Tlehhema'aá ya/Abuuse 9:16 - Biblía Axweesantá Hhohho' ar Mungú 2004

¹⁶ Aníng adór slahha'amaayér yaariir ir inós wa hariín sleemuuwo as aníng a dirósí laqaám.»

Ya/abtór hho' 1977

¹⁶ Aníng a inós i laqaám adór slahha'amaaye kar yaariír ar inós wa hariím sleemuuwo as aníng.”

Tlehhema'aá ya/Abuuse 9:16 Iomraidhean Croise

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

Matayo 24:9

«Qoomaadae muu kuungá' nu sakii/ as slahh'amu kuwa sleera', nee tunduwa tsu/i. Kuungá' xoordu sleémeero nuri aahhiyá' as aníng.

Matayo 5:11

«Kuungaásingá' an múk amohhoó', burtundu niqimiis, nee burtundu gusiisín, nee burtundu tli/imis ar /ayseeno asma aníng.

Yohana 15:20

/Aymuudá' naa kuungá' báw inslawaak, kudá' nuwa báw, ‹Lawaalmo ku ureeká ta aakoowose.› Bar án tina slahh'eemiís, kuungá' sleeme tundu slahh'eemiis. Bar axweesante'eé' kana óh, toohúng sleeme ka oh.

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Tlehhema'aá ya/Abuuse 21:11

Niwa hardáh, himuú Paulo guri taataáhh, inós tiri kilós ya'a' tseék nee dabaawo, iri oó', «Qeeruú hhoohhoó' oo Mungú i kaahi, ‹Adoorí an adór heé himuuwí kur tseegi nee múk Yahudi oo Yerusalemu nee kuri qaas baraá dabaá múk xoordu.› »

Tlehhema'aá ya/Abuuse 21:13

Paulo atén tiri báy, «Gár ta tlehhita' a umós? /Aa/e nee diqay'eé' qwaareemisúwo? Mas tseegamo kilós an katá'? Án aga ya/aám tam tiwa gaasi baraá Yerusalemúr i alé as umuú Aako Yesu.»

Tlehhema'aá ya/Abuuse 21:4

Eeharuuse kari slawaán amoodae, tari dir'ín wa hootaán deelo faanqw. Inooín Paulo ar /uuruú Qeeruú hhoohhoó' oo Munguhe kuri ádbabáy as Yerusalemu mingiwa káy.

Tlehhema'aá ya/Abuuse 9:14

Slám ayaawihe hara'aya ga kón ar amór kaahamusér uren ar Mungú daahh, ar mukdá' sleémeero umuuwók ateetimá' nguwa tsegiiti.»

Tlehhema'aá ya/Abuuse 9:6

Ala kuúng na sihhiít, baraá gixsa i daheek, nee adór kuúng wa hariim tleehhamooro kingi kuúng i oó'.»

2 korinto 6:4

Ala baraá umuúqo gaaro atén tin laqaqamaán adór tar sagadiyuusér Mungú. Atén an qiqtliimaán ar qitluú yaariír baraá haleeleeamituuwo nee baraá slahh'amaayero nee tam baraá daero.

1 Tesalonike 3:3

asma baraá tla/angwhunge hee miwa deeruút oo alií kií/ as slahh'eemisuuwí. Kuungá' kilá' a xuá', adór atén gár tiwa hariím aqo slahh'eemisuú adór kwí un slawaán.

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.

2 Timoteo 3:11

Nee slám án kuúng ina eehát baraá gusisingw'eene nee baraá slahh'amaayer'eene, adór muruudá' naa sláw baraá yaamaá Antiokiár wa ale, nee baraá Ikonio, nee baraá Listra. Gusisíngw yaariír una sláw. Ala Aako aníng ina ba/amís baraá muruuwí sleémeerowo.

1 Petro 4:14

Kuungá' bar tundun /ooslislín as Kristo, kuungá' daqaní a múk amoohhoó'. Asma Qeeruú Xirif kuduú Mungú, i gawaahúng i dirii'.

Geehhoeemaá 1:9

Aníng a Yohane, hhiyaahúng, kudá' aa al dinku'uus nee kuungá' baraá slahh'amaayeero, nee baraá Waawuti'iima, nee baraá qiqtliingw baraá Yesuwo. Qoomarkaaro aníng ana hardáh baraá yaamaá kaahaar awa tla/ángw tlawi, awa ta bay Patmo, as a axweesantá Mungú ngiwa alki/iit nee Yesu nguwa lamabu'uum.