Tlehhema'aá ya/Abuuse 8:21 - Biblía Axweesantá Hhohho' ar Mungú 2004

²¹ Dinku'uumár kuúng nee atén i káhh gawaá kaangwihe, asma muunaáwók ku hhoohhooeeká dír geeraá Munguhe.

Ya/abtór hho' 1977

²¹ Dinku'uumár kuúng nee atén i káhh gawaá kaangwihe, asma muunuúwók ku hhoohhooeeká dír geerá Munguhe.

Tlehhema'aá ya/Abuuse 8:21 Iomraidhean Croise

2 QOM'I 25:2

Amasia hhooeema gina tleéhh dír geeraá AAKOÓ MUNGUHE, ala gaa guruú /awaákár tleehhiiká.

NEHEMIA 2:20

Naagáy ngiri mu/aywaáts ngiri báw, «Munguú doori atén ti alee/iis baraá gadiyeérihe, nee ateékaá sagadiyuuseerós an tlawaán tlehhma un iimu/uumaán. Ala kuungá' gár tundu loó' i káhh, laqaá harímarhúng laqaá gár ta inslasleera' i káhh baraá Yerusalemuro.»

WARA'AMI 36:1

Tlakweema i baraá muunuú tlakusmoó wa tlupiitiyá', Ilaiwa/amér Mungú i káhh dirose.

ESEKIELI 14:3

«Heewí, mukwí muner'ín kaa óh nee slaqsa'aá munguaá hatlá', munguiiká' muu ngun gan'amisiyá' baraá tlakweema. Xáy, iqo hariínda tiwa hara'ayárí leehhi nee mukwí?

TLAHHOÓ LAÁWI 13:8

Kaahamusmoó Mungú heedaádá' guri malé xuuxuu'. Barnaxes deeidá' heedá' gwaa altsiyayaaxát, daqaní kaahamusmoó Mungú heedaádá' guri xu'utis tawa heé ta harmeetin, asma gaa a tiqtír tsatmit.

HABAKUKI 2:4

Gár ta gooiin a tí: ‹Múk tlakweemaá tlehhaahhiít ga/a/awaagáy i xayká. Ala heé gan'amuú koóm gár ir slafi a haratlintaao.› »

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

Tlehhema'aá ya/Abuuse 8:37

Filipo iri oó', «Kuúng bar aga haratlintí' ar muunaáwók sleémeero, tu baatiis.» Heé aáng iri oó', «Aníng aga haratlintií', adór Yesu Kristo tar Garmoó Mungú.»]

Efeso 5:5

Kuungá' /aymuuwí u xu'uti hhe'esá', adór heé tsaatusmo waawuti'iimár Kristo nee Mungú ngir baloó aaliiká, laqaá tam heé slafiingós slasla/arén, laqaá tam heé ilatleerusmo sleeme, asma inós i munguaá hatlá' kón.

DABE 10:9

Gawaá adoorihe, múk tlahhoó Laáwi yaamaá ta aali i kahhiyá' dinkwa nee hhaeeín, inooín gár ta slay a ilaiwa/amér tawa kaahamuusér Mungú, adoodá' AAKOÓ MUNGÚ, Munguúhúng ngira al'axweés.

DABE 12:12

Amoodae kuungá' an qwalala/á' dír geeraá AAKOÓ MUNGÚ, Munguúhúng wa aleeró. Kuungá' nee na/iihúng awa daaqaay nee awa dasuuwo, nee lawaalerhúng ar hhawaate nee ar /ameenaaro nee múk tlahhoo Laáwi, kudá' nee kuungá' alhootá'. Asma inooín dír i aaliya' ngi kon'aaká baraá tla/angwhunge.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

YOSHUA 22:25

Asma AAKOÓ MUNGÚ yaaesír Yordani gana qaás tawa digmuú atén nee kuungaásingaá hhay Reubeni nee hhay Gadi. Daxta kuungá' dirhúng i káhh dír AAKOÓ MUNGUHE.› Gawaá adoorihe na/iihúng na/iirén ngi gee/asliyá', AAKOÓ MUNGÚ nguri mayá' sluufmisuwo.

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.

Geehhoeemaá 20:6

Heé amohhoó' nee heé hhoohhoó' a kudá' dáw baraá waasle/uú geeraawo. Gawaá mukwihe gwa'arár tsár i /uuruú koondaaká. Ala inooín tari kaahamuusér Mungú nee ar Kristo. Nee slám inooín tari waawuti'ii'ín dinkwa nee inós kureeraá kumuú wake.

Geehhoeemaá 22:19

Nee hee barnaxes garka gaa /aareés dír axweesanoó kitaábuuwí oo aaru'uumaro, daqaní Mungú hariímár heedá' ga hingees baraá xa'anoó slafiingo nee baraá gixsadá' hhoohhooe. Hariímarós ar ta hingeesi an tidá' kangós taa gooín baraá kitaábuwí i alé.