WARA'AMI 103:4 - Biblía Axweesantá Hhohho' ar Mungú 2004

⁴ Gwa'araro iga ba/amís, inós aníng ina afkú bohóngw wa ki/ís, iri tsuúq ar sla'aarirós ar warqawaaká nee gurtleemuwós.

Ya/abtór hho' 1977

⁴ Gwa'araro iga ba/amiís, inós aníng ina afkuú bohóngw wa ki/ís, iri tsuúq ar sla'aarirós ar warqawaaká nee gurtleemuwós.

WARA'AMI 103:4 Iomraidhean Croise

IIMU/UUNGW 48:16

nee malaykamoodá' iga ba/amis nee tlakweema sleémeero, masoombarí ngi tsuuqi! Umuueé' ku aain baraaine, nee umér baabi'iieé' Abrahamu nee Isaka. Inooín ni xoorór ur tleehhitiye' baraá yaamuwo.»

WARA'AMI 103:12

Adór da/aáw nee /uwa kir harasawén, an adoodá' tlakweemaarén ngira kwaáhh giri saweés direne.

WARA'AMI 21:3

Una i hardát ar tsuuqaá hho', sagós ugwa slamángw sahaábuú hhoohhoó' i dahás.

WARA'AMI 34:22

AAKOÓ MUNGÚ sagadiyuuseerós ga ba/amis, kudá' sleémeero AAKOÓ MUNGÚ ngwa i guwiye' ki sakwasleemutiiká.

WARA'AMI 5:12

AAKOÓ MUNGÚ, kuúng kudaádá' hota ganaa'á' in tsúq. In báq ar hhooeemawók adór gaamboót.

WARA'AMI 56:13

Asma aníng iga ba/amís baraá gwa'araaro. Eeít, ya'aaeé' ina báq mawa huú', as niwa hoot ar gwa/aateema baraá slafingo, dír geeraá Mungú wa aleeró.

WARA'AMI 65:11

Kurkú hhoó' nguna hanís, waarahhmuuwók ti du/ií hanmiis.

WARA'AMI 71:23

Aníng a qwalalaá/ ló' wa ale bur i daá'. Muunaáeé' sleeme i qwalalaa/ asma aníng iga ba/amís.

WARA'AMI 8:5

Kuúng ugwa uráy i hanís tsaxwaá tawa alqon nee malayke, kuri ilaiwa/amér úr i hanís nee xirif.

ISAYA 38:17

Slahh'ámudá' naa sláw dir'eene an hhooa, ala kuúng slafingw'eé' una tú/ dír afkú bohóngw gi'i wá ale, asma kuúng tlakweemaaeé' sleémeero ina amór aluuwógí kwáhh.

ISAYA 54:8

Har afiqoomár niinawe niwa buúhh ina ilaa goów, ala ar sla'aarír warqawakahe iga gurtláw. AAKOÓ MUNGÚ ba/amusmoowók tí gan kah.

Yakobo 1:12

Heé amohhoó' an kudá' iiara'at gu sa qiqtliím. Asma iiara'at bungura ar baá/, aluuwo slamaangw gu sláy. Slamaangwí an slafingwdá' Mungú aa al'axweés nguwa haniisi dír kudá' sleémeero inós ngu sla'á'.

1 Petro 5:4

Nee qoomár de'eemusmoodá' úr burkwa geehhooeés, kuungá' slamangwduú xirif u sleerá', oo baloó hhitiruutaaká.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.