Tlehhema'aá ya/Abuuse 9:15 - Biblía Axweesantá Hhohho' ar Mungú 2004

¹⁵ Ala Aako iri oó', «Kuúng tláw, asma heesíng a xooslmoó aníng naa tsawaár as umuueé' nguwa alki/iiti dír xoorduuwo nee dír waawitá nee dír múk Israeliwo.

Ya/abtór hho' 1977

¹⁵ Ala Aako iri oó', “Kuúng tláw, asma heesíng a xooslmoó aníng naa tsawaár as iidíguueé' nguwa xu'utisi dír xoordu nee dír waawitá nee dír múk Israeli.

Tlehhema'aá ya/Abuuse 9:15 Iomraidhean Croise

YEREMIA 1:5

«Iimír qoomár kuúng tuwa tsihiiká baraá guruú aayooro aníng kuúng una xuú', nee qoomár tuwa laqwaaliiká aníng kuúng una hhoohhoeés, una tsawaár as tawa aarusmoó xoordu.»

YEREMIA 1:7

Ala AAKOÓ MUNGÚ iri báy, «Ma kaahaar tu niiná, asma amór án kuúng uy qo ya/aawa an daqeér, nee umuúqo gár u bawa an ó'.

Matayo 10:18

Kuungá' tundu huuw dír geeraá ga/awuuse nee dír waawitá as aníng, asma lamabu'ungw'eé' kuwa dir'ín i oa', nee dír múk xoordaá hatlá'.

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Tlehhema'aá ya/Abuuse 13:2

Looarka wake múk kríshaanáy qoomár iwa Munguú sluufmiis nee tawa gwaawiwin, Qeeruú hhoohhoó' oo Mungú giri báy, «Barnaba nee Saulo amor'eé' paraatlare' as gadiyeédá' ngiwa ateét.»

Tlehhema'aá ya/Abuuse 21:19

Paulo laawa'eesaro ngiwa hhe'eés, kaangw sleémeero oo Mungú aa tlehhiít dír múk xoordu ar gadiyeérós guri dir'íní wakeetín alki/ituuwo.

Tlehhema'aá ya/Abuuse 22:14

Aluuwo iri oó', ‹Munguú baabi'iirén kuúng ugwa tsawaár as sla'aarirós kawa tsahh, nee Kudá' Ganaá' kuwa aan, nee afoorós ar kilá' kawa axas.

Tlehhema'aá ya/Abuuse 22:21

Aluuwo aníng iri báy, ‹Tláw, aníng kuúng u amór saáwí ya/aáw, amór múk xoordaá hatlá'.› »

Tlehhema'aá ya/Abuuse 25:22

Agripa Festo guri báy, «Heesíng geeraawo aníng unqo iiárií qaasár wa slaá'.» Festo iri oó', «Matlo uqo axás.»

Tlehhema'aá ya/Abuuse 26:1

Agripa Paulo guri báy, «Pa/aangw ngwa haniís oo axweesanaywók kuwa o'.» Paulo dakós guri tleés, tiri aleekal/án ar /aymi'iiká',

Tlehhema'aá ya/Abuuse 26:32

Agripa Festo guri báy, «Bar heewí geera waarahhamá amór waawutmoó múk Roma ngaa firiniká, alók a gweera.»

Tlehhema'aá ya/Abuuse 27:24

iri báy, ‹Paulo, ma da'ayumitaar. Kuúng gár tuwa hariím an sihhít geeraá waawutmoó múk Roma. Nee qaytsiít, slafíngw mukwí sleémeero baraá miringamií dirií' oo aa'aá kaw dinkwa nee kuúng, Mungú gu ba/amis as kuúng.›

Tlehhema'aá ya/Abuuse 28:17

Alaá deelór tám iwa waaráhh, Paulo geeraharuusér múk Yahudi gari ateét as tiwa doogiya'. Tawa burumburiít, giri báy, «Hhaee'eé', aníng gár naa tleéhh i káhh, ar hariimaaká dír mukrene, nee tam uunuú baabi'iirén iga si'iiká. Ala tam adoorihe tina tseék Yerusalemú wa ale, tiri qaás baraá dabaá múk Roma.

Tlehhema'aá ya/Abuuse 28:28

«Ala kuungá' xuaak adór ba/amár Mungú kara huúw amór xoordaá hatlá', nee inooín ka iiárií qaas.» [

Rumi 1:1

Anuú Paulo barwaárí ngina gooiím. Aníng a lawaalmoó Kristo Yesu, tina ateét tawa ya/abusmo, nee tiri tsawaár as Ya/abtór hho' ar Mungú ngiwa alki/iit.

Rumi 1:5

Mungú aníng ina tsuuqaá i haniís niwa ya/abusmo tleehhiit as Kristo. Adoorí gana tleéhh ar loohír Kristo, as aníng xoordu sleémeero ngiwa geerahaar amoorós, as nguwa haratlintii'iya', nee nguwa iialooeemisiya'.

Rumi 11:13

Kuungá' múk xoordaá hatlá', án daxta an axweés nee kuungá'. Aníng a Ya/abusmoó Mungú oo amór múk xoordaá hatlá'. Aníng ilakaaharu un tlehhiít baraá gadiyér'eé' tihe.

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

1 Korinto 9:16

Asma aníng tam a Ya/abtór hhó' alki/iita, gár tir xirfayees i káhh. Asma gaarí a gadiyér tinda aníng i haniís, a gár ni baqaaká tleehhamooro. Aníng Ya/abtór hho' bar alki/iitaaká, a tsaxwaaeé'.

Galatia 1:1

Anuú Paulo barwaári ngina gooiím. Aníng a ya/abusmo. Aníng múk iga ya/aaw i kaahh, laqaá heé iga ya/abusmoó wa qaas tleehh i kaahh. Ala án heé iga ya/abusmoó wa qaas a Yesu Kristo inósuú kilá'. Slám nee Mungú Baabá, kudá' Yesu Kristo ngwa waaslee/atis baraá múk aa qaátl wa ale.

Efeso 3:1

Gawaá adoorihe anuú Paulo, án kuungá' nu aleefiriiriím, anuúwí taa tseék nee Kristo Yesu as daanduú kuungaásingaá múk xoordu.

1 Timoteo 2:7

Nee aníng tina qaás tawa alki/itusmoó kaangwí nee tawa Ya/abusmo. Tí ni kah ar ló', lamtá ni kah i káhh. Tina qaás múk xoordaá hatlá' nguwa intsaahhatimis daanduú haratlintaao nee looeemaawo.

2 Timoteo 1:11

Ya/abtoorí hho' an tidá' aníng tisa qaás tawa alki/itusmo nee ya/abusmo nee intsaahhatusmo.

2 Timoteo 2:4

Askaarmoó baraá slaqwarár i dirií', i dahiiká baraá daawitimér muruú hatlae, asma gár i slai a geeraharusmoowós kudá' úr kilós gun sla'atimis.

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»