Tlehhema'aá ya/Abuuse 8:12 - Biblía Axweesantá Hhohho' ar Mungú 2004

¹² Ala daxta mukdaádá' axweesantá Filipo gari haratlintií', daanduú Ya/abtór hho' ar Mungú nee Yesu Kristo, hhawaate nee /ameenaaro kiri baatimiís.

Ya/abtór hho' 1977

¹² Ala daxta mukdaádá' axweesantá Filipo gari haratlintií', daanduú iidíguú Ya/abtór hho' ar Mungú nee Yesu Kristo, kiri baatimiís, hhawaate nee /ameenaro.

Tlehhema'aá ya/Abuuse 8:12 Iomraidhean Croise

Matayo 28:19

Gawaá adoorihe tlawsé', xoordu sleémeero eeharuuse tleehhaak, ki baatimisá' ar umuú Baabá nee oo Garma nee oo Qeeruú hhoohhoó' oo Mungú.

Luka 9:2

Aluuwo gina ya/aáw waawuti'iimár Mungú kawa alki/iiti, nee tiqtuuse kawa hungu/uumisi.

Luka 9:60

Yesu guri báy, «Maweegáy múk adór tu'u tuaá muk'ín ngi foliitiye'. Kuúng tláw, waawuti'iimár Mungú alki/iituú aweek.»

Tlehhema'aá ya/Abuuse 1:3

Alaá gwa'araarose inós tina laqaqán dír ya/abuuse deelo mibeeri tsiyáhh ar layaá dimbadimbé, adór inós ir slaáf. Nee kángw waawuti'iimár Mungú guri axweés.

Tlehhema'aá ya/Abuuse 11:20

Ala baraaine bahh'alé a múk Kipro nee Kirene. Mukwí iwa hardáh Antiokia, kángw hhó' oo oo Aako Yesu kuri alki/iít dír múk Yunani sleeme.

Tlehhema'aá ya/Abuuse 18:8

Krispo, heé úr oo doó saaliingw, Aako guri haratlintií' dinkwa nee múk do'ós sleémeero. Nee múk yaariír oo yaamaá Korinto axweesantá Paulo kawa iiárií qamín, tari haratlintií' kiri baatimiís.

Tlehhema'aá ya/Abuuse 19:5

Inooín adoorí kawa axaás, kiri baatimiís ar umuú Aako Yesu.

Tlehhema'aá ya/Abuuse 2:38

Petro iri oó', «Hhu'u'uumé', tundu baatimiisi ar umuú Yesu Kristo, as tlakweemaahúng kiwa gurtlay, nee daqaní kuungá' Qeeruú hhoohhoó' oo Mungú u sleerá'.

Tlehhema'aá ya/Abuuse 2:41

Nee mukdá' axweesantadá' gaa haratlintii', kuri baatimiís, múk baldá' aa doogin a har afi qoomoó kume tám.

Tlehhema'aá ya/Abuuse 20:21

Án múk Yahudi nee Yunaniro una ló'wa gurbuú' tlakweemaaín kiwa hhu'u'n dír Mungú i hhu'u'un, nee Aakoorén Yesu Kristo kuwa haratlintii'i.

Tlehhema'aá ya/Abuuse 20:25

«Aníng ana hi'iimiít baraá tla/angwhúng wa ale, waawuti'iimár Mungú ngiri alki/iít. Nee ala aníng hamí a xuú' baraá tla/angwhunge heé aníng i malé ar i kaahh.

Tlehhema'aá ya/Abuuse 28:31

Kángw waawuti'iimár Mungú guri alki/iít, nee kángw Aako Yesu Kristo guri intsaahhatimís ar pihh'uuma, nee heé inós gwa ilaa/ i kaahh.

Tlehhema'aá ya/Abuuse 5:14

Múk Aako gwa haratlintii' iri ló'wa tlaáhh, hhawaate nee /ameenaaro.

Tlehhema'aá ya/Abuuse 8:4

Ala eeharuuseedá' aa diyaa/at iri tleér umuúqo amooro, Ya/abtór hho' kari alki/iít.

Rumi 10:10

Asma hee in haratlintaatii' ar muuná, tam kuri gan'amuú i harafaar dír geeraá Munguhe, nee afkose iri ya/án tam ba/ama gari sláy.

1 Korinto 11:11

Ala baraá Aakoowo /ameeni a gaarooká bar hhawaata i kaahh, nee slám hhawaata a gaarooká /ameeni bir káhh.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

1 Petro 3:21

Ma'aydá' a slaqsoó baatiísmo, kudá' kuungá' nu ba/amiimís de'emakaákae. Baatiísmo a slasla/aruú slaqwa gun hingeemiisiiká, ala baatiísmo a hee Mungú gun firiirín as muunuú hhoó' nguwa slay, ar /uuruú waasle/uú Yesu Kristo.