Tlehhema'aá ya/Abuuse 9:6 - Biblía Axweesantá Hhohho' ar Mungú 2004

⁶ Ala kuúng na sihhiít, baraá gixsa i daheek, nee adór kuúng wa hariim tleehhamooro kingi kuúng i oó'.»

Ya/abtór hho' 1977

⁶ Ala kuúng na sihhiít, baraá gixsa i daheek, nee adór kuúng wa hariim tleehhamooro kingi kuúng i oó'.”

Tlehhema'aá ya/Abuuse 9:6 Iomraidhean Croise

WARA'AMI 25:12

Heé AAKOÓ MUNGÚ gu ilaiwawaá/ a heemá? Mungú inós gu intsaahhatis loohír i tsawaari.

WARA'AMI 94:12

AAKOÓ MUNGÚ, heé amohhoó' a kudá' kuúng taa naanáq, kudá' dabeeroge ta intsaahhatís.

ISAYA 57:18

Aníng lohduuín iga ár, ala in hungu/uús aníng inooín in geerahaár ngiri gurkwa/ás, sleeme kudá' tsuunqumisá' in harhheehhe'eés.»

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

ESEKIELI 2:1

Inós aníng iri báy, «Xáy heewí, sihhtanoro galalaa'aát. Aníng nee kuúng a axweesaán.»

ESEKIELI 3:22

/Uuruú AAKOÓ MUNGÚ aníng ina hatsiís, iri báy, «Sihhiít, tláw ay dír tlapapaai. Aníng nee kuúng a amoodá' wa axweesaán.»

HABAKUKI 3:16

Kaangwí sleémeero una axaás tam guruueé' ma'aay ngway dalaa/iyé'. De'eero afkueé' iri daaraxaát. Diqiyaeé' niri tsatiitiyé', ya'aaeé' niri daaraaxiyé'. Aníng baalaadár slahh'amu an daamaaraám ar qitla, tidá' hardah dír mukdá' amoorénií haraatlatláw.

Matayo 19:30

Ala baraá kudá' geeraá hara'a, awa yaariir i alií ki/iyá', nee kudá' alaá hará', ta geerií waaraahh.»

Luka 3:10

Yohane kuri yaahaás nee boo/oó muu, ta kaahi, «Adór ta laqaan a adoomá ala?»

Tlehhema'aá ya/Abuuse 10:22

Tari oó', «Kornelio, geeraharusmoó askaári, atén tina ya/aáw. Inós a heé ganaá', slám a heé Munguú ilaiwawaá/, nee adór tar heé hhoó' múk Yahudi sleémeero ga xuu'. Inós kuna ádbáy nee malaykamoó hhoohhoó' muu nguwa ya/aawi amoorók, as kuúng tawa amór do'ós i daqeer, as axweesantók ngiwa axaasi.»

Tlehhema'aá ya/Abuuse 10:32

Ala kuúng muu na ya/aaweek ay Yopa. Simon ateeteek, kudá' ta bay Petro. Inós haandá' i dír doó Simoní dirii', kudá' kadaá tlehhaahhiít. Do'ós i afaá tlawi. Nee Simon birna hardáh, inós kuúng u intsaahhatis.›

Tlehhema'aá ya/Abuuse 10:6

Inós a dahaaymoó heeko ta bay Simonú kadaá tlehhahhiít, do'ós i afaá tláwtí dirii'. Inós tidá' kuúng wa hariim tlehhmuuwo ngi oo'.»

Tlehhema'aá ya/Abuuse 2:37

/Aymi'iiká' kiwa axaamiís, muner'ín kari kwatiít ló'wa ale, Petro nee ya/abuusér hatlá' kay yaahamiís tari oó', «Hhaeerén atén adór ta laqaan?»

Tlehhema'aá ya/Abuuse 22:10

Niri oó', ‹Adór ni laaq, Aáko?› Aako iri báy, ‹Tláw, sihhiít, dáh baraá gixsár Damasko. Nee baraadae kaangw sleémeero oo kuúng wa hariím kungu oo'.›

Tlehhema'aá ya/Abuuse 26:16

Ala tláw, sihhiít ar ya'aawók. Gaarí an gár aníng kuúng usa harati'iít, as uwa qaas tawa sagadiyusmo, nee lamabu'usmoó muruuwí taa aán nee muruudá' ta aan aluuwo.

Tlehhema'aá ya/Abuuse 9:5

Saulo iri oó', «Kuúng a heemá, Aáko?» Heedaádá' iri oó', «Aníng an Yésuudá' kuúng ta slahh'eemis.

Rumi 10:20

Aluuwo Isaya aa qiítl /aymi'iiká' ngiwa oó', «Múk aníng leelehhiitaaká, aníng ina sláy, nee múk aníng yaahamiisaaká, aníng tina dir'íní geehhooeés.»

Rumi 10:3

Asma inooín gan'amuuduú amór Mungú daáhh ngu xuiaaká. Inooín gan'amuuín ngun kilooín leelehhiitiyá'. Gawaá adoorihe inooín taa qaasi'iiká baraá gan'amuuduú amór Mungú daáhh.

Rumi 5:20

Hara'aya nina hardát as dakuúsadá' iwa doogiin ak alé. Ala tlakweema niwa tlahhiyé', gurtleemuú Mungú iri ak ló' wa doogín sleeme.

Rumi 7:9

Aníng aáng a slaáf, niwa hara'ayár koomaaká. Nee hara'aya niwa hardát tlakweema niri slafiyé',

Filipi 2:12

Sla'aaruuser'eé', án qoomár niwa dirhúng i dirii', kuungá' axweesante'eé' ana iialooeemisé' umuúqo daqto, ala a qoomár aníng niwa dawaaká kilós. Gawaá adoorihe gadiyuusé' ar dae nee daaraxaay, as ba/amarhúng kawa boo/esa'.

Yakobo 4:6

Ala tam adoorihe gurtleemuudá' ni atén i hanmiisi ku ak ló'wa ur. Gawaá adoorihe Gooi i malé kat, «Mungú múk daara/aám gu sii', ala mukdá' ti niinaweemiís gu gurtláy.»

1 SAMUELI 16:3

Yese dah'iseek baraá dinku'uumár ilahhooasíng ta gasa, daqaní aníng adór ta tlehh ngi laqaám, heé án ni dirók i laqaam ku iimbaláx ar di/i as aníng.»

1 SAMUELI 28:5

Saulo slaqwaruuseedár Filisti ngiwa ár gura' ma'aay ngway dalaa/iyé', iri kitlkitlaáy guri áy.