Tlehhema'aá ya/Abuuse 7:60 - Biblía Axweesantá Hhohho' ar Mungú 2004

⁶⁰ Iri tumbarara'aát iri tseé' ar afór ur, iri oó', «Aáko, tlakweemaaká' mi daanduuín i faaraar.» Adoorí ooaro ngiwa hhe'eés, iri gwaá'.

Ya/abtór hho' 1977

⁶⁰ Iri tumbarara'aát, iri tseé' ar afór ur, iri oó', “Aáko, tlakweemaaká' mi daanduuín i faaraar.” Adoorí ooaro ngiwa hhe'eés, iri gwaá'.

Tlehhema'aá ya/Abuuse 7:60 Iomraidhean Croise

ESRA 9:5

Qoomár ilahhooár muruú ta tsu/i ar tsiindo iwa xeér, niri tláw alaá niwa gwaawiím, nee tlabaeé' nee hiyay'eé' kudá' taa fehhamaamiisi, niri tumbarara'aát dabaeé ngiri tleés amór AAKOÓ MUNGÚ, Munguúeé' nguri firiím.

DANIELI 12:2

Múk yaariír kudá' aáng aa qaro qaatl, nin waaslee/, bahh'alé slafíngw alhhe'eesay wásl ngu slayá', nee bahh'alé mure nee waqaaqa' ngin slayá' ay alhhe'eesay wasle.

DANIELI 6:10

Danieli ngiwa tsaáhh waawutmo duguno gwaa qaás, inós iri kií/ amór do'ós kuduú qorofa, baraá kutuwirós tidá' pa/eeriwós taa kiís i amór Yerusalemúr ga/ayá'. Danieli umuú deelooro in tumbarara'amamiit looár wake sagaáwa tám, as Munguúwós nguwa firiirin nee nguwa sluufmiisi adoodá' /iisí i /imaamisi.

Matayo 27:52

/aantu nay kisiitiyé' nee múk yaariír oo hhohhó' oo aa qaatl nari waasleé/,

Matayo 5:44

Ala án nu baw, wakuuserhúng sla'aak, nee kudá' kuungá' nu slahh'eemiisá' aleefiririimaak,

Luka 22:41

Inós tiri paraátl dir'ine, iri geerií hi'iít gár niinawe har qoomoó tlaa/anoó taa tsaxaár iwa hardihi, iri tumbarara'aát, iri firín, iri oó',

Luka 23:34

Yesu iri oó', «Baabá, inooín gurtlaweek, asma ar i tlehhiitiya' ngi xuiaaká.» Tlabaawós kiri kilooín qasmiís ar loohír tsawdo.

Luka 6:28

kudá' kuungá' lu'umisá' hhooeemií tlehhiitaak, kudá' kuungá' nu slahh'eemisá' aleefiriiriimaak.

Yohana 11:11

Yesu alaá axweesanaywí nguwa he'eés ooaro, iri oó', «Mulqumoorén Lasaro aa guú', nee án hamí a amoodá' káw as nguwa tleesár aw.»

Tlehhema'aá ya/Abuuse 13:36

Daudi múk qartós guna sagadiyuús, adoodá' Mungú aa slaá' gari tleéhh. Aluuwo iri gwaá', kuri foól dinkwa nee baabi'iiwós. Inós hhitiru'uuma gari sláy.

Tlehhema'aá ya/Abuuse 20:36

Qoomár Paulo axweesanaywós nguwa hhe'eés axweesanto, iri tumbarara'aát dinkwa nee mukdá' sleémeero, iri firín.

Tlehhema'aá ya/Abuuse 21:5

Qoomár deelór tawa amoodií diriaan iwa fák, tay tlawaán. Inooín sleémeero nee tlaaway'ine nee na/iiwo tay haydohisiyé' ay afaá gixsa. Tay tumbarara'ataán afaá tlawi, tari firimaán.

Tlehhema'aá ya/Abuuse 9:40

Petro muu sleémeero guna tsee/ií duúx. Iri tumbarara'aát, iri firín. Iri amór tuuaárí warqáy iri oó', «Tabita, tlawáng.» Iri qaytsít, nee Petro nguwa aán iri tleér, iri iwít.

1 Korinto 11:30

As adoorí gaarí an gár múk yaariír baraahunge kus daqeetlákw nee is tiqi, nee slám an gár múk yaariír isa qaátl dirhunge.

1 Korinto 15:18

Nee barnaxes a adoorí, mukdaádá' aa qaatl oo Kristo gwa haratlintii', inooín daqaní taa hhán.

1 Korinto 15:20

Ala looeema a kuká', Kristo aa waasleé/ baraá múk aa qaátl wa alé. Inós a bu'ungwdá' aa giirin oo mukdá' aa qaatl.

1 Korinto 15:51

Ga/aawaagáy, aníng gár lu/aaráy ngi dirhúngií oó'. Atén sleémeero a qatlanaaká, ala atén sleémeero ti warqees

1 Korinto 15:6

Aluuwo hha'aá dinkwárí diriiá' awa tsiire kooane waarahhá' giri harati'iít. Awa yaariir baraá tla/angw'ine tam hamí i slafiyá', ala bahh'alé naa qatliyé'.

1 Tesalonike 5:10

Inós atén tina sa gwaá', as atén tawa hootaan dinkwa nee inós, barnaxes a slafaán laqaá barnaxes aga qatlaán.

2 Timoteo 4:16

Bál kwasleemar'eé' tidár geeraawo, qoomár aníng tiwa aleekal/aam heé bartaeé' ngaa ay i kaahh. Ala sleémeero ina geexayé'. Ala tlakweemaaká' mikiwa daandeemooín i harafaár.

2 Petro 3:4

tawa kaahi, «Inós al'axweesani ngina haniísiíke ar niwa ki/i, ala i amá? Baabi'iirén naa qaroó qatliyé', ala mura' sleémeero u ga/eerá'aáke i adoodaádí kaahh, adoodár aáng iimír yaamu kiwa tleéhh.»