Tlehhema'aá ya/Abuuse 8:39 - Biblía Axweesantá Hhohho' ar Mungú 2004

³⁹ Qoomár tindiwa tsa/a/an baraá yaaér wa ale, Qeeruú Aako Filipo guri ar tláy. Filipo kwaa sangw malé ariiká nee heedaádá'. Heedaádá' iri kumiít aaiiwose, i hara qwalalaa/.

Ya/abtór hho' 1977

³⁹ Qoomár tindiwa tsa/a/an baraá yaaér wa ale, Qeeruú Aako Filipo guri ar tláy. Filipo kwaa sangw malé ariiká nee heedaádá'. Heedaádá' iri kumiít aaiiwose, i qwalalaa/.

Tlehhema'aá ya/Abuuse 8:39 Iomraidhean Croise

1 WAAWITÁ 18:12

Aluuwo án bara sa tláw, nee Qeeruú AAKOÓ MUNGÚ kuúng unar tláy ay dír án ni xuaaká, asma án bar Ahabu ugwa kángw báw kuúng uri slayká, inós án iri gaas, handá' tam anuú sagadiyusmoowók AAKOÓ MUNGÚ un ilaiwawa/a iimír na/uumar'eene.

2 WAAWITÁ 2:16

Tari oó', «Atén sagadiyuuseerók, múk miguuse oo mibeeri kooán u koomaán, pa/aángwí haniseek aakoowók ngu leeleehhtuú aye', barnaxes qeeruú AAKOÓ MUNGÚ guna ar tláy gway kwaáhh gawaá tlom'i laqaá baraá xatsa.» Elisha iri oó', «Aasla'áy, mi ya/aawara'.»

WARA'AMI 119:111

Adoodá' i babeer aalir'eé', dir'eene ka afhhamít, eeít, a qwal/amaayér muunaáeé'.

WARA'AMI 119:14

Axweesantók eeharto an saqwalalaá/, tam daqaari'iimár yaariir ba/a.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ESEKIELI 11:1

Qeeruú Mungú iri gáwtí tleés, iri huúw ay dír afkú bihhaá da/aáw oo Doó Mungú. Didaádae múk mibeeri tsár nee kooán nguri ár, bahh alé a ín Ya'asaniya garmoó Asuri nee Pelatia garmoó Benaya, inooín a geeraharuusér múk Israeli.

ESEKIELI 11:24

Qoomár niwa baraá iigu'utuuwí dirii', qeeruú Mungú ina gáwtí tleés, iri huúw ay yaamaá Babuloni dír mukdá' baraá looháy dirií'. Naagáy iigu'utuuwí iri faák.

ESEKIELI 37:1

Anuú Esekieli /uuruú AAKOÓ MUNGÚ ina al'iilooúy, nee inós iri gáwtí tleés ar qeeruuwós, nee iri qaás baraá tlapár faduuwo haats.

ESEKIELI 43:5

Qeeru iri ar tláy iri huúw ay dír afeenidár guruú baraá do'. Aníng niri qaytsiít, naxés Doó Mungú xirfuuwós gwa tuuntuúk.

ESEKIELI 8:3

Naagáy gár adór dako aníng iri se'e óh. Qeeruú Mungú iri tleés dír tla/ángw doori nee yaamuwo, iri huúw ay Yerusalemu, aníng aqo baraá iigu'utuwú Mungú i dirií'. Niri hardáh dír dahmaá baraá matla/aangw bihhaá /iiko, didaádá' taa slaqsoó munguaá hatlá' i qaás, kudá' Mungú buhhtamís.

Matayo 13:44

«Slám waawuti'iimár doori a slaqás nee daqaari'iimár taa foól baraá qaymorka. Nee hee ngiwa ár, gari luú/, iri tláy ar qwala/, muruuwós kudá' sleémeero i kon dír do'o guri weeriís, qaymoodá' gari tlaáxw.»

Matayo 3:16

Yesu baatisaro kuwa hhe'eés, hamtidár kilae iri baraá yaaér wa ti'iít. Doori nay gweeritiyé', Qeeruú Mungú guri ár iwa gawaawós i awdiiti adór hhookír wa ale.

Marko 1:10

Siiwadár kilá' iwa baraá ma'áy wa ti'iít, doori gina ár naa gweeritiyé', nee Qeeruú hhoohhoó' oo Mungú i gawaawósí awdiit adór hhooki.

Tlehhema'aá ya/Abuuse 13:52

Nee eeharuuseedár baraá Antiokia iri háts qwal/uwo nee Qeeruú hhoohhoó' oo Munguhe.

Tlehhema'aá ya/Abuuse 16:34

Xuumusmoodá' Paulo nee Sila giri ar waátl amór do'ós i alé, giri muruú /aymár i tleéhh. Inós nee múk do'ós sleémeero tari qwalalaá/, asma Mungú kwaa haratlintií'.

Tlehhema'aá ya/Abuuse 8:29

Qeeruú hhoohhoó' oo Mungú Filipo guri báy, «Tseewúw dír bihhaá gaárirí, ti alkoonde'.»

Tlehhema'aá ya/Abuuse 8:38

Hara'aya gari oó' ar gaári iwa sihhit. Filipo nee heedaádá' tari al'aweér baraá ma'aay. Heedaádá' kuri baatiís.

Tlehhema'aá ya/Abuuse 8:8

Múk gixsadá' qwal/uú yaariír guri sláy.

Rumi 5:2

Baraá Yesu Kristowo sleeme atén pa/aangw ugwa slawaán oo gurtleemuuwí nguwa i hardahaan. Atén hamí an baraá gurtleemuuwí wa iwiwiitaán. Slám atén a qwalaala/aán asma haraxu'utirén tidá' ta koomaan ar xirfuú Mungú kuwa slawaan.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.

Yakobo 4:16

Ala hám daxta kuungá' a daara/aandá', nee ti kiloohúng xirfayeemisá'. Ala daara/aangwí sleémeero ku tlaákw.