WARA'AMI 102:24 - Biblía Axweesantá Hhohho' ar Mungú 2004

²⁴ Aníng AAKOÓ MUNGÚ u firiím, Aáko, aníng mi duwe hingeesaar. Kuúng an kumamít kureerisleém.

Ya/abtór hho' 1977

²⁴ Aníng AAKOÓ MUNGÚ u firiím, Aáko, aníng mi duwe hingeesaar. Kuúng an kumamít kureerisleém.

WARA'AMI 102:24 Iomraidhean Croise

YOBU 36:26

Ga/aaweek, Mungú ku ló'wa úr, tam tsaahharo sleeme ugwa harslaaqataán, kureeraá slafiingós faaro ngi ya/an'aaká.

WARA'AMI 102:12

Ala kuúng AAKOÓ MUNGÚ, kuúng an waawutmo kureeri sleémeero. Umuuwók kun inslasláy umuúqo qarto.

WARA'AMI 39:13

Áx, ala mawáng mi slahh'eemisaar, fur'ár niiná i slahh as niwa qwalaa/ gár niinawe, dír nira gwaaiiká.

WARA'AMI 89:46

AAKOÓ MUNGÚ, ay xaylá kuúng ta nahhamaamit, ay alhhe'eesay wasleéro? Ay xaylá buhhtaawók i ohaahina' adór asltá wa ale?

WARA'AMI 9:7

Ala AAKOÓ MUNGÚ in waawuti'ín ay alhhe'eesáy wasle, kitaangós oo waawuti'iima gwaa qaás as sakwasleema.

HABAKUKI 1:12

«Kuúng, AAKOÓ MUNGÚ, Munguúeé' Kudá' hhoohhoó', kuúng an daadeer iimír iimu/uungw wasle, nee an baloó alhhe'eesoó koondaaká. Kuúng AAKOÓ MUNGÚ, múk Kaldayo nguna tlés amooréní ale as tiwa sakwasleemuutiya'. Kuúng Tlaá/a, mukdá' ugwa aleesleemuú hanís as atén tiwa muxiya'.

Geehhoeemaá 1:4

Anuú Yohane muruuwí una gooiím amór múk kríshaanáy oo baraá gixsadaá faanqw awa baraá yaamaá Asia. Tsuuqa nee wayda kudá' amór Mungú dahhá' masók i dinkwa nee kuungá'. Inós an kudá' dáw, nee kudá' qaroó daadáw, nee kudá' hardáh. Nee slám tsuuqaaká' nee wayda amór i dahhiya' a amór qeeremoodá' faanqw, kudá' dír geeraá kitaangós oo aleesleemuú i diriiá'.

Geehhoeemaá 1:8

Aakoó Mungú i kaahi, «Aníng an Alfa nee Omega, aníng an iimu/uungw nee alhhe'eesaay.» Aníng an kudá' qaroó dáw, kudá' daadáw, nee kudá' hardáh, kuduú Aleesleemusmoó mura' sleémeero.