37

Daqaari'iimár yaamuuká' kaa ar tláy nee waawitaádá' kuúng naa qás atén tiwa sawaawuti'ii'ina'. Inooín slaqoorén ngin baliitiyá' nee hikwaarene, atén a baraá slahh'amaayér ur.»

YOBU 9:13

Mungú bira buúhh ti il/aa/anká, makiito'oodár baraá ma'aay ta bay Rahabu nee alee/isuuseerose aqo nin dír geeraawósí xupuuiyá'.

WARA'AMI 142:4

Bara qaytsiít bihhieé' awa doó /iyáy, heé án i /iís i kaahh, nee oo án xuúm i kaahh, amór ni goow i káhh.

WARA'AMI 22:11

Kuúng dir'eene ma sawesaar, asma slahh'amu ku tseéw, nee heé i alee/iís i kaahh.

TI'INAANGW 2:23

Alaá qoomár deelór yaariir iwa waaráhh, waawutmoó Misri iri gwaá'. Xoorór Israeli slahh'amuú úr guri sleér baraá lawaali'iimaro, tari /aa/amín. /Aa/eeín niri hardihiyé' amór Mungú.

ISAYA 51:23

Aníng wakuuseerók an wahaás, tidá' kuúng u babaw, ‹Yaami qaateek atén a gawaawók ar waarahhaán, daanduuwók nguri adór yaamu tleehhaán tari adór loohír tar warhhahhati.› »

ISAYA 52:5

Hám daxta gawaá adoorihe anuú AAKOÓ MUNGÚ a kah, ‹Aníng gár ni tleehh diirihe bar muk'eé' kuna tawo ar tláy dír ilaaeé' wa ale. Waawitaáín ta tsuunqumiis.› » AAKOÓ MUNGÚ i kaahi, «Umuueé' kun /oosliislín umuú daqto.

ISAYA 63:5

Ana qaytsiít naxés heé aníng iga alee/iis i kaahh, ana waa/oó/ asma heé aníng iga tuu/ i kaahh, aluuwo arba/atir'eé' ana dakw'eénuú kilár sláw, nee buhhtaaeé' ina alee/isiyé'.

HAR'OHUUSE 16:21

Samson kuri óh nee múk Filisti, kuri ila tu/ún, nguri huwiyé' Gasa, kuri tseék ar tlatlawtá muqsli, iri xooslín baraá tseegamór wa ale.

HAR'OHUUSE 16:30

Samson iri oó', «Xaa aníng ni gwaá' dinkwa nee múk Filisti.» Uheemidá' giri tliwií/ ar /uuruuwós sleémeero. Do'odá' inós guri i huú', dinkwa nee geeraharuusedár múk Filistiro nee muu sleémeero oo baraadií dirii'. Baalaadae múk aa tsuú/ ku ló'wa úr ta ak kudá' aa tsu/i qoomár iwa slafi.