Tlehhema'aá ya/Abuuse 9:39 - Biblía Axweesantá Hhohho' ar Mungú 2004

³⁹ Petro iri tláy, nee inooín tiri koné'. Iwa hardáh, kuna tsa/aás gawaá qoroófa. /Ameenár kwaeeli sleémeero ina bihhiiwós i sihhít, ta /aa/amín, kuri inqwaruú i laqaqán, nee hiyi'i, kudá' Dorkasi aa hirít qoomár iwa slaf.

Ya/abtór hho' 1977

³⁹ Petro iri tláy, nee inooín tiri koné'. Iwa hardáh, kuna tsa/aás gawaá goroófa. /Ameenár kwaeeli sleémeero tana bihhiiwós i sihhiít, ta /aa/amín, kuri inqwaruú i laqaqán, nee hii'ii, kudá' Dorkasi aa hirít qoomár iwa slaf.

Tlehhema'aá ya/Abuuse 9:39 Iomraidhean Croise

2 SAMUELI 1:24

/Ameenár Israeli Saulo ale/aa/amimaak kudá' kuungá' naa tsiitiis ar tlabaá da/aten awa diihhooa, tlabaahúng gina qaalín ar sahaábu.

AXWEESANOÓ SAGALOOA 10:7

Múk gan'amuú koóm bur inslasleér a tsuuqa, ala umuú heé tlaákw a adór gár aa dix.

DAHARUSMO 9:10

Gár taa haraasliqít dabaawoge tleehheek ar /uuruwók sleémeero, asma bara gwá', baraá gi'iiwo gadiyeé i káhh, laqaá inslawaay, laqaá xu'uti laqaá sagalooa.

Matayo 17:17

Yesu iri oó', «Kuungaásingá' qartá haratlintaao wasl, nee ar aa qwat. Án nee kuungá' ta alhotaatimaan ay xaylá? Án kuungá' nu alqiqtlaatliim ay xaylá? Na/aay amor'eé' huwaare'.»

Matayo 26:11

Asma liitlakuuse nee kuungá' a dinkwa umuúqo daqto, ala án nee kuungá' umuú baalaaro a dinkwaarooká.

Marko 14:8

/Ameenirí adoodá' aa asleér gaa tléhh. Slaqwte'eé' gaa geerií slík ar mooyaangw, asma gana amohhe'és as deelór foolar'eé'.

Luka 24:44

Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Yohana 12:8

Asma liitlakuuse umuú daqto nee kuungá' a dinkwa, ala aníng nee kuungá' a dinkwaarooká umuú daqto.»

Yohana 17:12

Qoomár án niwa dinkwár i dirii' nee inooín, aníng iga xuúm ar /uuruú umuuwók kudá' naa hanís, ngiri amohhe'eemiís. Ala tam baraaine heé wák aa qwaar i kaahh, aqo har heedá' taa qwanáy i harafaár iimír iimu/uungo, as Gooi iwa bo/.

Tlehhema'aá ya/Abuuse 1:13

Tari dáh baraá do', tari tsa/án gawaá qoroófa, amoodá' geeraawo tawa iwiwiít. Inooín a kuká': Petro nee Yohane, nee Yakobo nee Andrea, nee Filipo nee Tomas, nee Bartolomayo nee Matayo, nee Yakobó Alfayo nee Simonudá' yaamuuwós aleeslaáqw, nee Yuduú Yakobo.

Tlehhema'aá ya/Abuuse 20:35

Baraá muruú yaariire aníng ngaa laqaám, adór gár atén tiwa hariím, tar liitlakuuse kawa alee/iisaan, ar gadiyér adór tí kawa tleehhaan. Nee /ayma'aá Aako Yesu ki inslawaán, kudá' iwa oó', ‹Qwala/ i deer baraá gaa haniisaro ta baraá gaa ilaooharo.› »

Tlehhema'aá ya/Abuuse 6:1

Deeloodae faarór eeharuuse iri doogigiín. Múk Yahudi oo tsifrír Yunanír axweés, iri qununuú/ daanduú múk Ebraniaro, asma kwaeelii'ín kaa gunqaareés muruú /aymaadá' umuú baalaaro ta qasmiisi.

Tlehhema'aá ya/Abuuse 8:2

Múk Munguú ilaiwawaá/ Stefano guri foól, kuri sa tsuunqumiís ló'wa ale.

Tlehhema'aá ya/Abuuse 9:41

Gari dawa óh, gari sihhitís. Múk Mungú nee /ameenár kwaeeli giri ateét, /ameenidá' gana geeraaín i qaás ka saxamaar.

2 korinto 8:12

Asma kuúng gaa barnaxes a slá' haniisaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, ala a tidá' kuúng ta koondaaká.

Efeso 4:28

Heé fisaasiím, fiiso ngi may, ala inós gár kuwa hariím gadiyér hhoo' gan tleehh ar dabaawós awa kilá', as gaa ngiwa slay ar liitlakuuse ngir alee/iisi.

1 Tesalonike 1:3

Umuúqo deelooro an inslawiiwimaán dír geeraá Mungú Baabuúrene, adór haratlintaaorhúng ira geehhoouúr ar baraá tlehhemi'i, nee adór sla'aarirhúng nura tliw/iín as gadiyeé kawa ló'wa tlehha', nee haraxu'utirhúng baraá Aako Yesu Kristoowo adór qitla ngura hanís.

1 Tesalonike 4:13

Hháe, atén a sla'aanaaká kángw mukdá' aa qaatl kuungá' kuwa xua'aaká. As kahhó' kuungá' ma gurhaamuutara' tawa adór mukduú hatlá' oo harahhifo wásl.

1 Timoteo 5:3

/Ameenár kwaeeli ilaiwawa/eek, kwaeelidaá ló'.

1 Timoteo 5:5

Kwaalo'ór ló' a tidá' taa kilós geexáy. Inós Mungú gun harahhíf, slám i baraá firór wa hót nee saaliingo tlaatla/aangw nee xweeraawo.

1 Yohana 3:18

Laqwalór ninakw, sla'aarirén miwa axweesantá tawo tleehhít, ala masók sla'aarirén an sla'aarír tlehhema'aá koom, nee ar looeema.