WARA'AMI 1:3 - Biblía Axweesantá Hhohho' ar Mungú 2004

³ Inós tari adór xa'anoó taa haátl afaá tsiinqaá ma'aay, kudá' mamaá laqwaliím qoomár hariimarose, tam loo/orós i /otská. Heewí umuúqo gár i tleehhi i ya/aán.

Ya/abtór hho' 1977

³ Inós tari adór xa'anoó taa haátl afaá tsiinqaá ma'aay, kudá' mamaá laqwaliím qoomár hariimarose, tam loo/orós i /otská. Heewí umuúqo gár i tleehhi i ya/aán.

WARA'AMI 1:3 Iomraidhean Croise

IIMU/UUNGW 39:23

Heedaádá' úr oo doó tsegma umuúqo gár baraá dabaá Yosefu i diriia ga alqaytsimiitiiká, asma AAKOÓ MUNGÚ nee Yosefu a dinkwa, nee AAKOÓ MUNGÚ umuúqo gár Yosefu aa tleéhh gana tsuúq.

IIMU/UUNGW 39:3

Potifa gari tsaáhh adór AAKOÓ MUNGÚ tar dinkwa nee Yosefu, nee adór gadiyér dabaawós sleémeero ngira tsuúq.

2 WAAWITÁ 18:7

Naagáy AAKOÓ MUNGÚ a dinkwa nee inós, guri aleesleemú i haniís baraá umuú gár aqo tleehhi. Inós kuwa sawaawuti'in nee waawutmoó Ashuru gana sií', nee nguwa sagadiyuusi.

1 QOM'I 22:11

«Daxta garmaaeé', AAKOÓ MUNGÚ, Munguúwók, masók a dinkwa nee kuúng, as kahhó' Doó AAKOÓ MUNGÚ, Munguúwók, kuwa aleesleér tleehhamooro ar adoodá' ngira oó' daanduuwoge.

1 QOM'I 22:13

Ala kuúng dabeedár AAKOÓ MUNGÚ nee kaahirose, tidá' aa haniís dír Mose as múk Israeli, bar aga ót nee kay harmagáhh, daqaní kuúng adoorók i qoón, /aátl nee muuna hhe'eés, ma baloó da'ayuumitaar, tam ma amoqwaqwadimaar.

2 QOM'I 31:21

Umuú gadiyér aa qo tleehhi baraá doó Munguhe ar adoodá' dabe nee hara'aya ngir kat, as geeraharu'uumár Munguúwós ngiwa eehari, gadiyeé gana tleéhh ar muunaáwós sleémeero, nee gari aleesláy.

2 QOM'I 32:23

Múk yaariír AAKOÓ MUNGÚ ngway sluufáy huúw baraá Yerusalemu, tam sleeme qeemuú yaariír kway huúw dír waawutmo Hesekia. Iimír qoomaadae waawutmo Hesekia kuri ló'wa xirfayeemiís nee xoordaá hatlá' sleémeero.

YOBU 14:9

ala tam niitsamaá ma'aay bir nga sláy, niqo harmaa/, haleemiiwós niri harma/iyá'.

YOBU 22:28

Kuúng muruú ta tlehh kuri qoomés, iri tleehharuut, lohduuwók nari gwa/aatiyá'.

WARA'AMI 128:2

Muruú /aymarók un sleér ar gadiyér dabaawók, kuúng an qwalaalá/ nee an diihhe'és.

WARA'AMI 129:8

Heé bihhaadár waaraáhh i kaahh oo gi báw, «AAKOÓ MUNGÚ nu tsuuqi! Tundu tsuuqi ar umuú AAKOÓ MUNGÚ.»

WARA'AMI 92:14

Mamu ngi laqwaliyá' ay qoomár diimaay, nin hatsiyá' duwaawo nee naa/amawo.

WARA'AMI 92:15

Kan alki/iit adór AAKOÓ MUNGÚ ir gan'amuú kón, inós an tlaa/ar'eé', baraawose al/ayma i káhh.

ISAYA 27:11

Haleemaá xaai nina kahiyé' niri qeqtiné', /ameena nin hardát giri sleemís giri ásltár oohamís. Asma mukwí gár aa tsaáhh i káhh, gawaá adoorihe, tleehharusmooín gi sangw gurtlayká, kudá' inooín gaa tleehh gi sangw i gurtlayká.

ISAYA 3:10

Múk hota ganaá' ádbawaak adór inooín tar tsiní, asma inooín mamaá tlehhmi'ii'ín ngi /ayiyá'.

ISAYA 44:4

Nin harma/iyá' adór gitsór baraá tla/ángw ma'aay, adór oombásuú baraá afaá yaae.

ISAYA 58:11

Daqaní umuú daqto anuú AAKOÓ MUNGÚ kuungá' nun geeraharahaár, nuri diihhooár i haniís, nuri /uurií doóg. Kuungá' tari adór asalmoó ta eemamisi, adór duxuú ma'aay kudá' baloó /oomaaká.

YEREMIA 17:8

Heewí an adór xa'anoó taa haátl dír afaá kutltá ma'aay, kudá' dee/aruuwós gwaa siihh afaá yaae. Inós i kahiiká qoomár siire/iro, loo/oorós aqo in na/aa/át, sleeme tam kurkú slahheemasto i orooiiká, nee mamu gi mayká laqwaliingo.

ESEKIELI 17:8

Xa'anoó sabiíbu aange dír kuwa tuú/ a baraá asalmodá' kwi haátl, kuri haátl dír hhapér hhohho' nee ma'aá yaariir, as haleemi ngiwa duuxi nee mamu ngiwa laqwaali, as daqaní tawa xa'anoó ló'wa hhoohhoó' oo sabiíbu.

ESEKIELI 19:10

«Aayoorók a adór xa'anoó sabiíbu oo baraá qaymo, kudá' taa haátl bihhaá duxuú ma'aay, kudá' /ar'i ga slaslaax, asma ma'aay kiwa úr.

ESEKIELI 31:5

Gawaá adoorihe iri tleeruúr ló'wa alé xaai sleémeero awa gara ba/a. Haleemoowós nina ló'wa tlahhiyé' nee niri diraaruyé', asma dee/áruuwós ma'aá yaariir nguna du'umisiyé'.

ESEKIELI 47:12

Naagáy dír bihhér yaaeerihe xaa'aá /aymár wa hariimá' ni ti'iitiyá'. Loo/or'ín i baloó katká, laqaá mamu laqwaliingo ngi may'aaká. Mamaá /aben umuú slahhaango ngin laqwaliná', asma ma'aydá' amór Doó Mungú wa wa/amimá' gin slaslayá'. Mamuuín a muruú /ayma nee loo/or'ín a maasoó tiqti hungu/uumis.»

FAARO 24:6

A adór xatstá naa/ari ar ma'aay ni wa/maamina', a adór qaymór afaá yaae, a adór /ayór ta bay udi, ar AAKOÓ MUNGÚ aa dahaás, a adór sahhtár taa dahaás afaá yaae.

Matayo 13:6

Nee tam tsee/amá iwa gwa/aát iri káh, asma dír dee/ár nguy sihhi i káhh.

Matayo 21:19

/Aantsírka wák ar afaá loohírí dirii' gari artá áy. Ala naxés i mamaá koondaaká, aqo har loo/o kilós. /Aantsídá' gari báy, «Iimír laarí mamu mikiwa baloó sláy gawaawoge.» /Aantsídá' iri kát siiwadár kilae.

Matayo 21:34

Qoomár bu'uungw iwa naká/, sagadiyuuseerós gari ya/aáw amór doosluuseedá', as bu'uungós kuwa leehhi.

Matayo 21:41

Tari oó', «Mukdá' tlákw gu ló'wa hhaamiis. Nee qaymór sabiíbu gari doosluusér hatlá' i saayín, tidá' bu'uungós gu haniis ar qoomár hariim.»

Yohana 15:6

Heé baraaeé' wa kumiitaaká hotaango, kun tsee/aá i kwaahh, adoodár halmi kar tsee/ií kwaakwahhi, iri kát. Muu haleemiidá' giri sleemiis, kiri kwaahh baraá asla, as asla ngiwa /ak.

DABE 28:8

«Tsuuqaá AAKOÓ MUNGÚ meeweduuwók ngi dalaa/iyá', nee gadiyerók sleémeero ga tsuuq. AAKOÓ MUNGÚ, Munguúhúng kuún u tsuuq baraá yaamaá uy haniisi.

Yuda 1:12

A múk hhitár huwahuúw baraá dinku'uumarhúng tidár muruú /aymár sla'aariro. Tan al /ayín nee kuungá' ar mure wasle. Inooín kilooín tin xuiyá'. Inooín a adór huunkoó tar hi'iimiiti nee fur'a, ala i tluwoó konká. Slám inooín a adór xaa'aá mamaá kooma'aaká qoomár hariímár mamaá xaaiwo, kudá' taa dee/aruú al tuú/, nee niri kahiyé' niri slupuutiyé'.

Geehhoeemaá 22:2

nee iri waaráhh ar baraá tla/ángw loohír gixsa. Nee dír afaá yaaeero, bihhaá bartaqá' nee bihhaá bartihe xa'anoó slafiingw i deer. Xa'anoowí i laqwalín sagaáwa mibaá nee tsár gawaá kurkú wake. Mamuuwós giri hamaareemiis umuúqo slahhaango. Nee loo/ór xa'anoowí múk xoordu gun hungu/uumís.