Tlehhema'aá ya/Abuuse 8:24 - Biblía Axweesantá Hhohho' ar Mungú 2004

²⁴ uduú qwaslaarmo iri oó', «Án aleefiriimaaré' dír Aakoowo as muruusíng sleémeero naa aníng i katé' iwa pa/i.»

Ya/abtór hho' 1977

²⁴ Simónuduú qwaslaarmo iri oó', “Án aleefiriimaaré' dír Aakoowo as muruusíng sleémeero naa aníng i katé' án iwa pa/i.”

Tlehhema'aá ya/Abuuse 8:24 Iomraidhean Croise

IIMU/UUNGW 20:17

Abrahamu Mungú guri firín, Mungú Abimeleki nee aamaarós nee sagadiyuuseerós giri hungu/uús as niwa malé laqwaaliya'.

IIMU/UUNGW 20:7

Ala daxta, /ameenisíng ki/iseek, asma Abrahamu a aarusmo, inós kuúng u aleefirín hota kiwa sleer. Ala kuúng barnaxes aga ki/iská, xueek, ar looeemaá kilae kuúng a gwá' nee mukók sleémeero.»

1 WAAWITÁ 13:6

Naagáy waawutmo Yeroboamu aarusmo guri báy, «Gám na'ás, án aleefiriimáng dír AAKOÓ MUNGÚ, Munguúwoge, doóqa dakw'eé' way'aasár amor'eé' ga ya/án.» Heedaáduú Mungú, AAKOÓ MUNGÚ guri firín, dákw waawutmo way'aasár amoorós gay ya/án, iri adoodár geerií kií/.

ESRA 6:10

As inooín Munguú gawaá doori nguwa ilahhooár muruú ta tsu/i ar sla'atamis i hanmisiya', nee slafíngw waawutmo nee na/iiwós nguwa aleefirina'.

ESRA 8:23

Naagáy tari gwaawimaán, Munguúrén kuri harhhehhe'eesaán as kaangwí, firoorén gari iiárií qaás.

YOBU 42:8

Gawaá adoorihe awér faanqw slawaak nee gwaandaawér faanqwe, daqaní ta tleerá' amór sagadiyusmooeé' Yobu hikwaasíng ki ilahhooár da/a/ángw wá hanisá', as daandeemoohúng, Yobu kuungá' nu aleefirin, aníng firoorós a ya/aám, as kahhó' kuungá' munduwa alsihhiít as daktu'umarhúng tisíng, asma looeema iga kati'iiká daanduueene adoodár sagadiyusmooeé' Yobu ira axweés.»

TI'INAANGW 10:17

Aníng kuungá' nu harhheehhe'eés, gurtlawaaré' waiika' kilose, AAKOÓ MUNGÚ Munguúhúng gwa'ararí ngi hingeesi dir'eene.»

TI'INAANGW 12:32

Bee/angwhúng nee hikwaahunge ar tlawaak, ala ti aleefiriinde', aluurén i hhooaye'.»

TI'INAANGW 8:8

Farao Mose nee Aroni giri ateét, giri báy, «AAKOÓ MUNGÚ firiimaak as aamaxupaarí ngiwa hingeesi dir'eene nee dír muk'eene. Daqaní aníng múk Israeli u geemáw as ilahhooár muruú ta tsu/i ngiwa haniisár aya' dír AAKOÓ MUNGÚ.»

YEREMIA 37:3

Waawutmo Sedekia Yehukali garmoó Shelemia dinkwa nee kaahamusmo Sefania garmoó Ma'aseya gina ya/aáw amór aarusmo Yeremia nguwa baya', «Atén ti aleefiriin dír AAKOÓ MUNGÚ, Munguúrene.»

YEREMIA 42:2

tari amór aarusmo Yeremia káy, nguri bayé', «Na'amaamís, firoorén iiárií qaaseek nee ateéká' aga meetaan ti aleefiriin dír AAKOÓ MUNGÚ, Munguúwoge, (Asma atén aáng ti ló'wa úr, ala hám a peeroó tawo, adoorí hamí kuúng kar ga/eera.)

FAARO 21:7

Naagáy, muu iri tláy amór Mose, nguri bayé', «Tlakweema iga tleehhaán qoomár AAKOÓ MUNGÚ nee kuunge nuwa i qununu/aán. AAKOÓ MUNGÚ firiimang daysheerí ngi hingeesi.» Gawaá adoorihe Mose muu guri aleefirín.

Yakobo 5:16

Gawaá adoorihe, kuungá' ti kiloohúng tlakweemií hhu'u'uunde', nee ti kiloohúng aleefiriiriinde' as tunduwa hungu/uusi. Firór heé gan'amuú koóm i ló'wa /uuruú koón nee i gaa bú'.

1 SAMUELI 12:19

Muu sleémeero Samueli kuri báy, «Ti aleefiriin, ataá lawaaleerók dír AAKOÓ MUNGUHE, Munguúwók, as mawa qatlaán, asma tlakweemaarén iga doogaán, sleémeero ar tlaákwarí waawutmo kuwa gurií ba/aán.»

1 SAMUELI 12:23

Tam adoorihe amór bartá aninge, aníng AAKOÓ MUNGÚ muwa tlakweemií tleéhh ar kuungá' nuwa maw aleefirooro, ala nun intsaahhatís baraá lohaá hhoe nee awa ganaa'ae.