WARA'AMI 1:1 - Biblía Axweesantá Hhohho' ar Mungú 2004

¹ Heé amohhoó' a kudá' axweesantá múk tlákw ga iiárií qamimaaká, slám i tlakuusér eeharahariiká, laqaá aa iwiitiiká dír dinku'uumár múk niquuse.

Ya/abtór hho' 1977

¹ Heé amohhoó' a kudá' axweesantá múk tlákw ga iiárií qamimaaká, slám i tlakuusér eeharahariiká, laqaá aa iwiitiiká dír dinku'uumár múk niquuse.

WARA'AMI 1:1 Iomraidhean Croise

IIMU/UUNGW 49:6

Án a dahaaká baraá axweesanay'ine, slám a dahaaká baraá kwasleemaduine. Asma baraá buhhtaaine muu nguna tsu/iyé', nee baraá tsifirtlakwer'ine awe ngina hariiayé', ngina kane tlaaqiyé'.

IIMU/UUNGW 5:24

Enoki nee Mungú tana aldinku'uús baraá hotaawose, aluuwo iri ilaá wa qwaár, asma kuna ar tláy nee Mungú.

1 WAAWITÁ 16:31

Slám tam tlehhma'aá Yeroboamu garmoó Nebati gaa eehari, Ahabu Yesebeli gari duúx, dasír Etba'ali, waawutmoó Sidoni. Ahabu Ba'ali guri sagadiyuús, nee gway sluufmiís.

2 QOM'I 22:3

Ahasia ina hoót ar adoodá' doó Ahabuwo tara hoót, asma ságw aayoorós guna /aáy tlakweema tlehhtuuwo.

YOBU 10:3

Gadiyér dabaawók kawa waaqaqa' i qoónda? Aníng iwa baramaanus i qoónda? Kángw tlakuuse mus sla'atamis.

YOBU 21:16

Áx ga/aaweek, slaasláwar'ín kan slaslaykáhe ar /uuruuín? Axweesanoó múk tlákw masók dir'eene ku saáw.

YOBU 31:5

«Barnaxes ana baraá lamtá wá hoót, nee bar ya'aaeé' ki amór al/aymár wa islahh,

WARA'AMI 1:6

Asma AAKOÓ MUNGÚ múk hota ganaá' gun xún baraá lohuine, ala múk tlakuuse loohir'ín gin húp baraá qwanaay.

WARA'AMI 106:3

Múk amohhoó' a kudá' sakwasleemár ganaa' ngi boo/eemiisá', kudá' umuú daqto muruú qoóm gu tlehhiít.

WARA'AMI 112:1

AAKOÓ MUNGÚ xirfayeemisaak. Heé amohhoó' a kudá' AAKOÓ MUNGÚ gu ilaiwawaá/, kudá' hara'ayaarós ga sa qwalalaá/.

WARA'AMI 119:115

Quutlé' dir'eene kuungaásingá' tlakuúse, asma hara'ayár Munguúeé' ngiwa oh.

WARA'AMI 144:15

Ku amohhoó' múk tsuuqaá adór kuká' gaa slay. Ku amohhoó' mukdá' oo AAKOÓ MUNGÚ tawa Munguúín.

WARA'AMI 146:5

Heé amohhoó' a kudá' alee/isaay gu harahhiíf dír Munguú Yakobo, nee harahhifoorós i dír AAKOÓ Munguúwós.

WARA'AMI 146:9

AAKOÓ MUNGÚ dahaaye ga amohhe'eemiis, panaay nee kwaeeli gin /uurií qamín. Ala múk gana'aaká gun qwaarees.

WARA'AMI 2:12

as miwa buúhh, kuungá' tay qwadá' baraá loohi, asma buhhtaawós ni hardihiyá' ar gaanslaay. Kudá' sleémeero ngwa i guwiye' ki amohhoo'.

WARA'AMI 26:12

Aníng aga sihhiít dír amohhoo', AAKOÓ MUNGÚ u diidi'iimiís baraá dinku'uumár yaariire.

WARA'AMI 34:8

Áx araak, adór AAKOÓ MUNGÚ kur hhoó', heé amohhoó' a kudá' goów amór AAKOÓ MUNGÚ.

WARA'AMI 36:4

Muruú tlákw oo i tleehhamór wa slai gun aldakuut gawaá qatuuwós wa ale. Tin dahmiis baraá lohaá tlakw, inós muruú tlákw gun eeharahaar.

WARA'AMI 64:2

Aníng baqáng dír múk tlakwe kudá' iga geewaqaat ar naaqo, nee dír boohhár muu ar muruú tlákw tlehhiita.

WARA'AMI 81:12

Gawaá adoorihe aníng ina máw tawa tlay ar adoodá' inooín i slaiya', nee ar baraá hara'ayduín.

WARA'AMI 84:12

AAKOÓ MUNGÚ Aleesleemusámo, heé kuúng u harahhiíf ku amohhoó'.

AXWEESANOÓ SAGALOOA 1:15

Garmaaeé', baraá loohiro miti alkoomara' nee inooín, yaaeerók ilaa/eek miwa daqeér baraá lohuuín.

AXWEESANOÓ SAGALOOA 1:22

«Aá múk iimi boó/, iimiboo/arhúng tisíng ka sla'aa'aanda' ay xaylá? Nee múk waaqaqaá' ay xaylá waaqaaqa' ku sla'aa'an, nee daktana ay xaylá xu'uti ngi ahhahhitiya'?

AXWEESANOÓ SAGALOOA 13:15

Heé inslawaay hhó' ku waatlakwees, Ala loohír múk inkihhimu wásl a hhituru'uumar'ín.

AXWEESANOÓ SAGALOOA 13:20

Heé hi'iimamiít nee múk sagelooén, sagalooa ga sláy, Ala mulqumoó heé daktani slahh'amu gu sláy.

AXWEESANOÓ SAGALOOA 19:29

Sakwasleema kaa amohhe'eés as heé niqusmo, nee qawaay kwaa amohhe'eés as muxtár daktana.

AXWEESANOÓ SAGALOOA 2:12

Uri ba/amisiyá' baraá loohír tlaakwe, nee dír múk axweesanoó qwaareemiís gu axweemaamisa,

AXWEESANOÓ SAGALOOA 3:34

Looeemaawo múk waaqaqaá' inós gu waaqaqaa'. Ala múk tsaén gu gurtleemuú wá araa'ar.

AXWEESANOÓ SAGALOOA 4:19

Ala loohír múk tlákw a adór ma/amír aa qipit, Gár inooín gi gee/asliim ngi xuiaaká.

AXWEESANOÓ SAGALOOA 9:12

Sagalooa bar koón, an koón as kuúng. Ala bar an waaqaaqá', kangwsíng a kók.

YEREMIA 15:17

Aga iwiitiiká dír dinku'uumár múk aa yaanda hhe'ees laqaá aga alqwalala/aniiká, aníng ana kilooeé' iwiít as /uuruuwók iwa gawaaeé'. Asma iga hatsís buhhtaawoge.

YEREMIA 17:7

Heé AAKOÓ MUNGÚ gwaa harahhiif kwaa tsuúq, kudá' AAKOÓ MUNGÚ gwaa harahhifoorós tleehh.

ESEKIELI 20:18

Na/ii'ín ina naanaáq baraá xaanxáy wa alé, ina báw, ‹Slooír baabi'iihúng ma eeharaara', tam hara'ayar'ín ma oohara', laqaá miti slasla/areesara' ar slaqsi'iidaá munguaá hatlá'.›

Matayo 16:17

Yesu iri oó', «Símon, garmoó Yona, kuúng a heé amohhoó', asma kaangwí heé ngwa dirók i xu'utis i kaahh, ala aqo Baabuúeé' kuduú gawaá doorí dirií'.

Luka 11:28

Ala Yesu gari báy, «Geera tsiní bar kat, ‹Múk amohhoó' an kudá' axweesantá Mungú ga axamiís nee ga iialooeemiís.› »

Luka 23:51

ala axweesanay'ín kudá' taa tsaát nee tlehhemuuín gwaa ya/aniká. Inós a heé yaamaá Arimataya, gixsár wák ar múk Yahudi. Nee inós waawuti'iimár Mungú gan daamaarán.

Yohana 13:17

Tí kuungá' bara xué', kuungá' tundu amohhoó bar aga tlehhé'.

Yohana 20:29

Yesu iri oó', «Daxta iga haratlintí' asma iga aán. Múk amohhoó' a kudá' ga haratlintatií' tam iga ariikahe.»

Rumi 5:2

Baraá Yesu Kristowo sleeme atén pa/aangw ugwa slawaán oo gurtleemuuwí nguwa i hardahaan. Atén hamí an baraá gurtleemuuwí wa iwiwiitaán. Slám atén a qwalaala/aán asma haraxu'utirén tidá' ta koomaan ar xirfuú Mungú kuwa slawaan.

Efeso 6:13

Gawaá adoorihe xooslaá slaqwarár Mungú sleémeero oohaak. Deeloodá' tlaakw bál binda hardát, daqaní wakusmoodá' u aleesleerá' kuwa baqa', nee arba/ato bura hhe'esé', ta sihhitano hhe'esá'.

DABE 14:6

Nee umuú makiito'ór taa qo fuqeeni qasitii'i, nee ar /aarusa, an makaá ta fu'unaay /aga'.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»

1 Petro 4:3

Asma qoomaadá' aa waarahhi kuungá' sla'aarír múk Munguú xuaaká ana eehadé'. Ala a ido daxta. Qoomaadae ana hoté' ar slafíngw slasla/arén oo mure wásl, nee ar ilatleerír tlakw. Ana hoté' ar oonitime nee hheehha nee layda, nee slám ana hoté' ar slaqsa'aá munguaá hatlá' kiwa sluufmisa' adoodá' hariimaaká.

Geehhoeemaá 22:14

Múk amohhoó' an kudá' inqwaruuín gu hhuuntsiít, as kahhó' inooín tawa harín mamaá xa'anooduú slafiingw kiwa /ayi, nee tawa baraá gixsadií dahi ar afeerós.