WARA'AMI 102:15 - Biblía Axweesantá Hhohho' ar Mungú 2004

¹⁵ Xoordu sleémeero AAKOÓ MUNGÚ ngu da'ayutiyá', Waawitá sleémeero baraá yaamuwo xirfuuwók ngu da'ayutiyá'.

Ya/abtór hho' 1977

¹⁵ Xoordu sleémeero AAKOÓ MUNGÚ ngu da'ayutiyá', Waawitá sleémeero baraá yaamuuwo xirfuuwók ngu da'ayutiyá'.

WARA'AMI 102:15 Iomraidhean Croise

1 WAAWITÁ 8:43

na'ás, inós iiárií qaaseek iimír gawaá doorí wa ale, heewuú hoomo tidá' uwa firini qaweek, as múk baraá yaamu sleémeero umuuwók nguwa xuiya' nee uwa ilaiwaa/iya', adór mukók oo Israeli wa alé. Inooín ngiwa xuiya' adór do'owí naa tleéhh tar dír kuúng tuwa sluufmiisi.

NEHEMIA 1:4

Qoomár /aymi'iiká' ngiwa axaás ana yaamií iwiít nay /a/amiím, nari tsuunqumiís deelór hhaawakahe. Nee nari gwaawiím, nee niri fiririím dír geeraá Munguú doorí wa ale.

NEHEMIA 2:17

Naagáy ngiri báw, «Hamí slahh'amurén u ga/eerá'aáke adór Yerusalemu kara sluhhúy, nee afeerós kara qororo'oós ar asla. Gimsé', qwalaas koo/ír Yerusalemu a malé tleehhaán as mitiwa malé mureekeés.»

NEHEMIA 2:3

Waawutmo nguri báw, «Waawutámo, sagók fur'a ngu laaleer, aníng mahár gurhamutaaká, bar gixsár /aantaá baabi'iieé' i dirii'iya' in iwiiwít ar deewa'ame, nee afeerós kaa hhaamiís ar asla?»

WARA'AMI 138:4

AAKOÓ MUNGÚ, waawitá sleémeero oo baraá yaamu kuúng u xirfayees, asma /ayma'aá baraá afkók dahhá' ngaa axaasiyé'.

WARA'AMI 72:11

Kár ee, waawitá sleémeero ngu ilaiwaa/iye', nee xoordu sleémeero ngu sagadiyuusiye'.

WARA'AMI 86:9

AAKOÓ MUNGÚ, xoorduudá' sleémeero kuúng taa tléhh u i hardihiyá', kuúng turi i tumbararaa'amiit, umuuwók kuri xirfayemiis.

ISAYA 55:5

Ga/aawaak, xoordaá kuungá' ta xua'aaká in atetá', nee xoordaá kuungá' nu xua'aaká ni tii'íngwár hardihiyá' amorhúng. As anuú AAKOÓ MUNGÚ, Munguúhúng, kudá' hhoohhoó' oo Israeli, an kudá' kuungá' naa iia tleerees.»

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 21:24

Múk xoordu tari hi'iimiit ar gwa/aateemaá gixsadá'. Nee waawituú baraá yaamu xirfuuín nguri baraá gixsadií huwiyá'.