WARA'AMI 10:16 - Biblía Axweesantá Hhohho' ar Mungú 2004

¹⁶ AAKOÓ MUNGÚ a waawutmo kureerisleém. Xoordaá ngu xua'aaká i qwaariyá' baraá yaamuwose.

Ya/abtór hho' 1977

¹⁶ AAKOÓ MUNGÚ a waawutmo kureerisleém. Xoordaá ngu xua'aaká i qwaariyá' baraá yaamuwose.

WARA'AMI 10:16 Iomraidhean Croise

1 QOM'I 29:11

Aá AAKOÓ MUNGÚ, uraay a kók nee /uuru nee xirif nee baaliro nee aleesleemuuwo. Asma umuú gaaro ar gawaá dooriwo, laqaá ar baraá yaamu a tók. Waawuti'iima a tók, kuúng taa xirfayeés nee tu úr dír umuú gaaro.

WARA'AMI 145:13

Waawuti'iimarók i alhhe'eesoó koondaaká, nee baalirók in kumít qari sleémeero. AAKOÓ MUNGÚ ar aa oó' sleémeero ga hardahaas. Nee ku gurhhoó' baraá tidaádá' sleémeero i tlehhiiti.

WARA'AMI 146:10

AAKOÓ MUNGÚ i baalín ay alhhe'eesay wasle. Aá múk Siyóni, Munguúhúng an waawutmoó qari sleémeero. AAKOÓ MUNGÚ xirfayeemisaak!

WARA'AMI 29:10

AAKOÓ MUNGÚ a baalusmo tam daanduú tluwoó da/atene. AAKOÓ MUNGÚ a waawutmo ay kureeraá kureér.

WARA'AMI 78:55

Xoordu giri guús geeraaín wa ale, yaamuuín giri qasmiís, digeemi giri qoomeemeés, nee tlahh'aá Israeli gina iwiitiís baraá xafay'ín.

WARA'AMI 9:15

Xoordu naa /eetiyé' baraá baudá' naa fooliyé'. Tsaaxweelay'ín kudá' naa qaasiyé' ya'aaín gaa ohín.

WARA'AMI 9:5

Xoordu iga iigahhamít, tlakuuse kari qwaarés. Umer'ín ana fíts tay alhhe'eesay wasle.

WARA'AMI 9:8

Inós múk baraakaá yaamu gun sakwasleemuut ar gan'amu. Muu gu sakwasleemuut ar barqaanti wasle.

WARA'AMI 93:1

AAKOÓ MUNGÚ aa waawuti'ín, AAKOÓ MUNGÚ taa tsiitiís ar aleesleemu nee /uuruuwós, yaamu gaa gawdeés as mindiwa dingitiyé'.

TI'INAANGW 15:18

AAKOÓ MUNGÚ in waawuti'ín ay alhhe'eesay wasle.»

ISAYA 33:22

Asma AAKOÓ MUNGÚ an kudá' kwasleemaduurén ngi tlaáq nee ti sawaawuti'ii'iím, AAKOÓ MUNGÚ an waawutmoorén, inós atén tin ba/amis.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

WA/AA/I 5:19

Ala kuúng AAKOÓ MUNGÚ, an waawutmo kureeraá kureér, waawuti'iimarók in kumaamít ay qari sleémeero.

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

DANIELI 6:26

Hara'aya aga qaás as muu sleémeero baraá waawuti'iimar'eene, Munguú Danieli kuwa da'ayumiti nee kuwa ilaiwawa/i. «Asma Munguúwí an Munguú slaáf, kudá' hotatiím kureerisleém, waawuti'iimarós ka baloó hhitinká, waawuti'iimarós i alhhe'eesoó koondaaká.

DABE 8:20

Kuungá' AAKOÓ MUNGÚ, Munguúhúng bura iialooesi'iiká, a hhaandá', adór xoorduudá' inós aa hhaamiís geeraahúng wa aleeró.»

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.