WARA'AMI 10:14 - Biblía Axweesantá Hhohho' ar Mungú 2004

¹⁴ Ala kuúng múk haleleamiít nee oo slahh'amuú koóm u xú', kuúng umuú daqto ta amohhe'és kiwa alee/is, liitlakusmo kuúng ugwa haratlintií'. Panaay alee/isaywók ngwa slayé'.

Ya/abtór hho' 1977

¹⁴ Ala kuúng múk haleleamiít nee oo slahh'amuú koóm u xú', kuúng umuú daqto ta amohhe'és kiwa alee/is, liitlakusmo kuúng ugwa haratlintií'. Panaay alee/isaywók ngwa slayé'.

WARA'AMI 10:14 Iomraidhean Croise

IIMU/UUNGW 21:17

Mungú afór garma gari axaás, nee malaykamoó Mungú Hagari gari gawaá doorí wa ateét, gari báy, «Gár kiíng i daawitimiis a milá? Hagári, ma da'ayumiitaar, asma Mungú afór garma gaa axaás didií dirii'i.

IIMU/UUNGW 31:12

Inós aníng iri báy, ‹Qaytsiít, gurtaawerqá' sleémeero ar baraá sluma ar aaraá ga/aw, ar biifayen nee ar meehhaya tlaanqwayen, gaarí sleémeero a asma tidá' Labani ni dirók i tlehhiiti ana ár.

2 SAMUELI 16:12

Hám wané', AAKOÓ MUNGÚ slahh'amueé' gwaa ár. Inós adoorí aníng tiwa lu'umisi laarí ngin buu' ar hhooeema.»

2 WAAWITÁ 9:26

AAKOÓ MUNGÚ ina oó', ‹Tseerér Naboti nee ar na/iiwós tidá' /isá' naa ár, looeemaawo aníng lo'o aga /aáy án li/oó tseereerí u buú' baraá qaymoorí.› Gawaá adoorihe, tuuár Yoram kwahheek baraá qaymór Naboti ar adoodá' AAKOÓ MUNGÚ ngira oó'.»

2 QOM'I 24:22

Waawutmo Yoashi hhooeemadaá kway tleéhh nee Yehoyada baabuú Sekaria gay gunqareés, garmoó Yehoyada gway gaás. Qoomár Sekaria iwa gwagwa'an ina oó' «AAKOÓ MUNGÚ tlehhmi'iiká ngi ari, nee li/aywí ngu bui.»

2 QOM'I 6:23

AAKOÓ MUNGÚ, na'amaamís, iia qaaseek gawaá doorí wa ale, nee sagadiyuseerók sakwasleemuteek. Kudá' tlakweema gaa tleehh muxeek, nee kudá' ganaá' gan'amuú i harafaareek.

WARA'AMI 146:9

AAKOÓ MUNGÚ dahaaye ga amohhe'eemiis, panaay nee kwaeeli gin /uurií qamín. Ala múk gana'aaká gun qwaarees.

WARA'AMI 22:11

Kuúng dir'eene ma sawesaar, asma slahh'amu ku tseéw, nee heé i alee/iís i kaahh.

WARA'AMI 31:8

Kuúng wakuuser'eé' aga pa/ángwií haniská oo iwa ot, iri qás dír wayduú koom.

WARA'AMI 35:22

Ala kuúng tí aga aán! Ma xasliitaar! AAKOÓ MUNGÚ, ma saweesaar dir'eene!

WARA'AMI 55:22

Slahh'amuuwók sleémeero dír AAKOÓ MUNGÚ ti meer, inós kuúng u aleeslawtis. Heé hota ganaá' gu baloó mayká kuwa diinqisi.

WARA'AMI 68:5

Mungú baraá do'ós kudá' hhoohhooe an baabuú panaay nee har'ohusmoó kwaeeli.

WARA'AMI 68:6

Mungú kudá' dewawa'á' gin dír hotáy sláy, awa taa tsegiít gin gweer tawa iwiiwiti ar amohhooa. Ala awa naa dee/aanutiye' tan iwiwiit baraá yaamaá kaahaár wa ale.

TI'INAANGW 2:25

Mungú xoorór Israeli gana ár, nee adór i diri'iya' gari tsaáhh.

TI'INAANGW 22:22

Kwaalo'o ma slahh'eemisaar, laqaá na/oó panmo.

TI'INAANGW 22:26

Bar inslaawmoowók inqwaarirós ngaa dirógí arhaánír wa qaás, aqo an ki/ís dír tsiindi ira datká.

AXWEESANOÓ SAGALOOA 15:25

Doó heé daara/aám ku yaamií slaax nee AAKOÓ MUNGÚ, Ala digmuú /ameenír kwaalo'o gun xún.

AXWEESANOÓ SAGALOOA 15:3

Ilaá AAKOÓ MUNGÚ umuú diiro i xumiisiyá', Heé tlaákw nee heé hhooe ngu ga/ayá'.

ISAYA 10:3

Hám adór ta laqa' deelór muxtaaro, deelór bambaaór ur burna amór saáwá i hardát? Heé ti ta'aiinda' a heemá oo nu /iís? Dír daqaari'iimarhúng ki qasa' a diimá?

YEREMIA 16:17

Asma aníng tlehhmi'ii'ín sleémeero i ga/áw. Gár aninge aa nahhat i káhh. Tlehhmi'ii'ín sleémeero dír geeraaeene ki geehhoo'.

YEREMIA 23:24

Xáy, hee nahhaata gaqo aleesláya ngway qo tsuwa araaká? Ahaá, anuú AAKOÓ MUNGÚ a kudá' dawaakáhe umuú diiro, gawaá doori nee baraá yaamuwo? Anuú AAKOÓ MUNGÚ tí ngina oó'.

YEREMIA 49:11

Na/iihúng awa panaay mawaak aníng ngi /aymiís, kwaeelihúng aníng i harahhifiye'.»

YEREMIA 51:56

Kudá' ga hhaaiís aa Babulonírí hardát, miguuseerós kara tláy, ga/alduuín kaa giqaagáy. Asma Anuú AAKOÓ MUNGÚ a Munguú li/oó bu'uúm, tí ar ló', aníng li/aay u buú'.

WA/AA/I 3:59

Aá AAKOÓ MUNGÚ, kuúng tlakweemaá tinda aníng i tleéhh iga aán, kwasleemar'eé' tí tsatang ar hhooeemaawók.

WA/AA/I 3:60

Kuúng li/oó wakuuser'eé' i bu'uun ugwa aán, nee muruuín kudá' tlákw i qoomeemeesiya' daanduueene.

HOSEA 14:3

Múk Ashuru atén ti ba/amisiiká. Atén sleeme farsuú slaqwara u malé harahhifanaaká, nee gadiyér dabaarén a male bawanaaká, ‹Kuungá' a munguúrén.› Asma diroge panaay gurtleemu gu sláy.»

HOSEA 14:4

AAKOÓ MUNGÚ i kaahi, «Iia wasler'ín an hingeés, aníng ngiri kil'eé' slaá', slám i malé i buhhaaká.

Yoeli 3:4

«Kuungá' Tiro nee Sidoni, nee yaamu sleémeero awa Filisti, gár ta tlehhmuú wa sla'a' dir'eene a milá? Xáy, li/oó ta bu'utú sla'a' i deéro daandueene? Kuungá' li/aay bur bu'utuú wa sla'á', aníng li/aay ngu gaanslár buú'.

HABAKUKI 1:13

Kuúng tu hhoohhoó', tam gár tlaakw ii qaytaro a sla'aká, kuúnguudá' sagagawdu gu sla'aaká arto. Ahaá waáy, mukdá' al/aymár tlehhiít misa tawo ga/eér nee tari dirógí xaslít, qoomár heé tlaákw bar heé hota ganaá' ta inose gu gaamiis.»

DABE 10:18

Inós gan'amu guna tlehhiít dír na/aá panaay nee kwaeeli, inós sleeme heé dahaaymo gun slaa', nee guri muruú /ayma nee tsitáy hanmiis.

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

1 Petro 4:19

Gawaá adoorihe mukdaádá' ta slahh'eemisi ar adoodá' Mungú i slai, muner'ín ngi dabaá Mungú i qaasiye', asma inós a tleehharusmooín oo inkihhimuú koóm, nee inooín tawa qiqtlin baraá tlehhema'aá hhó' wa ale.

1 Petro 5:7

Daawitamerhúng sleémeero gawaawós ti qase', asma inós ti daawitimiis as kuungá'.

HAR'OHUUSE 1:7

Adoni-beseki iri oó', «Waawitaádá' mibeeri faanqw, kudá' aníng naa dugeenaá ya'a' tlaáq nee awa dabaawo, kudá' muruú /aymár aa paahh gawaá meésar'eé' wa ale ngu nuqmamisá', adoodá' aníng naa /imiís, Mungú li/aydá' ngwaa dir'eéní buú'.» Kuri huúw ay Yerusalemu, inós iri amoodií gwaá'.