Tlehhema'aá ya/Abuuse 9:35 - Biblía Axweesantá Hhohho' ar Mungú 2004

³⁵ Nee muu sleémeero oo baraá yaamaá Lidárí dirií' nee Saroni, Enea kuwa ár, Aako kuri haratlintií'.

Ya/abtór hho' 1977

³⁵ Nee muu sleémeero oo baraá yaamaá Lidár i dirií' nee Sharoni, Ainea kuwa ár, Aako kuri haratlintií'.

Tlehhema'aá ya/Abuuse 9:35 Iomraidhean Croise

1 QOM'I 27:29

Heé hikwa gaa sagesihhmiit baraá qawtantá Sharonír wa ale a Shitrai heé Sharonír daáhh. Heé gi sagesihhmiít baraá xatsoowo a Shafati garmoó Adlai.

1 QOM'I 5:16

Inooín nina hootiyé' Gileadír wa ale baraá Bashani nee baraá gixsaduwós nee qawtani sleémeero ar yaamaá Sharoni.

1 QOM'I 8:12

Daaqoó Elpa'ali a kwí: Eberi nee Mishamu, nee Shemedi. Inooín an kudá' gixsár Ono nee Lodi ngaa tleehhiye' dinkwa nee ayeemooine.

ESRA 2:33

Múk yaamaá Lodi nee Hadidi nee Ono a tsiire faanqw mibeeri tsár nee kooán.

NEHEMIA 11:35

nee Lodi nee Ono tidár baraá Xatstá Múk muruú baál tlehhtuwo.

NEHEMIA 7:37

Múk gixsadaá Lodi nee Hadidi nee Ono a tsiire faanqw nee mibeeri tsár nee wak.

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

WARA'AMI 22:27

Múk baraaká' yaamu sleémeero kaangwí oo AAKOÓ MUNGÚ ku insláy, tari amoorósí kii/. Múk xoordu sleémeero nee tlahhi'i sleémeero AAKOÓ MUNGÚ kway i tumbarara'aat.

ISAYA 31:6

Aá múk Israeli, ki/é' amór kudá' taa ló'wa sié'.

ISAYA 33:9

Yaamu i tsuunqumiisiyá' nee na kahiyé', Lebanoni ina qor'ót, iri kát, Sharoni ina adór xaanxaay tleehhít, nee loo/ór xaa'aá Bashani nee Karmeliro i páhh.

ISAYA 35:2

/Ayór yaariir adór tiqár wariídi gari /ayuus, Iri baraa/, iri daa' ar qwal/uú yaariír, xaanxaay xirfuú adór kuduú Lebanoni guri sláy, xirif sleémeero oo Karmeli nee oo Sharoniro, muu xirfuú AAKOÓ MUNGÚ guri ar, nee adór Munguúrén kur úr ngiri ariyá'.

ISAYA 65:10

Yaamaá Sharoni tari dír qawór bee/aangw nee xatstá Akoni tari dír hikwa i tlahhamisiya', as daanduú muk'eé' kudá' iga leeleehh.

ISAYA 66:8

Heé kángw adór kwí gwaa axaas dirhunge? Heé gár adór tí gaa ar dirhunge? Xáy, yaamu ki baalár wák tleéhhi? Xáy, xooro ka siwár wák i laqwaáli? Ala qoomár Siyoni gura' ngiwa sangw tsaát, daaqaywós guna adaá laqwál.»

WA/AA/I 3:40

Luhduurén ki alqaytaán nee ki aldakwaán, nee ta ki/aán amór AAKOÓ Munguúrén.

HOSEA 12:6

Ala kuungá', ki/é' amór Munguúhúng, sla'aari nee gan'amu aldakuutaak, nee Munguúhúng harahhifaak umuúqo daqto.

HOSEA 14:2

Tlawsé', inós firiimaak, ki/é' amór AAKOÓ MUNGÚ. Inós ku beera', «Tlakweemaarén sleémeero hingeseek, qeemuurén ilaooheek, daqaní atén kuúng u xirfayesaán afeerene.

Yoeli 2:13

Tlabaahúng mi feehhamisaara', ala munerhúng na warqeesaak.» AAKOÓ MUNGÚ, Munguúhúng, na i waya'aak, asma inós ku gurhhoó', slám i gurtleemuú kón, ku inslahheeká buhhtaawo, i haats sla'aarír warqawaakahe. Tam sakwasleemadá' aa oó', ga ya/án meemuwo.

Tlehhema'aá ya/Abuuse 11:21

/Uuruú Aako i gawaaín i dirii', nee múk yaariír Aako guna haratlintií' guri i warqáy.

Tlehhema'aá ya/Abuuse 15:19

Yakobo iri kumiít iri oó', «Gár án ni slaa' a tí, ‹Mukdaáduú xoordu Mungú gwa haratlintii' muwa slahh'eemisaán.

Tlehhema'aá ya/Abuuse 19:10

Tari kumiít ar adoorí ay kureeri tsár, tam múk Yahudi sleémeero nee oo Yunaniro kudá' Asiár i dirií', Ya/abtór Aako gari axaás.

Tlehhema'aá ya/Abuuse 19:20

Adoorí an adoodá' Ya/abtór Aako ira geerií kumít, nee iri baaliín ar /uuru.

Tlehhema'aá ya/Abuuse 2:47

Mungú kuri sluufmiís, nee muu sleémeero kuri sla'atimís, Nee umuúqo baalaaro Aako faarór mukós kudá' ba/aa/ám gana dogiít.

Tlehhema'aá ya/Abuuse 4:4

Ala baraá mukdá' axweesantadá' gaa axaasi awa yaariir ngay haratlinti'iyé', nee hhawaate a har afi qoomoó kume kooán.

Tlehhema'aá ya/Abuuse 6:7

Axweesantá Mungú iri tsiyayaxát, nee faarór eeharuuse iri ló'wa doogigiín baraá Yerusalemuwo. Kaahamuusér Mungú ar yaariir iri haratlintí'.

Tlehhema'aá ya/Abuuse 9:34

Petro guri báy, «Enéa, Yesu Kristo kuúng u hungu/uus. Tláw, faltók amohhe'eeseek.» Qoomaadár kilae iri tláy.

Tlehhema'aá ya/Abuuse 9:42

Kaangwí ina xu'utiít baraá gixsár Yopa sleémeero. Múk yaariír Aako guri haratlintií'.

2 korinto 3:16

Ala qoomár bar hee aa warqáy amór Aako, warqamoodá' kun sangw hingees.

DABE 4:30

Muruuwí sleémeero burna sláy, aluuwo kuungá' slahh'amu u sleerá', daqaní kuungá' tari ki/á' amór AAKOÓ MUNGÚ Munguúhúng nee kuri ilaiwawa/á'.