WARA'AMI 103:12 - Biblía Axweesantá Hhohho' ar Mungú 2004

¹² Adór da/aáw nee /uwa kir harasawén, an adoodá' tlakweemaarén ngira kwaáhh giri saweés direne.

Ya/abtór hho' 1977

¹² Adór da/aáw nee /uwa kir harasawén, an adoodá' tlakweemarén ngira kwaáhh giri saweés direne.

WARA'AMI 103:12 Iomraidhean Croise

2 SAMUELI 12:13

Naagáy Daudi Natani guri báy, «AAKOÓ MUNGÚ ugwa tlakweemií tleéhh.» Natani iri oó', «AAKOÓ MUNGÚ tlakweemaawók gaa gurtláy, kuúng a gwa'aká.

WARA'AMI 113:3

Umuú AAKOÓ MUNGÚ xirfayeemisaak! Iimír amoodá' looa niwa tlatleer ay amoodá' i darat.

WARA'AMI 50:1

AAKOÓ MUNGÚ, Munguú Aleesleemusmo, in axwees, múk baraá hhapeemo sleémeero gun amoorós i ateetín da/aáw wa tleemu ay /uwa.

ISAYA 38:17

Slahh'ámudá' naa sláw dir'eene an hhooa, ala kuúng slafingw'eé' una tú/ dír afkú bohóngw gi'i wá ale, asma kuúng tlakweemaaeé' sleémeero ina amór aluuwógí kwáhh.

ISAYA 43:25

Anínguú kilá' an kudá' tlakweemaahúng gi hamtliít as aníng kilooeé'. Aníng tlakweemaahúng i baloó inslawaaká.

ISAYA 44:22

Aníng dakumisuuhúng kuduú adór huunkáy ugwa fiíts, nee tlakweemaahúng kudaá adór tlaanguhe. Amor'eé' ki/aare', asma aníng kuungá' naa ba/amís

ISAYA 45:6

As muu ngiwa tsaahhi iimír da/aáw wá tleemu, ay /uwa, adór Munguú hatlá' ir kaáhh aqo har aníng kilooeé'. Aníng an AAKOÓ MUNGÚ, Munguú hatlá' i kaahh.

YEREMIA 31:34

Hee i kaahh tumu wák oo inslaawmoowós laqaá hhiyaawós gu intsaahhatís, iwa kaahi, ‹AAKOÓ MUNGÚ xueek.› Asma inooín sleémeero aníng i xuiyá' iimír na/aá ninakw ay múk urén. Aníng dakuúsar'ín an gurtláw nee tlakweemaaín aníng i baloó inslawaaká.»

YEREMIA 50:20

AAKOÓ MUNGÚ i kaahi, «Qoomaadae nee daqtadae tlakweema ki leelehhiit yaamaá múk Israeliwo, ala ki ariiká. Dakuús ka leeleehh yaamaá Yudawo, ala ka harasliqitiiká asma aníng panaydá' aa meet u gurtláw.»

ESEKIELI 18:22

Tlakweemaawós kudá' sleémeero aa tleéhh ki inslayká, as gan'amuuwós kwihe in hoot.

MIKA 7:18

Munguú adór kuúng i deéro? Asma kuúng tlakweemaá mukók kudá' aa meet in gurtleér, nee dakuúsar'ín an hingeemís. Kuúng buhhtaawós i alkomkakondaaká deelo sleémeerowo. Ala gár ta ló'wa sla' a sla'aarír warqawaaká,

MIKA 7:19

Kuúng atén tin malé gurtleér, dakuúsarén kari yaamií kalá/, kuúng tlakweemaarén sleémeero in kwáhh baraá iltá tlawi.

Ebrania 10:2

Ala geera bar ngi aleesleér, geera alók inooín ilahhooadá' kaa qaroó máy hanmisuuwo. Asma mukdá' ilahhooár makaay ga hanmiís, geera barnaxes tlakweemaaín kaa qaro hamaátl sagaáwa wák wa ale, geera alók tlakweemaá hamaatlár sla'á' i kahhiyá' baraá muner'ine.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.