Tlehhema'aá ya/Abuuse 8:1 - Biblía Axweesantá Hhohho' ar Mungú 2004

¹ Nee Saulo gaasadá' gari sa qwalalaá/. Baldá' gusisíngw úr oo múk kríshaanáy iri iimu/ún baraá Yerusalemuro, sleémeero tari diyaa/aát baraá yaamaá Yudearo nee Samariaro, ala aqo har ya/abuuse kilós ina mét.

Ya/abtór hho' 1977

¹ Nee Sauli gaasadá' gari sa qwalalaá/. Baldá' gusisíngw úr oo múk Kríshaanáy iri iimu/ún baraá Yerusalemuro, sleémeero tari diyaya/aát baraá yaamaá Yudearo nee Samariaro, ala aqo har ya/abuuse kilós.

Tlehhema'aá ya/Abuuse 8:1 Iomraidhean Croise

NEHEMIA 6:3

Aníng ya/abuuse ana amor'ín i ya/aáw ana oó', «Gadiyeérí ni tleehh ka ur tam daqeemuú amorhúng ngu aleeslawaaká, hám gár gadiyeé ngis maw nay /eét amorhúng a milá?»

DANIELI 6:10

Danieli ngiwa tsaáhh waawutmo duguno gwaa qaás, inós iri kií/ amór do'ós kuduú qorofa, baraá kutuwirós tidá' pa/eeriwós taa kiís i amór Yerusalemúr ga/ayá'. Danieli umuú deelooro in tumbarara'amamiit looár wake sagaáwa tám, as Munguúwós nguwa firiirin nee nguwa sluufmiisi adoodá' /iisí i /imaamisi.

DANIELI 6:23

Waawutmo iri ló'wa qwalaá/, muu guri ádbáy, Danieli kuwa duuxi baraá mar'iro. Naagáy Danieli kunguri duúx, naxés kwa gweehhiiká tam adór niiná, asma inós Munguúwós guna harahhiíf.

Matayo 22:6

Nee mukdá' aa meet, lawaaleedá' gari ohín, gari muúx, gari tsuú/.

Matayo 23:34

«Gawaá adoorihe xumiisé'. Án aaruuse ngi amorhúng i ya/aáw nee múk sageloene, nee intsaahhatuuseero. Inooín bahh'alé kuungá' i tsu/á', bahh'alé i kiki'iindá', bahh'alé i muxá' baraá maraá saalingwhunge, nee kiwa gusisiinda' baraá umuúqo gixsaro.

Matayo 5:13

«Kuungá' a diwtá yaamu. Ala diwi bira hhiturút, gár ki qaasi a milá as iwa malé maamahh? I sangw gaa bu'uká, aqo kan kwaahh tsee/ií alé, kari adarah nee muu.

Yohana 15:20

/Aymuudá' naa kuungá' báw inslawaak, kudá' nuwa báw, ‹Lawaalmo ku ureeká ta aakoowose.› Bar án tina slahh'eemiís, kuungá' sleeme tundu slahh'eemiis. Bar axweesante'eé' kana óh, toohúng sleeme ka oh.

Yohana 16:2

Kuungá' tundu baynitis dír maraá saalingo. Slám qooma i hardát ar umuúqo heewo oo kuungá' nu tsuú/, ngiwa xui i Munguú sagadiyuus.

Tlehhema'aá ya/Abuuse 1:8

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Tlehhema'aá ya/Abuuse 13:1

Baraá múk kríshaanáy kudá' baraá Antiokiár i diriia aaruuse i deer nee intsaahhatuuse. Inooín a Barnaba nee Simon kudá' ta bay Nigeri, nee Lukio, heé yaamaá Kirene, nee Manaeni, heé aa uray dír doó baabuú waawutmo Heróde wa ale, nee Saulo.

Tlehhema'aá ya/Abuuse 13:36

Daudi múk qartós guna sagadiyuús, adoodá' Mungú aa slaá' gari tleéhh. Aluuwo iri gwaá', kuri foól dinkwa nee baabi'iiwós. Inós hhitiru'uuma gari sláy.

Tlehhema'aá ya/Abuuse 2:47

Mungú kuri sluufmiís, nee muu sleémeero kuri sla'atimís, Nee umuúqo baalaaro Aako faarór mukós kudá' ba/aa/ám gana dogiít.

Tlehhema'aá ya/Abuuse 22:20

Qoomár tseerér Stefano, lamabu'usmoowók, kawa ku'uús, aníng a didií dirií', nee ana qwalalaá/. Tlabaá mukdá' inós gwa gaas ina xuúm.›

Tlehhema'aá ya/Abuuse 26:10

Adoorí an adoodá' naa tleéhh baraá Yerusalemuro, kaahamuusér uren ar Mungú ina aleesleemií hanís, múk hhohhó' oo Mungú nguri tsegiít. Nee qoomár kwasleema kawa tsaát ar kiwa tsu/i, aníng sleeme ana ya/aám.

Tlehhema'aá ya/Abuuse 5:18

ya/abuuse kari ohín, kari dahaás baraá doó tseegamo.

Tlehhema'aá ya/Abuuse 5:20

«Tlawsé', sihhiité' baraá Doó Mungú, muu ádbawaak kángw axweesanaywí sleémeero oo slafiingo.»

Tlehhema'aá ya/Abuuse 5:33

Inooín adoorí kawa axaás, mune giri farkiín, kiri tsu/utár wa slaá'.

Tlehhema'aá ya/Abuuse 5:40

Ya/abuuse kari ateét, kari muúx, kari hara'ayín matawa axweés ar umuú Yesu. Kiri geemáy, tari tláy.

Tlehhema'aá ya/Abuuse 7:38

Qoomár muu iwa burumburiít baraá xaanxaywo, Mose ina sihhiít tla/ángw bariiseerén nee malaykamo, kudá' aa axwees nee inós gawaá tloomár Sinaír wa ale. Inós axweesanoó slafiingw nguna ilaaóh, as nguwa atén i haniisi.

Tlehhema'aá ya/Abuuse 7:54

Qoomár axweesanaywí kuwa axaás, muner'ín kari slahh'eemiís, Stefano kuri /atlií tlu'ún.

Tlehhema'aá ya/Abuuse 7:58

Kuri duúx tsee/aá i alé gixsaro, kuri tlaquút ar tlaa/e. Nee lamabu'uuse inqwaruuín guri qás dír ya'aá garmaako ta bay Saulo.

Tlehhema'aá ya/Abuuse 8:14

Ya/abuuseedá' Yerusalemúr i dirii' gari axás adór múk Samaria axweesantá Mungú ngira ilaaóh. Petro nee Yohane kiri amoodií ya/aáw.

Tlehhema'aá ya/Abuuse 8:2

Múk Munguú ilaiwawaá/ Stefano guri foól, kuri sa tsuunqumiís ló'wa ale.

Tlehhema'aá ya/Abuuse 8:4

Ala eeharuuseedá' aa diyaa/at iri tleér umuúqo amooro, Ya/abtór hho' kari alki/iít.

Tlehhema'aá ya/Abuuse 8:5

Filipo iri aweér ay baraá gixsár Samaria, kángw Kristo guri alki/iít dír múk i alé.

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.

Rumi 1:32

Mukwí sakwasleemár ganaa' ar Mungú ga ló'wa xuu', adór heé muruuwí gu tlehhahhiít, gár kus hariím tar gwa'ara. Ala tam adoorihe inooín muruuwí ku tlehhiit. Nee gár ak tlaakw a tí, inooín mukdá' muruuwí gu tlehhiít ku aleeya/aa/án sleeme.

Filipi 1:12

Hhaee'eé', gár ni slaa', kuungá' masók an xuá' adór slahh'amaayeedá' sleémeero aníng naa sláw Ya/abtór hho' ngira ila/iká, ala gana alee/ís tsiyaayaaxaro.

Ebrania 11:27

Mose ina yaamaá Misrír wa tláy ar haratlintaao, tam xaraasleemaá waawutmo gaa da'ayuutiiká. Asma ina kumiít ar pihh'uuma adór heé Munguúdá' geetlaákw gu ga/áw.