Tlehhema'aá ya/Abuuse 9:13 - Biblía Axweesantá Hhohho' ar Mungú 2004

¹³ Ala Anania iri oó', «Aáko, kángw heesíng aníng ugwa axmamiís dír múk yaariire, adór heewí muruú tlákw ngura tlehhahhiít dír mukók oo hhohhó' oo baraá Yerusalemuro.

Ya/abtór hho' 1977

¹³ Ala Anania iri oó', “Aáko, iidíguú heesíng aníng ugwa axmamiís dír múk yaarire, gídaabá heewí muruú tlákw gwa tlehhahhiít dír mukók oo hhohhó' oo baraá Yerusalemuwo.

Tlehhema'aá ya/Abuuse 9:13 Iomraidhean Croise

ESEKIELI 3:14

Naagáy qeeru iri gáwtí tleés iri puruúts amór saaw. Niri tláw amooqae aga slahhaá', nari qa/iít baraá muunaáeene, nee /uuruú AAKOÓ MUNGÚ ina hatsiís.

Matayo 10:16

«Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.

Tlehhema'aá ya/Abuuse 22:4

Múk loohír Aako ga eeharahár nguri slahh'eemiís, nee sleeme nguri tsuú/, ina tsegiít, ngiri dahamiís baraá doó tseegamo, hhawaate nee /ameenaaro.

Tlehhema'aá ya/Abuuse 8:3

Ala Saulo múk kríshaanáy guri gusiisín. Iri daráh baraá umuúqo do'o, hhawaate nee /ameenaaro giri duuruxún, giri dahamiís baraá doó tseegamo.

Tlehhema'aá ya/Abuuse 9:1

Qoomaadae Saulo iri kumiít eeharuusér Aako ngiwa dae tlaaqi, nee adór ngir tsu/i gari leelehhiít. Iri daqáy dír kaahamusmoó úr oo Mungú.

Tlehhema'aá ya/Abuuse 9:21

Nee múk kaangwí gwa axaas sleémeero tari waa/oo/amín tari káh, «Heewí a kudá' mukduú Mungú oo umuuwí gu ateetiím gwa slahh'emiísiíke baraá Yerusalemuro. Nee gár nisa diirí hardáh aqo kaangwí, ngiwa tsegiiti nee ngiwa huwi amór kaahamuusér uren ar Mungú.»

Tlehhema'aá ya/Abuuse 9:32

Petro haratlintauuse gari alhi'iimiít, iri aweér ay amór múk hhohhó' oo Mungú kuduú baraá yaamaá Lida.

Tlehhema'aá ya/Abuuse 9:41

Gari dawa óh, gari sihhitís. Múk Mungú nee /ameenár kwaeeli giri ateét, /ameenidá' gana geeraaín i qaás ka saxamaar.

Rumi 1:7

Barwaárí ngina gooiím amorhúng i alé, kuungaásingá' baraá gixsár Roma, kuungaásingá' sleémeero awa taa slaá' nee Mungú, nee tunduri ateét tawa múk hhohhó' oo Mungú. Mungú Baabuúrén nee Aakoorén Yesu Kristo kuungá' nu tsuuqi nee nu waydií haniisi.

Rumi 15:31

Firiirimé' as aníng tiwa ba/amisi dír dabaá mukdá' aa haratlinti'iikahe, kudá' baraá yaamaá Yudeár i dirií'. Nee slám firiirimé' as gadiyér'eé' tidá' nis Yerusalémúr kaw, kawa ya/an nee mukdá' hhohhó' oo Mungú.

Rumi 16:15

Filologo nee Yulia intsihhiisaak, nee Nerea nee hho'oorós, nee Olumpa, nee múk hhohhó' oo Mungú sleémeero kudá' dinkwa nee inooín.

Rumi 16:2

Inós ilaoohaak tawa Krishanto'ór adór kuungá'. Ilaoohaak ar adoodá' múk Mungú wa hariim. Inós umuúqo gár i sla'a dirhunge alee/iisaak. Asma inós múk yaariír gwa alee/iimaamís, tam aníng sleeme.

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

1 Korinto 14:33

Asma Mungú a Munguú leexwaywooká, ala a Munguú wayda. Ar adoodá' múk hhohhó' oo kríshaanáy i tlehhahhiti umuúqo diiro,

1 Korinto 16:1

Daanduú ohme as múk hhohhó' oo Mungú, kuungá' gár tunduwa hariím adoodá' án naa hara'ayiím dír múk kríshaanáy oo yaamaá Galatia an tlehhá'.

1 Korinto 6:5

Gaarí a gár murér koom dirhunge. Heé sagalooár koóm baraá tla/angwhunge iqo káhhi, oo kwasleemár Krishaanmo nee kuqá' tsatto ga aleesláw?

Efeso 1:1

Anuú Paulo, Ya/abusmoó Yesu Kristo as sla'aarír Mungú, barwaárí ngina gooiím amór múk Mungú oo baraá Efeso, kudá' Yesu Kristo ngwa haratlinti'iye'.

Filipi 1:1

Anuú Paulo nee Timoteo, sagadiyuusér Kristo Yesu, barwaárí ngina gooiimaán amór múk hhohhó' oo Mungú sleémeero oo baraá Kristo Yesu kuduú baraá Filipír i dirií', dinkwa nee geeraharuuser'ín nee sagadiyuusér múk kríshaanáy.

Filipi 4:22

Múk hhohhó' oo Mungú sleémeero kuungá' nu intsihhiimiis, ak alé múk doó waawutmoó múk Roma.

Kolosai 1:2

amorhúngií alé, kuungá' múk hhohhó' oo Mungú oo baraá yaamaá Kolosai, kudá' hhaeerén awa inkihhimuú koomá' baraá Kristowo. Mungú Baabá kuungá' nu tsuuqi nee nu waydií haniisi.

Ebrania 13:24

Geeraharuuserhúng sleémeero intsihhiisaak, dinkwa nee múk hhohhó' oo Mungú sleémeero. Hhaeedaádá' yaamaá Italiár dahhá' kuungá' nu intsihhiimisiyá'.

Yuda 1:3

Sla'aaruúse, aníng kángw ba/ama nguwa dirhúng i gooiim una ló'wa slaá'. Nee ba/amarí a toorén atén sleémeero. Ala aníng ana tsaáhh adór gár hariím gooiro tar kuungá' nuwa gurbuu'. Gurbu'ungw'eé' a kwí kuungá' haratlintaao sageeslaqwaak, tidá' Mungú aa saayín dír mukós sagaáwa wák wa ale.

1 SAMUELI 16:2

Samueli iri oó', «Adór nir daqaw? Saulo bar kangwsíng ngwa axaás, aníng i gaas!» Naagáy AAKOÓ MUNGÚ iri oó', «Dama huweek, daqaní ta o', ‹Nina hardáh as AAKOÓ MUNGÚ nguwa ilahhooár gaasárií haniis.›