Tlehhema'aá ya/Abuuse 8:5 - Biblía Axweesantá Hhohho' ar Mungú 2004

⁵ Filipo iri aweér ay baraá gixsár Samaria, kángw Kristo guri alki/iít dír múk i alé.

Ya/abtór hho' 1977

⁵ Filipo iri aweér ay baraá gixsár Samaria, iidíguú Kristo guri alki/iít dír múk i alé.

Tlehhema'aá ya/Abuuse 8:5 Iomraidhean Croise

Tlehhema'aá ya/Abuuse 1:8

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Tlehhema'aá ya/Abuuse 21:8

Looaytleérós tay tlawaán, tay Kaisaréár i hardahaán, tay dahaán baraá doó Filipo, alki/itusmoó Ya/abtór hho'. Inós a heé wák baraá kudá' faanqwe. Tay do'ós wa hootaán.

Tlehhema'aá ya/Abuuse 5:42

Nee umuúqo daqto baraá Doó Munguhe, nee dír maray'ine, axweesantá Mungú kaa mayká intsaahhatimisuwo, nee alki/ituú Ya/abtór hho' ar Yesu adór inós tar Kristo.

Tlehhema'aá ya/Abuuse 6:5

Boo/aydá' sleémeero /aymuuwí kuri ya/án. Stefano kuri tsawaár, heé haratlintaaór wa haáts nee Qeeruú hhoohhoó' oo Munguhe, nee Filipo, nee Prokoro, nee Nikanori, nee Timoni, nee Parmena, nee Nikolao, kudá' aa ba/an oo yaamaá Antiokia.

Tlehhema'aá ya/Abuuse 8:1

Nee Saulo gaasadá' gari sa qwalalaá/. Baldá' gusisíngw úr oo múk kríshaanáy iri iimu/ún baraá Yerusalemuro, sleémeero tari diyaa/aát baraá yaamaá Yudearo nee Samariaro, ala aqo har ya/abuuse kilós ina mét.

Tlehhema'aá ya/Abuuse 8:26

Malaykamoó Aako iri axweés dír Filipo, iri oó', «Sihhiít tláw bihhaá basa, ay amór loohidá' naa Yerusalémúr wa tleer ay Gasa.» Loohidá' a loohír xaanxaay.

Tlehhema'aá ya/Abuuse 8:30

Filipo iri tláy ar ti'iingw, heedaádá' guri iiárií qaás, naxés i kitaábuú aarusmo Isayá soomuus. Guri báy, «Tisíng ta soomus a tsatsahhaánda?»

Tlehhema'aá ya/Abuuse 8:40

Ala Filipo kuri malé ár baraá gixsár Asótór wa ale, qoomár iwa waaraahhi Ya/abtór hho' gari alki/iít baraá gixsadu sleémeerowo, tam garwa hardáh ay Kaisarea.

Tlehhema'aá ya/Abuuse 8:6

Filipo axweesantá Mungú ngiwa alki/iít nee layu ngiwa tlehhiít, boo/oó muu axweesanayduú Filipo kuri ló'wa slaá' iiárií qamingo.

Tlehhema'aá ya/Abuuse 9:20

Kángw Yesu guri alki/iít baraá maraá saaliingo iwa kaahi, «Inós a Garmoó Mungú.»

1 Korinto 1:23

Ala atén gár ta alki/iitaan a kángw Kristo, kudá' taa kikií' gawaá msalaába. Ala kaangwí dír múk Yahudiro a dukuutsmo, nee dír múk Yunaniro a dakti'iima.

1 Korinto 2:2

Asma qoomár án niwa amorhúng i dirii', gár naa slaá' baraá muunaáeene a aníng masók gár hatlá' mawa xuú', ala a kángw Yesu Kristo kilós, ak alé kángw gwa'araarós ar gawaá msalaába.

1 Korinto 3:11

Asma iihhafiirír taa qaroó qaás a Yesu Kristo. Nee heé iihhafiirír hatlá' qaasaro ga aleesláw i kaahh.