WARA'AMI 105:16 - Biblía Axweesantá Hhohho' ar Mungú 2004

¹⁶ Mungú giyeé gari tleés ayaaín i alé, muruú /aymar'ín sleémeero guri hhitín.

Ya/abtór hho' 1977

¹⁶ Mungú giyeét gari tleés ayaaín i alé, muruú /aymar'ín sleémeero guri hhitín.

WARA'AMI 105:16 Iomraidhean Croise

IIMU/UUNGW 41:54

Kureeraá faanqw awa qwari niri hardihiyé', ar adoodá' Yosefu ngira geerií oó'. Giyeé niri tleér baraá yaamu sleémeero, ala baraá yaamaá Misriro muruú /ayma i deer.

IIMU/UUNGW 47:13

Muruú /ayma i kaahh baraá yaamaá hatlae, giyeé ka ló' wa ur baraá yaamaá Misriro, nee yaamaá Kana'ani, tana slahhaá' qwarko.

IIMU/UUNGW 47:19

Atén gár nis dír geeraawók i hhaamaan a milá, nee qamuurén niri hhituruutiyá'? Atén nee qamuurene ti tlaxw, tari lawaalér Farao, as tiwa /aymiisi. Balaangw haniisang mawa qatlaán, nee dahaasíngw ta baraá qamuuréní dahaasaan haniisang sleeme.»

2 WAAWITÁ 8:1

Elisha aáng /ameenidár Shunemúr hoot, tidá' na/aywós aa waaslee/atís, gana báy, «Tláw kiíng nee múk do'oge, lóh baraá yaamaá hatlá' awa kiíng tawa dahaayo'o, asma AAKOÓ MUNGÚ giyér kureeraá faanqw ngi tlees baraá yaamuukae.»

WARA'AMI 104:15

Nee difaáír muunaáwós gu qwala/aas, di/tá gitsee/awós ngir soohhayesi, nee fa/ár /uuru ngur slay.

ISAYA 3:1

Ga/aawaak Aako, AAKOÓ MUNGÚ Aleesleemusmo, baraá Yerusalemu nee Yudawo nu harahhifo hingees, nee haraxu'utír muruú /aymaro, nee ar muruú wahaangw sleémeero.

ESEKIELI 4:16

Iri malé báy, «Heewí, ga/aaweek, aníng muruú /aymár baraá gixsár Yerusalemu u hayóh, yaamuloouuser'ín gár i /ak a muruú /aymár ta qoomeemesi ar dae, ma'aá wahaangw a kudá' ta qoomeemesi ar xure.

TLAHHOÓ LAÁWI 26:26

Muruú /aymarhúng un /aareés, tam /ameenár mibaangw tla/afír wák gan wa huuriín, nun i qasmiisiyá' ar qoomaay. Tam alaá /aymaro kuungá' aqo qwaritá'.

AMOS 3:6

Xáy, tarumbeéta kaqo tawo ufaáhhi baraá gixsaro, muu iri da'ayutiiká? Xáy, gár tlaakw iqo baraá gixsár wa tleehharúta ar amór AAKOÓ MUNGÚ dahhaaká?

HAGAI 2:17

Nuna slaáhh ar slahheemasi nee ar ququamó nee ar tluwoó tlaa/e, baraá gadiyeé sleémeero ar dabaahunge, ala naa amor'eé' ki/ii'iiká. Anuú AAKOÓ MUNGÚ Aleesleemusmo tí ngina oó'.

Tlehhema'aá ya/Abuuse 7:11

Giyeé niri tleér baraá yaamaá Misriro nee Kana'ani sleémeerowo. Muu slahh'amuú úr guri sláy, tam baabi'iirén gár ta /ayi iri qwát.

Geehhoeemaá 6:8

Aníng niri qaytsiít, faraásír hatlá' ngiri ár ar baabahay. Heé faraásirí gaa i tsa/an umuuwós a Gwa'ara, gi'i nee inós tina al koomakoné'. Inooín kiri aleesleemuú i haniís baraá yaamuwo daanduú barakár wák baraá baduudá' tsiyahhawo, as muu kuwa tsu/i ar paánga, nee ar giyeé nee ar pu/i, nee ar makaá xaraaslá' awa baraaká' yaamu.