Tlehhema'aá ya/Abuuse 9:22 - Biblía Axweesantá Hhohho' ar Mungú 2004

²² Saulo ina kumiít ar pihh'uuma axweesantá Mungú alki/ituuwo, múk Yahudi oo Damaskórí dirií', gurir baá/, ngiwa laqaqan adór, ‹Yesu tar Kristo.›

Ya/abtór hho' 1977

²² Sauli ina kumiít ar pihhu'uuma axweesantá Mungú alki/ituuwo, múk Yahudi oo Dameskír i dirií', gurir baá/, ngiwa laqaqan gídaabá, “Yesu an Kristo.”

Tlehhema'aá ya/Abuuse 9:22 Iomraidhean Croise

IIMU/UUNGW 49:24

Tam adoorihe, ga/aleerós ka amohhoo', nee dabaawós sleeme i /uuruú slaslayá', ar aleesleemuú Munguú duú /uuruú koóm oo Yakobo, ar aleesleemuú umuú De'eemusmo, inós an Tlaa/ár Israeli.

YOBU 17:9

Tam adoorihe, heé ganaá', aqo gan'amu gun ar hoot, heé muruú hhó' tlehhiít /uuru gu ló'wa sláy.

WARA'AMI 51:13

Tlakuuse a intsaahhatís lohduuwoge, nee múk tlakuuse niri amoorógi kii/.

WARA'AMI 84:7

I kumiitiyá' /uuru slaslaango, ay dír umuúqo heewo i hardihi dír geeraá Mungú amoodár Siyoni.

ISAYA 40:29

Inós mukdá' nusqumiít gun /uurií hanmiis, nee kudá' aleesleemuú koma'aaká gin /uurií dogiit.

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Tlehhema'aá ya/Abuuse 17:3

Axweesantá Mungú gari dir'ín i gwa/atimís nee gari alki/iít adór Kristo gár kuwa hariím aqo kun slahh'eemiis, nee niri waslee/ baraá múk aa qaátl wa ale. Iri oó', «Yésuuwí kaangós án ni alki/iit, inós an Kristo.»

Tlehhema'aá ya/Abuuse 18:5

Sila nee Timoteo tindiwa aweér Makedoniár wa ale, Paulo pa/aangw guri sláy oo axweesantá Mungú ngiwa alki/iiti umuúqo deelooro, múk Yahudi guri lamabu'ún adór Yesu tar Kristo.

Tlehhema'aá ya/Abuuse 28:23

Deelo kari al'axweés ar kuwa iiárií qaasár ay. Múk ló'wa yaariír guri i daqáy dír do'dá' inós i hooti. Iimír matlaatle ay tsiindo Paulo kángw waawuti'iimár Mungú guri dir'íní alki/iít ar axweesanoó aleesleemuú koóm, gari laqaqán ar gooír Mose nee aaruuse adór Yesu tar Kristo.

Tlehhema'aá ya/Abuuse 9:20

Kángw Yesu guri alki/iít baraá maraá saaliingo iwa kaahi, «Inós a Garmoó Mungú.»

Tlehhema'aá ya/Abuuse 9:21

Nee múk kaangwí gwa axaas sleémeero tari waa/oo/amín tari káh, «Heewí a kudá' mukduú Mungú oo umuuwí gu ateetiím gwa slahh'emiísiíke baraá Yerusalemuro. Nee gár nisa diirí hardáh aqo kaangwí, ngiwa tsegiiti nee ngiwa huwi amór kaahamuusér uren ar Mungú.»

Tlehhema'aá ya/Abuuse 9:23

Deelór yaariir iwa waaráhh, múk Yahudi tari al'axweés kuwa gaasi.

Tlehhema'aá ya/Abuuse 9:27

Ala Barnaba Saulo guri huúw amór ya/abuuse. Kaangwí guri dir'ín i alki/iít adór Saulo Aako ngura ár loohiro, nee adór Aako ira axweés nee Saulo, nee Saulo Ya/abtór hho' adór ngira alki/iít ar pihh'uuma baraá Damaskoro ar umuú Aako.

1 Korinto 1:27

Ala Mungú muruudá' taa dakti'iimár i harafaár nee muu, guna tsawaár, as múk sageloén nguwa mureekeesi. Nee slám muruudá' taa liitlakwér i harafaár nee muu, Mungú guna tsawaár, as kudá' /uuruú koóm nguwa mureekeesi.

Galatia 1:18

Kureeraá tám niwa waarahhiyé', niri tsa/ám Yerusalemu, as nee Kefa tiwa slawaan. Niri dír do'ós wa hoót deelo mibaá nee kooán.

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

1 Timoteo 1:12

Aníng Kristo Yesu Aakoorén un sluufmiís, kudá' aníng iga /uurií haniis. Slám un sluufmiís asma aníng ina harafaár tawa heé inkihhimuú koóm, iri qaás baraá gadiyeérós i alé,