Tlehhema'aá ya/Abuuse 9:4 - Biblía Axweesantá Hhohho' ar Mungú 2004

⁴ Saulo iri yaamií huú', afo gari axaás ar inós gwa beer, «Saúlo, Saúlo, ahaá waáy, án mis slahh'eemís?»

Ya/abtór hho' 1977

⁴ Sauli iri yaamí huú', afoo gari axaás ar inós gwa babeer, “Saúli, Saúli, ahaá waáy, án mis gusiisiín?”

Tlehhema'aá ya/Abuuse 9:4 Iomraidhean Croise

IIMU/UUNGW 16:8

Malaykamo gari yaahaás, «Hagári, kiíng sagadiyuso'ór Sarai a dáhh, nee kiíng a keér?» Hagari iri ilawáts, iri ó', «Án aamar'eé' Sarai ngina ilagoów.»

IIMU/UUNGW 22:11

Ala malaykamoó AAKOÓ MUNGÚ iri gawaá doorí wa ateét, iri oó', «Abrahámu! Abrahámu!» Abrahamu iri oó', «Aníng a diirí.»

IIMU/UUNGW 3:9

Ala AAKOÓ Mungú heedaádá' guri ateét guri báy, «Kuúng a amá?»

TI'INAANGW 3:4

Qoomár AAKOÓ MUNGÚ ngiwa ár Mose i amór kitikiintidá' i tseewuwúy, Mungú guri ateét baraá tla/ángw kitikiintidá' wa alé, i kaahi, «Móse, Móse!» Mose iri oó', «Aníng a diirí.»

ISAYA 6:8

Afór Aako ngiri axaás, i kat, «Heé ni ya/aaw a heemá oo daanduurén wa daqáw? «Aníng niri mu/aywaáts, «Aníng a diirí, án ya/aawáng!»

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

SEKARIA 2:8

AAKOÓ MUNGÚ Aleesleemusmo, kudá' iga ya/aaw as xirfuuwós daanduú xoorduudá' kuungá' na loohatisi'i i kaahi, «Heé kuungá' naa kwatiit, a maamár iltaeé' gana kwatiít.

FAARO 16:45

«Dír dinku'uumasinge ti paratle', hamír kilá' i adaá hhaamiís!» Ala Mose nee Aroni tana gur'ér ar qaát.

Matayo 25:40

Waawutmo iri ooi, ‹Án a kah, umuúqo gaaro ar taa tlehhé' dír oo wák baraá hhaee'eé' kuká' ninakwe, a ngina aníng i tlehhé'.›

Luka 10:41

Aako gari báy, «Márta, Márta, kiíng an daawiimít nee an amoqwaqadiín asma muruú yaariír.

Yohana 18:6

Yesu qoomár ngiwa báy, «An aníng», tari alií kií/, tari huuhu'ún yaamií alé.

Yohana 20:16

Yesu iri oó', «Mariá.» Maria iri warqeér, iri ilawáts ar tsifrír Ebrania, iri ó', «Raboni.» (Gídaabárós a «Intsaahhatusámo».)

Yohana 21:15

Qoomár /aymaaro tawa hhe'eés, Yesu Simon Petro guri báy, «Xáy, Símon, garmoó Yohane, án kuúng i slá'a ta kukaákae?» Petro iri oó', «Eeít, Aáko, kuúng a xú' adór án kuúng ur slaá'.» Yesu iri oó', «Deeloó bee/angw'eé' /aymiiseek.»

Tlehhema'aá ya/Abuuse 5:10

Hamtidár kilá' iri hú' dír ya'aá Petro, iri gwá'. Daaqaydá' niwa dáh, naxés kawa ár aa gwá', kari gagaár tsee/áy alé, kari foól dinkwa nee hhawaatuuwós.

Tlehhema'aá ya/Abuuse 9:5

Saulo iri oó', «Kuúng a heemá, Aáko?» Heedaádá' iri oó', «Aníng an Yésuudá' kuúng ta slahh'eemis.

Rumi 11:22

Gawaá adoorihe ana araán adór Mungú ir xaraásl, nee slám ku hhoó'. Inós i xaraasl dír mukdá' aa huui baraá tlakweema. Ala diroge ku hhoó', kuúng bar baraá hhooeemaawós wa kumaamít. Ala bar kumaamitká, kuúng sleeme tu adór haleemiidá' wa tsaat.

1 Korinto 12:12

Slaqwtá hee a wak, ala i diqoó yaariír koón. Ala diqaywí tam ku yaariire, sleémeero burkwa haragaás an slaqwtá wák kilós. Adoorí an adoodá' Kristo sleeme i dirii'i.

1 Korinto 4:7

Asma heé kuúng ugwa iia tleerees ta múk hatlae a heemá? Kuúng gár ta koon i deéro ar taa tawó sleeriiká dír Munguhe. Ala bar kuúng aga tawó sleér, ahaá ala, kuúng mas daara/aán adór heé gaa gaa tawó slayká?

Efeso 5:30

Asma atén a diqoó slaqwtós.