WARA'AMI 101:8 - Biblía Axweesantá Hhohho' ar Mungú 2004

⁸ Umuú looár tlawa tlakuuse sleémeero ar baraá yaamu an hhaamiís, sleémeero awa tlakweemá tlehhahhitá', in hingeés baraá gixsár AAKOÓ MUNGUHE.

Ya/abtór hho' 1977

⁸ Umuú looár tlawa tlakuuse sleémeero ar baraá yaamu an hhaameés, sleémeero awa tlakweemá tlehhahhitá', in hingeés baraá gixsár AAKOÓ MUNGUHE.

WARA'AMI 101:8 Iomraidhean Croise

WARA'AMI 46:4

Yaae i deer, ar ma'aywós mukduú baraá gixsár Mungú ngu qwal/atimisá', didá' hhoohhoo' ar Munguúduú Gawa aa hotaangós i qaás.

WARA'AMI 48:2

Siyoni a tloomár Mungú ar sla'atimis adór ira sihhiti, a gixsár waawutmoó úr ar qwal/uú huwahuuw baraá yaamu sleémeero.

WARA'AMI 48:8

Adoodá' aáng kara axaasaán an adór hamí kara araán, baraá gixsár AAKOÓ MUNGÚ Aleesleemusmo, eeít, baraá gixsár Munguúrén, tidá' Mungú i gawdeesi ay kureeraá kureér.

WARA'AMI 75:10

Mungú ina oó', «Múk tlákw un aleesleemu hayóh, ala kudá' hota ganaa'á' in aleesleemuú i haniís.»

WARA'AMI 92:10

Ala kuúng aníng iga /uurií hanís adór kuduú saree/a, ina slík ar di/tá /awak.

AXWEESANOÓ SAGALOOA 16:12

Ka waak waawutmo tlakweema ngiwa tleehhi, Asma waawuti'iima in kumaamít as tlehhma'aá ganaa'á'.

AXWEESANOÓ SAGALOOA 20:26

Waawutmoó sagaloó' tlakuuse gan hariitlees, nee gin muux ar difiitamo.

AXWEESANOÓ SAGALOOA 20:8

Waawutmo bira iwiít gawaá kitaangós oo sakwasleema, tlakweema sleémeero gi hariitlees ar ilaawós.

YEREMIA 21:12

Kuungá' múk doó Daudi, anuú AAKOÓ MUNGÚ an kah, ‹Gan'amu matlaatleero tseewa tleehhaak. Heé taa daqaari'iima hayóh /iisaak dabaá múk /aytuuseero. Laqaá bar adooriheeká, buhhtaaeé' i adór asltá wa oohiyá', nee heé gaasaro ga aleesláw i kaahh, asma tlehhmi'iihúng kudá' tlakw.›

HOSEA 9:3

Múk Israeli i baraá yaamaá AAKOÓ MUNGÚ i meetiiká. Ala tan kii/ baraá yaamaá Misri. Inooín nee múk Ashuru muruú /aymár ta waki kuri al/aay.

MIKA 3:9

Na'asé' kaangwí iiárií qaasaak, kuungaásingá' geeraharuusér múk Yakobo, kuungaásíngá' baaluusér doó Israeli ngu sawaawuti'ii'imá', kuungaásingá' sakwasleemár ganaa' ngi ahhiitá', nee hhooeema kiri paslisé'.

Geehhoeemaá 21:27

Ala gár slasla/aar ar baraadá' i dah i káhh. Nee slám heé muruú slasla/arén tlehhahhiít, nee heé lamusmoowo i dahiaaká baraadae. Ala múk baraadá' i dáh, a kudá' kilós umer'ín taa gooín baraá kitaábuuduú slafiingw oo Deelmoó bee/i.