WARA'AMI 103:1 - Biblía Axweesantá Hhohho' ar Mungú 2004

¹ Muunaáeé', AAKOÓ MUNGÚ diidi'iimiseek! Umuúqo gár baraaeé' i diriia' umuú hhoohhoó' oo AAKOÓ MUNGÚ ngu diidi'iimis!

Ya/abtór hho' 1977

¹ Muunuúeé', AAKOÓ MUNGÚ diidi'iimiseek! Umuúqo gár baraaeé' i diriia' umuú hhoohhoó' oo AAKOÓ MUNGÚ ngu diidi'iimis!

WARA'AMI 103:1 Iomraidhean Croise

WARA'AMI 103:22

AAKOÓ MUNGÚ diidi'iimisaak, kuungaádá' sleémeero taa tleéhh, umuúqo dír ti dir'a'a baraá waawuti'iimarose. Muunaáeé', AAKOÓ MUNGÚ diidi'iimiseek.

WARA'AMI 104:1

Muunaáeé', AAKOÓ MUNGÚ diidi'iimiseek! AAKOÓ Munguúeé', kuúng tu ló' wa úr! Xirif nee aleesleemuwo ugwa tuuntukiyé'.

WARA'AMI 111:1

AAKOÓ MUNGÚ xirfayeemisaak! AAKOÓ MUNGÚ un sluufmiís ar muunaáeé' sleémeero. An haragwaá' dír múk slafingw'ín hhohhó' baraá alqaatír wa ale.

WARA'AMI 138:1

Aníng kuúng u sluufiís ar muunaáeé' sleémeero, dír geeraá munguaá lamto un wara'amtá xirfuuwók i daá'.

WARA'AMI 145:1

Aá Munguúeé', kuúng an waawutmooeé', án kuúng u iiatleés. Umuuwók un diidi'iimaamiís ay alhhe'eesay wasle.

WARA'AMI 47:7

Asma Mungú an waawutmoó yaamu sleémeero. Xirfuuwós daa'aak ar wara'ami!

WARA'AMI 63:5

Aníng a qwalalaá/ adór heé wahhna nee waeemo gaa /aay, afkwe'eene kuúng u xirfayeemiís ar qwala/.

WARA'AMI 99:3

Inooín umuuwós kudá' úr oo dae tlaáq, nee kudá' hhoohhoó' ku sluufmiisi.

ISAYA 6:3

Umuú serafamowo nee kuqá' tina ateetiné', tiri babayé', «Oo Hhoohhoó', oo Hhoohhoó', oo Hhoohhoó' an AAKOÓ MUNGÚ Aleesleemusmo, yaamu sleémeero naa hatsiyé' xirfuuwose.»

Yohana 4:24

Mungú a qeeru, nee mukdá' inós gu sluufmiís, gár kuwa hariím a kun sluufmiis ar baraá qeeru nee looeema.»

1 Korinto 14:15

Adór ni laaq ala a adoomá? Aníng a firiím ar qeeru, ala an firiím ar fuquraangw sleeme. Aníng an daá' ar qeeru, ala an daá' ar fuquraangw sleeme.

Filipi 1:9

Gár aníng kuungá' nuwa aleefiriiriim a tí, sla'aarirhúng i kumit iwa ló'wa doogiigiin dinkwa nee xu'uti nee dahar sleémeerowo,

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

Geehhoeemaá 4:8

Nee muruuwí slaáf tsiyahhaawo umuúqo gaaro hhampe'eeraá lahhoó' gi koón. Nee hhampe'eeriká' kaa harweér nee ila', nee tam baraá guruú hhampe'eeriwo. Muruuwí i daa' xweera nee tlaatla/aangw, ta hungu/uumisiiká sleeme. Gár ta daai a tí, «Aakoó Munguú Aleesleemusmo inós ku hhoohhoó', ku hhoohhoó', ku hhoohhoó'. Inós an kudá' qaroó daadáw, nee an kudá' dáw, nee kudá' sangw hardáh sleeme.»