WARA'AMI 103:2 - Biblía Axweesantá Hhohho' ar Mungú 2004

² Muunaáeé', AAKOÓ MUNGÚ diidi'iimiseek, hhooeemawós mi baloó gunqareesaar!

Ya/abtór hho' 1977

² Muunuúeé', AAKOÓ MUNGÚ diidi'iimiseek, hhooeemawós mi baloó gunqareesaar!

WARA'AMI 103:2 Iomraidhean Croise

2 QOM'I 32:25

Ala Hesekia AAKOÓ MUNGÚ gwa sluufáy hanisiiká daanduú tí sleémeerowo, asma muunaáwós ina haáts daara/aango. AAKOÓ MUNGÚ inós guri i buúhh, nee múk Yudawo, nee múk Yerusalemúr hoota.

WARA'AMI 105:5

Inslawaagáy tlehhmi'iidá' waa/oo/amo inós aa tleéhh, waa/oo/amoorós nee kwasleemadá' aa tlaáq,

WARA'AMI 106:21

Munguúdá' gaa ba/amis ngwa gunqareesiyé', kudá' muruú waa/oo/amo gwa tleehh baraá Misrír wa ale,

WARA'AMI 106:7

Taati'iirén qoomár iwa baraá Misri, waa/oo/amoodá' Mungú aa tlehhiít kaa gaárí xuiiká. Yaareemaá sla'aarirók ar warqawaaká ngaa inslay'iiká. Ala Munguúdá' úr ngway aahhiyé' tawa afaá tlawtá Shamu dirii'i.

WARA'AMI 116:12

AAKOÓ MUNGÚ gár ngur buu' a milá, as muruudá' hhó' oo naa aníng i tlehhaahhiti?

ISAYA 63:1

«Heewí a heemá oo Edomúr daáhh? Kwí Bosrár daáhh oo tlabaawós tseere aa leér. Heé tlabaá xirif ngaa dahaas a heemá? Kuqá' a heemá oo hi'iít ar /uuruwós oo yaariír?» «A anuú AAKOÓ MUNGÚ kudá' gan'amuú káh, kudá' aleesleemuú ba/ama gu koóm.»

ISAYA 63:7

Sla'aarír warqawaaká ar AAKOÓ MUNGÚ an alki/iít, xirfuú AAKOÓ MUNGÚ un oiím, ar har qoomoó muruudá' AAKOÓ MUNGÚ naa atén i tlehhiít, nee hhooeemadá' yaariir aa tlehhaahhiít dír múk Israeli, kudá' a tleehhaahhiít ar harqoomoó gurtleemuuwós, ar harqoomoó yaareemaá sla'aarírós ar warqawaaká.

DABE 32:18

Kuungá' Tlaa/adá' naa xwayluur ana insleeri'iiká, Munguúdá' kuungá' naa laqwaal una gunqaaresé'.

DABE 32:6

Aá daktána nee múk sage waslén, AAKOÓ MUNGÚ musa adoosír bué'? Inós a baabuúhungeekáhe, kudá' kuungá' naa tleehh, tleehharusmoohúng kudá' kuungá' naa gawdeesikáhe?

DABE 6:12

Tí ma baloó gunqareesara' adór AAKOÓ MUNGÚ kuungá' nura baraá yaamaá Misrír wa tuú/ qoomár tawa lawaale.

HAR'OHUUSE 5:2

«AAKOÓ MUNGÚ xirfayeemisaak! Geeraharuuse múk Israeli guri geerahát baraá slaqwara, nee muu tina haniís ar sla'aarir'ín.

HAR'OHUUSE 5:9

Geeraharuusér Israeli ilaaín i iiqaytaaká, kudá' taa kilooín haniisiye' ar sla'aari baraá tla/ángw muko. AAKOÓ MUNGÚ xirfayeemisaak.