WARA'AMI 103:6 - Biblía Axweesantá Hhohho' ar Mungú 2004

⁶ AAKOÓ MUNGÚ kwasleema gan tleehh ar loohír ganaa'. Mukdaádá' ta baramaanuusi gun hariimar'ínií ki/is malé ale.

Ya/abtór hho' 1977

⁶ AAKOÓ MUNGÚ kwaasleema gan tleehh ar loohír ganaá'. Mukdaádá' ta ngwaanjin gun hariimar'ín i ki/is male ale.

WARA'AMI 103:6 Iomraidhean Croise

WARA'AMI 109:31

Asma inós heé gaa wásl gun aleekal/án, as nguwa tu/i dír mukdá' gwaa sakwasleemár gwa'arár i tsati.

WARA'AMI 12:5

AAKOÓ MUNGÚ i kaahi, «Asma liitlakuuse kawa baraamaanusi nee narkuute iwa wa/aa/us, aníng daxta ni hardáh, aníng kudá' i harahhiifá' i amohhooárií haniís.»

WARA'AMI 146:7

Mukdá' taa barqantuús guri sakwasleemár ganaá' i tleehh, kudá' qwariitá' giri muruú /aymár i haniis. Kudá' taa tsegiít AAKOÓ MUNGÚ gay gweer.

WARA'AMI 35:10

Aníng AAKOÓ MUNGÚ nguri baw ar muunaáeé' sleémeero, «AAKOÓ MUNGÚ, oo adór kuúng i kaahh. Kuúng liitlakuuse a ba/amiimís baraá dabaá múk /uuruú kooma. Eeít, narkutmo nee heé dawa kaahaár u ba/amís baraá dabaá malguuseero.»

WARA'AMI 72:12

Asma inós heé gaa wásl oo gu i /aa/amiím gu tuu/, nee heé narkutmo oo alee/isoó koomaaká gu tuu/ sleeme.

WARA'AMI 72:4

Waawutmo kudá' liitlakwen ngi aleekalaa/i, múk gaa wásl ngu tu/i, nee heé múk baraamaanuús ngu nakaa/aruy yaamií alé.

WARA'AMI 9:9

AAKOÓ MUNGÚ an baqmoó dír kudá' ta hara/untsina, an baqmór'ín qoomár slahh'amuuwo.

AXWEESANOÓ SAGALOOA 14:31

Heé narkutmoó baramaanuús a Tleehharusmoowós gun /oosliislín, Ala heé gwaa sa hhooay a tleehharusmoowós gun ilamurumiit.

AXWEESANOÓ SAGALOOA 23:10

Digmuduú yaamu taa iimír aáng wa qaás mu warqeesaar, tam qamaá panaay mi haradaraahaar.

ESEKIELI 22:7

Baraawoge baabá nee aayí kin waaqaqaa'. Heé dahaaymo oo baraasíng hoót aqo kun mura' hayoh. Na/aá panaay nee /ameenár kwaeeliwo kin baramaanuus.

Luka 14:22

Lawaalmoodá' iri oó', ‹Aáko, tisíng sleémeero naa kát aa tleehharút, tam hamí do' aa hatsiiká.›

Yakobo 2:6

Ala kuungá' liitlakusmo una mureekesé'. Múk kuungá' nu slahh'eemiís nee nu huwahuúw baraá maraá kwasleema, a daqaareéroóke?