Tlehhema'aá ya/Abuuse 8:29 - Biblía Axweesantá Hhohho' ar Mungú 2004

²⁹ Qeeruú hhoohhoó' oo Mungú Filipo guri báy, «Tseewúw dír bihhaá gaárirí, ti alkoonde'.»

Ya/abtór hho' 1977

²⁹ Qeeruú hhoohhoó' iri oó' dír Filipo, “Tseewúw dír bihhaá gaárirí, eeharahareek.”

Tlehhema'aá ya/Abuuse 8:29 Iomraidhean Croise

ISAYA 65:24

Dír aníng ira firini'iiká in geerií mu/aywaáts, tam qoomár barta baraá axweesántií dirii' aníng in iiárií qaás.

HOSEA 6:3

Atén AAKOÓ MUNGÚ ku xuaán nee ta kumiitaán kuwa xuaan, hardahamuuwós i pa/iiká adór matlaatle. Inós tin adór tluwáy wá i hardah, adór tluwoó laweei yaamu ngir i tlubaabin.

Tlehhema'aá ya/Abuuse 10:19

Petro qoomaadae i iigu'utudá' aldakuut. Qeeruú hhoohhoó' oo Mungú guri báy, «Mukko tám i kuúng leelehhiit.

Tlehhema'aá ya/Abuuse 11:12

Qeeruú hhoohhoó' oo Mungú ina báy, ‹Nee mukí ti al koonde', ma xurumiitaar.› Nee hhaeeká' lahhoó' sleeme tay alkoomaán tay dahaán baraá doó heedaádá' i alé.

Tlehhema'aá ya/Abuuse 21:11

Niwa hardáh, himuú Paulo guri taataáhh, inós tiri kilós ya'a' tseék nee dabaawo, iri oó', «Qeeruú hhoohhoó' oo Mungú i kaahi, ‹Adoorí an adór heé himuuwí kur tseegi nee múk Yahudi oo Yerusalemu nee kuri qaas baraá dabaá múk xoordu.› »

Tlehhema'aá ya/Abuuse 28:25

Ala inooín awa kilá' ti slaslay'aaká, qoomár tawa tlatlay Paulo /aymi'iiká' ngina oó', «Qeeruú hhoohhoó' oo Mungú looeema gaa káh qoomár iwa axweés dír baabi'iihúng ar afkú aarusmo Isaya.

Tlehhema'aá ya/Abuuse 8:26

Malaykamoó Aako iri axweés dír Filipo, iri oó', «Sihhiít tláw bihhaá basa, ay amór loohidá' naa Yerusalémúr wa tleer ay Gasa.» Loohidá' a loohír xaanxaay.

Tlehhema'aá ya/Abuuse 8:28

Nee niwa kií/, aa iwiít gawaá gaárirós, i kitaábuú aarusmo Isayá soomuus.

Tlehhema'aá ya/Abuuse 8:30

Filipo iri tláy ar ti'iingw, heedaádá' guri iiárií qaás, naxés i kitaábuú aarusmo Isayá soomuus. Guri báy, «Tisíng ta soomus a tsatsahhaánda?»

Tlehhema'aá ya/Abuuse 8:39

Qoomár tindiwa tsa/a/an baraá yaaér wa ale, Qeeruú Aako Filipo guri ar tláy. Filipo kwaa sangw malé ariiká nee heedaádá'. Heedaádá' iri kumiít aaiiwose, i hara qwalalaa/.

1 Korinto 12:11

Heé muruuwí sleémeero gu tleéhh a Qeeruú Mungú kudá' wák kilós. Qeeru aleesleemu gun hanmiis dír umuúqo heewo ar adoodá' i slai.

1 Timoteo 4:1

Qeeruú hhoohhoó' oo Mungú adoorí gaa ló'wa xu'utís adór qoomaadár alhhe'eesaay binda hardát, muu ir deér oo haratlintaao ga máw. Inooín qeeremaá al/agiimá' kin iiárií qamín, nee intsaahhasár neetlaame.

Ebrania 3:7

Gawaá adoorihe Qeeruú hhoohhoó' oo Mungú i kaahi, «Laarí bar afór Mungú aga axasé',